Microsoft Word safruh. Inama dogru doc
Yüklə 2,84 Mb. Pdf görüntüsü
|
_________________Milli Kitabxana ________________
49 "Bişüur (Freydin kəşfi) XX əsrin ən böyük kəşfidir" (s.6) "Psixoanalizin banisi Freyd – sönməz günəşdir" (s.15) – bu da bizim İsmayılov Fərmanın ən böyük kəşfidir yəqin ki. *** N.Kopernik Yermərkəzçiliyi Göymərkəzçiliklə əvəz eləyib; Ç.Darvin insan soyunun keçmişdə meymuna oxşadığını söyləyib; Freyd şüuru bişüurdan doğuzdurub (səh. 15). Çox əcəb! Niyə bəs bunlar "insana zərbə" sayılmalıdır? İnsanı öz gözündən, insanı insanın gözündən salmaq üçünmü?!
*** Mən, bir insan olaraq, məni öz gözümdən salmaq istəyən zərbələrin hamısını boş şey sayıram, yuxugətirici gurultu-guppultu sayıram; məni öz gözümdə, başqasını (insanı) mənim gözümdə ucaldan kəşflərdən fərəh duyuram. Birhüceyrəlidən tutmuş Allaha qədər hər kəsin insan üzərində iddiasını rədd edirəm. ***
"Gənc Freydin siyasi idealı elitanın diktaturasına nail olmaq idi" (s.15). Mən, Psixoanaliz metoduna söykənərək, bu qərara gəlirəm ki, çuvaldakı cidalardan biri budur. ***
İkincisi bu: "O, hələ gənc yaşlarından siyasətçi olmağı arzu edirdi. Onun bu arzusu boşa çıxdı, çünki o zamanlar Freydin yaşadığı Avstriya-Macarıstan imperiyasının qanunları yəhudilərə siyasi elmlərlə məşğul olmağı qadağan edirdi" (s. 14). Freydsə özünün yəhudi mənşəli olduğunu gizlətmirdi (s.13). *** Ona görə də Freydin yaratdığı baxış (nəzəriyyə) "bəşəri mövcudluğun lap sütunlarını sarsıdır, adət-ənənələrə, sosial normalara, epoxanın dünyagörüşü və vicdanına, onun heysiyyətinə toxunur; ...tarixə və mədəniyyətə, əxlaqa və mənəviyyata, həyat tərzi və dünyagörüşə qarşı meydan oxuyur" (s.13). Və bir də, bax: Safruh. Oğuz yönü, səh. 132 – "Freydçilik" harayının birinci deyimi. *** "Qərbdə çoxluq psixoanalizi tilsim sayır, onu İsa apostollarının Müjdələrindən üstün tutur" (s.34). Utanım içisəhra Batı'nın yerinə! Özlərinin duyuq düşüb səbəbini (və xilasını) başqa yerdə axtardıqları "Batı'nın çöküşü" məhz budur. Bunun adı: Bəşərin təcrübəsinə arxa çevirmək; filan Ağzıgöyçəyə qədər bəşərin çörəyi qulağına yemiş olduğunu düşünməkdir. *** "Bəşər tarixi zərurətdən azadlığa doğru inkişaf tarixidir" (s.66). Mən də ölürəm azadlıqçün, ancaq ədəbsizliyi, əxlaqsızlığı – heyvana bənzərliyi ən dözülməz, ən qara dustaqlıq sayıram! Aşağıdakı anlamda: ***
_________________Milli Kitabxana ________________
50 Mən Meymunların üzünə baxanda az qalıram ağlımı itirəm – onların insan olmasınacan keçəsi zamanın uzunluğundan: Bu nə vaxta qədər bunca bizimkinə bənzər üz-gözlə baxacaq, ancaq danışmayacaq, qanmayacaq?!
"...Bişüur nədir?" sualına cavab verməkdə çətinlik çəkdiyini Freyd gizlətmirdi". O deyirdi psixoanalitik bişüurun nə olduğunu deyə bilməz – yalnız onun təzahür yerini göstərə bilər (s. 70). İndi burada "bişüur" sözünü "Allah" sözü ilə, "Freyd"i "Müsəlman"la əvəz eləyək... *** "...Bişüurda nizampərvərlik, haqq, ədalət, məntiq, ağılabatanlıq, əxlaq, mənəviyyat axtarmaq əbəsdir" (s. 72). ***
"Bişüur – insanlaşmış təbiətdir; xalis xaosdur; məntiqdən, zamandan, məsuliyyətdən, eyibdən və s. kənardadır; bişüurun iş prinsipi – zövqdür, həzzdir. Bu prinsip – heyvanların fəaliyyət prinsipi, onların həyat tərzinin əsasında dayanan bir tələbdir" (s. 85, 87). *** Hətta onun öyücüləri ("apologetləri") belə, deyirlər: "Bu prinsipi psixi fəaliyyətin, qeyri-şüurinin əsasına qoymaqla, bişüuru şüura qarşı qoymaqla Freyd insanı biolojiləşdirirdi" (s. 88); Freyd – panseksualist idi (s. 214)... "Sönməz günəş" beləmi olur?! ***
"Seksuallıqda isə söhbət məhəbbət obyektinə sahib olmaqdan, eşq alovunu söndürməkdən gedir" (s. 108) – hətta eyni cinslər arasında da. *** Freyddə və Freydçilikdə "eşq", "məhəbbət" sözləri yalnız (və yalnız!) "dalaf", "kürşək", "qoça (buğaya)" gəlmək kimi anlamlar daşıyır. Misal üçün, düyə buğa'ya gəlirsə, Freydçiliyə görə, onlar bir-birinə öz məhəbbətlərini izhar eləyirlər. İnsanlar da tamamilə bu qaydaya çağırılırlar. (Mən boyaları tündləşdirmirəm). *** İnsanı heyvandan əmələ gətirən (s.88), seksuallığı (cinsi istək düşkünlüyünü) onun Allahı sayan, onun bişüurla idarə olunduğunu vurğulayan Freyd – bişüuru şüurla əvəz etmək istəyirmiş... *** Necə, nə sayaq? Bişüuru "şüurla xəstələndirən", xəstələndirib şüura çevirən aşağıdakı nevroz törədicilərini məhv etməklə: Din, İnam, Mənəviyyat, Əxlaq, Mədəniyyət, Həya, Müqəddəslik, Vicdan, Sənət, Ailə, Ədəb-Ərkan, Böyük- Kiçik, Olar-Olmaz, Ordu, Yurd, Ulus...
_________________Milli Kitabxana ________________
51 ***
Beləliklə, daloy Ata, Ana, Bala, Baba, Nənə – Ailə Müqəddəsliyi! Daloy Ülvilik, daloy Məcnun, Yunus, Füzuli, Səməd! Daloy Cabbar, Qədir, Xan əmi – daloy Muğam! Daloy Abbas, Alı, Ələsgər, Şəmşir – daloy Saz! Daloy Peyğəmbərlər, İmamlar, Fədakarlar! İsa, Pavel, Nəsimi, Ruzbeh daloy! Siz cinsi istək obyekti axtarıb, tapmayıb öz nevrozlarınızı yalançı müqəddəslik, ruhanilik, ülvilik, fədakarlıq, sənətkarlıq adı ilə sovuşduranlarsınız!.. *** Psixoanalitiklər bişüuru şüura çevirdikdən sonra da o (bişüur) istədiyini eləyəcək, ancaq indi tam dolğunluğu ilə və elmi surətdə, rasionalcasına; daha Din, İnam, Sənət, Müqəddəslik, Mənəviyyat, Əxlaq, Utancaqlıq, Ədəb-Ərkan, Namus-Qeyrət, Həya-İsmət kimi riyakarlıqlara əl atmadan. ***
Cəmiyyətin həqiqəti – riyakardır – ləğv olunur; onu təbiətin həqiqəti əvəz eləyir – instinktlər! Harada haran gicişir – orada oranı qaşı, qaşıt! Beləliklə, sağlam və xoşbəxt olacaqsan!.. ***
Təbiətdə isə nə sağlam var, nə xəstə; mikrob da, kir də, kif də, istənilən xəstəlik törədicisi də təbiətdir, təbiidir. Təbiət üçün nə xoşbəxt var, nə bədbəxt. *** Psixoanaliz bu yolla bəşəri sağlam və xoşbəxt eləməyi möhkəm məqsəd qoyub qarşısına. Utanc, həya duyğuları tamamilə bəşərdışı elan edilir. Elə beləcə də yazılır: "Heyvanlar kimi yaşasın" (s. 74). *** "Freyd bəzəksiz – düzəksiz, birmənalı şəkildə bildirdi ki, insan dünyadan zövq almaq üçün yaşayır; o, "yorulmaq bilmədən zövq axtaran məxluqdur... Freydin insan konsepsiyasının mahiyyəti bu ifadədə öz həllini tapmışdır" (s. 189). Çox yaxşı! Bundan aydın deyə bilməzdin. Bu isə "İnsan – düşünən heyvandır" deyənlərə qarşı, "İnsan – duyğusal heyvandır" demək anlamına gəlir və insanı öncəkindən bir pillə daha aşağıya salır. ***
Bunun ardınca: "İnsan ilkin (ibtidai, vəhşi) istəklərin hakimiyyəti altında olan zəif intellektli məxluqdur" (s. 190). Bu kimi deyimlərdən goreşənlik qoxusu gəlir: bəşərin İnsanlıq qalasının özüllərini qazımaq, onu yıxmaq, pozmaq, araya çaşqınlıq salmaq; dəlini yelləndirib əlinə bel vermək... *** Bəşərin İnsanlıq qalasının sütunları, dayaqları olan Din, İnam, Müqəddəslik, Peyğəmbərlik, Atalıq, Analıq, Ailə, Yurd, Ulus, Dövlət, Əxlaq, Mənəviyyat, Mədəniyyət, Sənət, Ədəb-Ərkan, Adət-Ənənə, İsmət, Həya, hətta Hüquq normaları bu məqsədlə baltalanır. Mən bunun niyəsini yuxarıda "Çuvaldakı cidalar" obrazı ilə açdım. Yüklə 2,84 Mb. Dostları ilə paylaş:
|