_________________Milli Kitabxana
________________
70
Hər şeyim olmasa da, çox şeyim var; başına and içməyə bir kimsəmsə yoxdur.
* * *
– Ömrüm boyu bir içim içməli su axtardım. – Tapdınmı? – Tapmış olsaydım,
“ömrüm boyu” deyərdimmi?
* * *
Ömrüm hələ başa çatmayıb; axtaracağam, tapacağıma ümidsiz olsam da.
* * *
Qızlar bulağından çamur axır; elə oğlanlar bulağından da. Üçüncüsü yoxdur.
* * *
“İçməli su” – “inanılmalı qız (ya da oğlan)” deməkdir. “İnanılmalı qız (ya da
oğlan)” – “başına and içməli bir kimsə” deməkdir
* * *
Arvadım Xariqə – qız deyildimi? Qardaşım Nəbi – oğlan deyildimi?
* * *
Ya “ən seçilmişlər” – Asif Ata Mütləqə İnam Ocağının Evladları – qızlar,
oğlanlar deyildilərmi?
* * *
– Bəs Nigar kim idi? – O da axtaran idi, ancaq tapdığını götürməyə gücü
çatmadı.
* * *
– Götürsəydi, əlində saxlaya biləridmi, yəni ömür boyu içməli su olub qala
bilərdimi? – İndi buna da inanmıram (onda inanırdım).
* * *
Adətən, qız – axtaran olmur, axtarılan olur. Nigar isə axtarırtdı, çünki o, “qız
tipi deyildi, ..., meteorit idi”. (Bax: “Yön”, s. 460). Düşdü də məni yaxdı (yaxdı
və yaratdı); özü də yaxıldımı, bilmirəm.
* * *
– Bəs Uluruh kimdir? Onun başına and içə bilməzsənmi?
– Bilərəm, içirəm də. Ancaq Uluruh – cövhəri hələ qətiləşməmiş bir axtarandır.
* * *
Mənə bir içim içməli su yetir, İlahi! Ona həsrətli getməyim yaşamdan; Ona –
bir içim içməli suya həsrətli getməyim. Ölürəm bu qürbətdə, bu susuz səhrada.
* * *
Mən səndən bir qız istəmirəm, İlahi! Bir düz istəyirəm – diri düz.
* * *
Atamız var olsun!
21 İşıq, 05 Şölə 30-il.
İnam Evi.
(21 may, 5 iyun 2008).
YAZILMASI MÜMKÜN OLMAYAN ƏSƏR
_________________Milli Kitabxana
________________
71
(Haray)
Ey Gələcək, mən səni böyük saymasam da, Bugün barədə, yəni öz günlərim və
gördüklərim barədə sənə yalan çatdırmayacağam. Bugün`ün həqiqətləri barədə
susmayacam da.
* * *
Heç də bütün heyvanlar “Heyvan!” deyil. Onların arasında ər-arvad
sədaqətliləri də var – bu sahə bilginlərinin yazdıqlarına görə. Mən heyvan
olsam, o növlərdən olaram: Qızılbalıq kimi, Leylək kimi, Qurd kimi...
* * *
İlahi, mən bacardığığm bütün biclikləri etməliyəmmi?! Axı onda bu, insanlıq
olmur – nə yaxşısından, nə də pisindən.
* * *
Ey allaha inananlar! Bilin ki, Allahın ikicə balası var: qız balası və oğul balası.
* * *
Ey Allah sevənlər! Bilin ki, arvada xəyanət – Allahın qız balasına xəyanətdir.
* * *
...Qanan o kəsdir ki, adamların qanmaz olduqlarını görür, bilir; pozğun
olduqlarını görür, bilir və bu qanmazlar, pozğunlar arasında qanacaq və
düzgünlük işi aparmaqdan usanmır, bezmir...
* * *
“Həqiqətin Tərcümeyi-Halı” – yazılmamış, məncə, yazılması mümkün olmayan
əsər budur. O – yazılmalıdırmı?
* * *
İlahi, bilmirsən neyləyəsən; öləsən – qalasan, yazasan – yazmayasan...
* * *
Mən ilsıranın və tarixin hər yerində Həqiqətin ağrıdan, işkəncələrdən
çığırtılarını eşidirəm. Gerçəklik sanki ağrıdan ağzı, gözü əyilmiş həqiqət
görüntüsüdür.
* * *
Yəqin, Budda buna görə ölüm nəzəriyyəsi yaradıb. “Həqiqətin Tərcümeyi-
Halı” onun içindəymiş; o da onu özüylə gora aparıb.
* * *
Yəqin, Buddanın Nirvanası – “Həqiqətin Tərcümeyi-Halı”nın epiloquymuş.
* * *
“Həqiqətin Tərcümeyi-Halı” – barama, onun yazarı – ipəkqurdu: baramasını
toxudu, özü içində qalıb öldü; həqiqətsizlik onun toxuduğunu söküb, özünə
ipək köynək tikdi.
* * *
Sizif – İpəkqurdu – Buddanın (öldürmək istəyi ilə) Nirvanaya soxduğu...
* * *
_________________Milli Kitabxana
________________
72
Atamız var olsun!
10 Şölə (IV ay) 30-il.
(02.IX.2006).
İnam Evi.
ASIF ATA və İNAM ATA
Bu yazı mənim ən həzin içsəsim, ən zil harayım və fərəhli cikkəmdir. Ona görə
də başlığın altına janrını yazmadım.
* * *
Ocaqdakı Qadın Qiyamıyla Asif Ata Öz Ocağinda kəllə-mayallaq getdi, innən
belə onu yaşatsa, İnam Ata yaşadacaq.
* * *
Asif Ata gələcək Qiyama tutalqa verəndə kəllə-mayallaq getmişdi...
* * *
Asif Atanın kəllə-mayallaq getməsində Qiyamcı Qadınların sucu ən çoxu
yüzdə 49 qədərində ola bilərdi, yüzdə 51-i Özününküdür.
* * *
(Ancaq Qıyamçı Qadınlardan heç birinin Ataya qarşı qiyam elməyə mənəvi
haqqı yox idi).
* * *
Onun kəllə-mayallaqlığı Ocağından kənara cıxa bilməz – gizlətmək anlamında
yox; o anlamda ki, Qadın Qiyamındakı tipli səbəblərdən toplumda Peyğəmbər,
Filosof yıxılmır.
* * *
Ancaq – Ocaq toplum deyil, cəmiyyət deyil, o belə şeylərə görə yıxılmanı
qaçılmaz sayır; çünki o, Filosofun – Peyğəmbərin özüylə nəfəs alır, sözüylə
yox. (Toplum sözüylə nəfəs alır.)
* * *
Mənsə Ocaqla Toplum arasındayam, mən ötürücüyəm, Haqiqəti gizləyə
bilmərəm, gizlətmərəm. Mən sözün deyənindən çox, eşidəni üçün işləyirəm.
Eşidəni isə –xalqdır, haqdır.
* * *
Ocaqda Atanın Adıyla bağlı son günlər dilə gətirilmiş olaylar – Ata Ömüründə
İsalıq kimi bir şeydir: – canlı birey (fərd) kimi ölür ki, Peyğəmbər kimi dirilsin;
Asif Ata kimi ölür ki, İnam Ata kimi dirilsin.
* * *
“Məni aparmağamı gəlmisən, ölüm? Gedək. Səndən qorxum yoxdur. Sən
məndə böyüklüyü öldürə bilmirsən, kiçikliyi öldürürsən, sonsuzluğu öldürə
bilmirsən – keçiciliyi öldürürsən!”
Dostları ilə paylaş: |