_________________Milli Kitabxana
________________
81
Qəlbimin qidası həqiqətdir.
***
Heç kəsə məni kiçiltmək haqqı və səbəbi verməmişəm; heç kəsin məni
kiçiltmək iddiasını qəbul etməmişəm; heç kəsi kiçiltməmişəm; heç kəsi
kiçiltmək iddiasında və arzusunda olmamışam; heç kəsin kiçilməsini və ya
kiçildilməsini istəməmişəm — mütləq anlamda heç vaxt və HEÇ KƏSİN!
***
Kiçiltmək hesabına böyümək duyğusu bir an belə, keçməyib ürəyimdən. Bu
məqsədlə balamın başına sığal da çəkməmişəm. Nisbi, müqayisəli, qənimətçi
məziyyətlərdən heç vaxt təsəlli almamışam. Hər nə boyum olubsa, onu mütləq
istəmişəm.
***
Asif Ata — böyüdən idi.
***
Safruha qarşı çıxan — Safruhun düşməni olmur, Şər olur. Çünki Safruh
biryolluq Xeyrin — İnam Atasının tərəfini tutmuşdur.
***
Hər bir Ocaqçıya dəyən zərbə Ocağa dəyir, Ocağa dəyən zərbə Ataya dəyir,
Ataya dəyən zərbə İdeala və Amala dəyir, insaniliyə və bəşəriliyə dəyir,
Azərbaycana dəyir, türkə və türklüyə dəyir.
***
Toplum deyir: “Öndərimiz şahdır, əsgərimiz şəlpə”.
***
Ünvansız, Şəxsiyyətsiz toplum halı — şəlpələrdən çitənmiş xalı.
***
Bacı-qardaşını sevməyən kəs ata-anasını da sevməz. Amaldaşını sevməyən kəs
başqasını heç sevməz. Başqasını sevməyəni İnam Ata sevməz.
***
Amalçının Amaldaşı olar, həyatçının dostu. Yolçunu (Amaldaşını) sevməyəni
Yolbaşı sevməz...
***
Toplum bir də deyir: “Öndərimiz Günəşdir, əsgərimiz Günəşin şüası”. Ancaq
bu Günəşin şuaları bir-biriylə kəsişir.
***
Bunu necə anlamalı? Yəqin belə: Ya öndərimiz Günəş deyil, ondan saçılan da
Günəş şüaları deyil; ya da Günəş öz şüalarını hələ saçmayıb.
***
Mənim insançılığım Asifçiliyimdən irəli gəlmir, Asifçiliyim insançılığımdan
irəli gəlir; mənim həyasevərliyim Asifçiliyimdən irəli gəlmir, Asifçiliyim
həyasevərliyimdən irəli gəlir; Yurdçuluğum, Ulusçuluğum da bunun kimi,
həyat eşqim də bunun kimi.
_________________Milli Kitabxana
________________
82
***
Mənim Asifçiliyim sevdiklərimi daha geniş, daha dərin öyrənə bilməyimlə,
dərk edə bilməyimlə bağlıdır; sevgilərimi həyata keçirmək yolu və yöntəmiylə
bağlıdır.
***
Ata mənim gözümü açanda Atada özümü gördüm, gözümü yumub içimə
dalanda özümdə Atanı gördüm.
***
Dünyanı gördüm, Həyatı gördüm, İnsanı gördüm:
Sal qayadan süzülən can dərmanı su kimi,
Buddadan soraq verən altunlələk qu kimi.
***
İçimdə düşmən görmədim, düşməni görülməyə yararlı saymadım.
***
Sevgim birəbeş artdı, inamım birəbeş artdı, sevincim, fərəhim birəbeş artdı.
***
Allahı insandan ayırıb, insanı cılızlaşdırmaq, bəndələşdirmək İnamın işi deyil,
dinin işidir; Atanı insanda görüb İnsanı Allahlaşdırmaq — İnamın işidir.
***
Məndə Atanı görməyən Atanın Özünü də görməyib; özündə Atanı görməyən
Atanın Özünü də görməyib; Atanı özündə, məndə, səndə, onda görməyən —
Ata Harayını anlamayıb, Ata Amalını gerçəkləşdirə bilməz, Yol Yükünə onun
çiyni dözməz.
***
Ocağımızınsa Odu Sönməzdir!
***
Atamız var olsun!
25.01.21.
_________________Milli Kitabxana
________________
83
BÜTÜ QORUMAQ
(Haray)
Dinlər ilsırası (tarixi) miqyasca: Bir az baştikənlik, ən çox başkəsənlik
ilsırasıdır — başkəsənliyə qarşı başkəsənlik.
***
Mən — bir ilk Asif Ata İnamçısı Ocaqçı olaraq — əmr edirəm: Əqidəyə görə
(heç vaxt heç bir) ölüm hökmü çıxarılmasın!
***
Hər bir yazıçının ən yaxşı əsəri onun özü, öz həyatı olmalıdır.
***
İnamçının inamı, dinçinin dini də beləcə.
***
Böyük Sevgidən böyük yalan düzəltməməli!
***
Ananın balaya, balanın anaya sevgisi — yanlış yaradır — böyük, ya kiçik.
Ancaq bu, o yanlışdır ki, ona “bir naxış” demək mümkündür.
***
İctimai, siyasi, özəllikcə ruhani sahələrdə böyük sevginin yaratdığı yalan —
böyük fəlakət olur — sürüləşib-sürüləşdirməkdən tutmuş diktaturaya qədər;
həqiqətin, idrakın, fərdi simalaşma fərəhinin ağzına daş basılmasına qədər.
***
Kamillik yalnız buyurmaqda göstərmir özünü, yalnız buyurmaqdan asılı deyil;
o, buyuruqla yerinə yetirmənin uyarlığında, birikməsində gerçəkləşir.
***
Kamil buyurucu özünə kamil buyuruqçu tapmalı və ya yaratmalıdır — yoxsa
inəklər sağılmamış qalar.
***
Sinifləşmə, silkləşmə, kastalaşma deyil bu; sinifləşmədən, silkləşmədən,
kastalaşmadan çıxış yolu axtaranlara ruhani bir məsləhətdir.
***
Hər bir faktın həm içərisi var, həm dışarısı (həm anlamı var, həm görünüşü).
***
Adətən, “olan-olmuş” (“fakt-faktlığında”) deyəndə “hər şey aydındır” başa
düşülür. Fakt isə Mütləqə, içindəki Anlama qədər öyrənilməlidir.
***
“Fakta görə cəza və ya mükafat” hökmü yalnız anlam əsasında çıxarıla bilər,
çünki anlam — ən çox — insanların içərisini — qəlbini öyrənmək üçün, dərs
Dostları ilə paylaş: |