www.achiq.info
80
Azərbaycan dilinin işlədilməsinin qadağan olunmasına baxmayaraq bir çox azərbaycanlı şairlər öz
dillərində yazmağı davam etdirirdilər. Onlardan biri dahi Azərbaycan satirik şairi M.Ə.Sabirin (1862-1911)
davamçısı M.Ə.Möcüz (1873-1934 / 1254-1313) idi. XX əsrin əvvəlindən bədii yaradıcılığa
başlayan şair
öz yaradıcılığını ana dilinin qadağan edilməsindən sonra da davam etdirmişdi. O özünün cəmiyyətin sosial
və mənəvi eybəcərliklərini ifşa edən şerlərini əsasən savadsız olan Azərbaycan cəmiyyətinin əksəriyyətinin
dilində yazırdı. Öz ana dilində əsərlərini nəşr etdirməyə imkanı olmayan M.ƏMöcüz bütövlükdə
Azərbaycan ədəbiyyatı, dili və mədəniyyətinə sədaqətlə xidmət etmişdir. “O, Azərbaycan dilini
fanatikcəsinə sevirdi”,
34
çünki onu ”yüksək inkişaf etmiş milli şüur”
35
fərqləndirirdi. Öz üzərində gəlmə
fars məmurlarının özbaşınalığı və şovinizmini bilavasitə hiss edən məktəb ziyalıları arasında da
vətənpərvərlik və inkişaf etmiş milli şüur təzahür edirdi. Belə ki, 1937-ci ildə üçüncü ostanın (Şərqi
Azərbaycan) yeni maarif müdiri Təbrizə gəldi. O, fars dilində danışıq vərdişlərini möhkəmlətmək məqsədi
ilə Ali pedoqoji məktəbin müdiriyyətinə burada müəllim və tələbələrin iştiirakı ilə yığınçaqlar keçirməyi
tapşırdı.
O həmçinin məktəbin müdirindən danışıq zamanı Azərbaycan dilindən
istifadə edən müəllim və
tələbələri məktəbdən xaric etməyi tələb etdi, lakin bir neçə gün sonra, həmin məktəbin müdiri Əli Əkbər
Səba yığıncaqda çıxış etdi və ”heç kəsin intizarı getmədən türkcə danışmağa başladı. Səbanın türkü
danışması ağayi rəise maarifin (maarif müdirinin - V.M.) ihanətinin (təhqirinin - VM.) acısını yuyub apardı,
və uşaqları coşdurdu.”
36
Bəzən zavodlarda fəhlələr fars dilində danışmaqdan imtina edirdilər.
37
bəzi
məktəb müdirləri məktəblərin əvvəlki adlarının qaytarılması uğrunda, Azərbaycanda yerləşən hərbi
hissələrdə azərbaycanlı zabitlər fars zabitlərinin fars şovinizminə qarşı çıxış edirdilər.
38
Qeyd edilən faktlar göstərir ki, milli hüquqlar uğrunda çıxışlar qeyri-mütəşəkkil, təbəqədaxili xarakter
daşıyırdı. Bu da yuxarıda qeyd «edildiyi kimi Azərbaycan cəmiyyətinin sosial strukturunun
etnik tərkibi ilə
bağlı idi. Belə ki, burada ən qeyri-milli komponent məmurlar, xüsusən onun yuxarı dairələri idi, hərçənd
Azərbaycanın məmurları sırasında bu və ya digər dərəcədə azərbaycanlılar da təmsil olunmuşdular. Belə ki,
müxtəlif vaxtlarda azərbaycanlılar Təbriz şəhər bələdiyyə idarəsinin rəisi, Sovuc- bulaq, Maku polisinin
rəisi, Urmiyə şəhər maarif idarəsinin rəisi, Urmiyə və Ərdəbil vilayətlərinin qubernatorları, Azərbaycanın
appelyasiya məhkəməsi,
maliyyə idarəsinin rəisi, Şərqi Azərbaycanın kənd təsərrüfatı idarəsi, poçt və
teleqraf idarəsi və əyalət maarif idarəsi rəisi və s. vəzifələrində çalışmışlar.
39
Bundan əlavə, 1937-ci il
inzibati-idarə islahatı qanununa görə aşağı dərəcəli məmurlar, məsələn dehdar (nahiyyə starşinası) və
kəndxuda yerli əhalinin nümayəndələrindən təyin
edilməli idilər.
40
Görünür, qeyd olunan qanun qəbul
olunandan əvvəl də vəziyyət belə imiş. Başqa sözlə qeyri-milli məmurlar kəndlərə nüfuz etməmişdilər.
Məmurlar haqqında danışarkən, onu da qeyd etmək lazımdır ki, azərbaycanlılar bütün cəmiyyətin siyasi
və inzibati-idarə strukturunda müəyyən mövqelərini qoruyub saxlamaqda idilər. Belə ki, 10 və 11 nömrəli
cədvəllərdə (Əlavə 1) qeyd olunmuş nazir və vali vəzifələrindən başqa, azərbaycanlılar
müxtəlif illərdə
İranın sənaye üzrə baş idarəsinin, polisinin rəisi, Tehran cinayət məhkəməsının rəisi, Kerman, Kürdüstan və
Kermanşahın maliyyə idarəsinin rəisi, baş nazirin müavini, İranın xarici ölkələrdə səfirləri, Həmədanın
appelyasiya məhkəməsinin sədri, Fars əyaləti maarif idarəsinin rəisi,
ölkənin ticarət baş idarəsinin, yollar
baş idarəsinin baş direktoru və s. vəzifələrdə işləmişlər.
41
Azərbaycanlılar Rza şah sarayında, baş nazirin dəftərxanasında, bütün nazirlik və baş idarələrdə bu və ya
digər funksiyanı yerinə yetirirdilər.
Azərbaycandan kənarda işləyən azərbaycanlı məmurlar Azərbaycan xalqına qarşı yeridilən millətçilik
www.achiq.info
81
siyasətini yaxından hiss edib başa düşselər də ümumdövlət menafeyinə xidmət etdiklərindən obyektiv
olaraq həmin siyasətin işlənib hazırlanması və yerinə yetirilməsinde iştirak edirdilər.
Azərbaycanın özündə ise məmurların tərkibinde müəyyən Azərbaycan təbəqəsinin olması bir tərəfdən
bürokratik özbaşınalığın millətçiliklə eyniləşdirilməsi meylini zəiflədir, digər terəfdən həmin təbəqə
daxilində milli hisslərin daha güclü təzahür etməsinə şərait yaradırdı.
Beləliklə, Azərbaycanda meydana gəlmiş milli şərait
onunla xarakterizə olunurdu ki, etnik cehətdən
yekcins olan əsas sosial təbəqələr prinsip etibarilə iş verənlərin mənafeyini müdafiə edən, eyni zamanda
hakim millətin nümayəndəsi olan fars (yaxud qeyri-milli) məmurlar vasitəsi ilə bir-birinə bağlanmışdılar.
Sosial strukturda aşağı mövqe tutan təbəqələr ayrı-seçkilikdən daha çox, ilk növbədə azərbaycanlı hakim
təbəqələrin iqtisadi, siyasi, sosial zülmündən əziyyət çəkir, ona görə də başlıça olaraq sosial azadlıq uğrunda
çıxış edirdilər, hərçend öz milli mənafeyi onlara yad deyildi. Farsdilli Azərbaycan ziyalılarının
bir hissəsi öz
xalqının assimilyasiya olunması uğrunda çıxış edir, ziyalıların digər hissəsi ayrı-seçkilik siyasətindən
narazılıq edirdilər, çünki həmin siyasət onların maddi mənafeyinə toxunur, onları əyalətdə fars
ziyalılarından asılı vəziyyətə salırdı.
Maraqlıdır ki, Rza şahın daxili siyasətini məhkum edən müəlliflər Azərbaycanın iqtisadi geriləməsi və
fars məmurlarının özbaşınalığını xüsusi qeyd edirdilər.
”Pəhləvi dövrəsində siyasət belə idi ki, Azərbaycanda bütün idare rəisləri və iş başçıları
azərbaycanlılardan olmamalı idi. Buna görə Pəhləvinin qüdrətinə arxalanan farslar azərbaycanlılarla yola
getməyib, özlərin onlara hakim sayırdılar. Onlar azərbaycanlılar haqqında heç bir təhqir və zülmdən geri
durmayırdılar”.
42
Azərbaycandan 13-cu çağırış (1941) İran məclisinin deputatı Həriri məclisdə öz çıxışında
demişdir: ”Son iyirmi il ərzində... Təbrizdə cəmi Ali pedaqoji məktəb üçün bir bina və bir elevator inşa
edilib. Şəhər idarəsinin böyük büdcəsindən bələdiyyə idarəsi üçün xırda bir
bina və bir dənə naqis bənd
tikintisi üçün pul ayırmışdılar. Soyqunçuluqla məşqul olan... bu diyarın igid övladlarının hissiyatını
tapdalayan... bəzi ləyaqətsiz məmurlar, nəinki cəzasız qalmış, əksinə Tehrana qayıtdıqdan sonra onlara
xüsusi himayədarlıq göstərilirdi.
43
Beləliklə, əyalət iqtisadi və sosial infrastruktur cəhətdən tənəzzül keçirir, Azərbaycan xalqı isə ilk
növbədə məmurların özbaşınalığı, şovinizmi şəklində təzahür edən milli zülmə məruz qalırdı. Bu zülmü ən
konkret, gözə çarpan şəkildə və daim azərbaycanlı məmur və ziyalılar hiss və dərk edirdilər, ona görə də
onların arasında həm bu zülmə müqavimət, həm də ən başlıcası, Azərbaycan millətinin
spesifik mənafeyinin
dərk edilməsi və öz qrup mənafeyinin milll mənafe ilə eyniləşdirilməsi prosesinin getməsi özünü göstərirdi.
Yuxarıda qeyd edilənlər göstərir ki, Azərbaycanda dövlətin millətçilik siyasəti və məmurların şovinist
özbaşınalığına qarşı narazılıq mövcud idi və artırdı. Lakin bu narazılıq qeyri-mütəşəkkil və fərdi-hissi
səviyyədə özünü göstərirdi. Bu da sosial strukturun əsas komponentlərinin etnik yekcinsliyi, ölkədə polis
diktaturasının hökm sürməsi, və deməli xırda burjuaziyanın və ilk növbədə ziyalıların fəaliyyətinin
mütəşəkkilliyi və onun təşkilatçılıq fəaliyyəti üçün mühüm şərt olan demokratik şəraitin olmamsı ilə bağlı
idi.