_______________Milli Kitabxana___________________
401
Elə bil ki, arzularım çiçəkləməyə başladı.
Axı, mən Bakıya gəlmək, şeirlərimi burada çap
etdirmək üçün can atırdım. Bundan da gözəl fürsət
olmazdı.
Əlbəttə gələrəm-dedim.
-Onda gəl, mənimlə rektorun yanına gedək.
Şövqü müəllim çox mülayim təbiətli, gözəl
bir insan idi. Həm rusca, həm də azərbaycanca çox
savadlı idi. Yolda Kamal müəllim mənə dedi ki, sən
Yevlağın özündənsən?
- Hə. Orada doğulmuşam - dedim.
-Ə, bu Yevlax Qarabağa baxır? - Qarabağ
ləhcəsində müraciət etdi.
- Vallah nə bilim. O elə Şəkiyə də yaxındır,
Gəncəyə də. Rektorun otağının qabağında bir anlıq
ayaq saxlayıb dedi:
- Yevlaxda elə bir kənd yoxdurmu ki, o,
Şirvan zonasına düşsün?
Qəzetdə işlədiyimə görə Yevlax kəndlərini
əla tanıyırdım. Əlbəttə kəndlərin xeyli hissəsi
Şirvana düşür.
- Bax, Şövqü müəllim səndən hansı kənddə
doğulduğunu soruşsa, Şirvana düşən kəndlərdən
birinin adını çəkərsən. Qoy, elə bilməsin ki, mən
Qarabağlıları bura yığıram. Sonra rektorun otağına
daxil olduq. Biz otağa daxil olana qədər Şövqü
müəllim Mərkəzi Komitəyə zəng edibmiş. Orada
rayon qəzetlərinə baxan iki inspektor var idi. Islam
Fərzəliyev və Rəşid Mahmudov. Rəşid Mahmudo-
_______________Milli Kitabxana___________________
402
vu mən şəxsən tanımırdım. Lakin sonralar bildim
ki, o, mənim haqqımda Şövqü müəllimə yaxşı söz-
lər deyib. Çünki içəri girəndə rektor bizi çox
yüksək səviyyədə qarşıladı və Kamal müəllimə
dedi:
- Ay Kamal, sən onsuz da institutun dosen-
tisən. Özünün də xətrini bütün Azərbaycan istəyir.
“Gənc müəllim”də redaktor olub neyləyəcəksən?
Gəlsənə, bu cavan oğlanı birbaşa redaktor təyin
edək.
Kamal müəllim azacıq tərəddüd etdikdən
sonra dedi:
- Lap yaxşı. Mənim də canım qurtarar!
O gündən mənim ali məktəb həyatım
başlandı.
* * *
Mən Pedaqoji instituta gələndə bir sıra
görkəmli alimlərlə tanış oldum. Onlardan biri də
professor Dəmirçizadə idi. Dəmirçizadə şəxsiyyət
etibarilə çox sadə təbiətə malik, dərin zəkalı bir
alim idi. Mühazirə söyləyəndə səsi güclə eşidilərdi.
Mən isə əksinə, mühazirə deyərkən hündürdən
danışar, nəyisə sübut etmək üçün səsimə güc
verərdim. Bir dəfə auditoriyanın qapısı açıldı və
Dəmirçizadəni gördüm. O, məni yanına çağırıb
dedi:
_______________Milli Kitabxana___________________
403
- Necə bilirsən? Mən böyük alim olaram,
yoxsa sən?
Çaşdım. Bu necə sual idi belə? Məgər
Dəmirçizadə bilmirdi ki, o dağın başında, mən isə
dərənin dibindəyəm. Dəmirçizadə çaşdığımı görüb
dedi:
- Yadında saxla ki, səsin sənə hələ bundan
sonra bir 50 il də lazım olacaq. Onu qorumalısan.
Sonra dedi:
_-Özün də hazırlaş, Şəkiyə gedirik.
- Şəkiyə? Deyə heyrətlə soruşdum.
- Hə də, Şəkiyə. Orada Nəsiminin yubileyini
keçirirlər. Məndən soruşdular ki, kim yaxşı məruzə
edə bilər, sənin adını verdim!
Bax indi boğazım həqiqətən qurudu. Nə
qədər udğundumsa, bir söz deyə bilmədim. Haçan-
dan-haçana özümə gəlib dedim:
- Axı, mən Nəsiminin mütəxəssisi deyiləm.
Onun şeirlərini izah etmək üçün klassik ədəbiyyat
bilicilərini aparsanız yaxşı olardı.
- Mən səni məsləhət bilmişəm. Iki gündən
sonra orada olmalıyıq.
Dərsdən sonra kitabxanaya qaçdım. Nəsimi
haqqında yazılan elmi ədəbiyyatları topladım. Bir
məruzə hazırladım. Biz Şəkiyə çatanda məclisin
başlanmasına hələ çox qalırdı. Qocaman ədəbiyyat
müəllimləri məni çaya qonaq etdilər. Mən onların
öz aralarında Nəsiminin beytlərini necə izah
etdiklərinə qulaq asdım. Onlar Nəsimini doğrudan
_______________Milli Kitabxana___________________
404
da gözəl bilirdilər. Onların qarşısında mənim məru-
zə etməyim çox gülünc görünəcəkdi. Fikrimi Də-
mirçizadəyə dedim:
- Sən narahat olma, deyə, Dəmirçizadə məni
arxayınlaşdırdı.
Məclis həqiqətən də çox gurultulu keçdi.
Mən müxtəlif mənbələrdən götürdüyüm elmi
müddəaları səliqə ilə bir-birinin ardınca söylədim.
Bəzi şeirləri hətta əzbər dedim. Orasını yaxşı
bilirdim ki, dənizin üstündə gəzən yelkənsiz qayıq
kimiyəm. Külək məni hansı səmtə istəsə apara
bilər. Əgər Nəsiminin fəlsəfəsindən, və ya poezi-
yasının hər hansı bir cəhətindən sual verən olsaydı,
yəqin ki, tribunada boğazım quruyacaqdı. Amma
Dəmirçizadə buna imkan vermədi. Məruzə qurtaran
kimi o, ayağa durub dedi:
- Məruzəçimiz cavandır. Ona sual verməyə
ehtiyac yoxdur. Nəsimi haqqında daha kim
danışmaq istəyirsə, buyura bilər.
Mən filologiya elmləri namizədi almaq üçün
dissertasiya müdafiə edəndə Dəmirçizadə Elmi
Şuranın sədri idi. Rəhmətlik Məmmədhüseyn Təh-
masib bu şuranın üzvü olmasa da lap qabaqda
əyləşmişdi. Mən “Uşaq ədəbiyyatı və folklor” prob-
lemindən müdafiə edirdim. Sonralar mənə dedilər
ki, Məmmədhüseyn Təhmasibi kimsə öyrədib, Elmi
Şuraya göndərib. Ona deyirlər ki, mənim folklordan
ümumiyyətlə xəbərim yoxdur. Mən isə çıxışımda
gətirdiyim bütün misalları əzbərdən söyləyir, elmi
Dostları ilə paylaş: |