Şək. 31. Düzxətli izobarlar boyunca əsən geostrofik
küləklərin inkişafı
Sürtünmənin təsiri olmadıqda və ya az mövcud olduğu hallarda
geostrofik küləklərin istiqaməti düzxətli izobarlar boyunca
aşağıdakı kimi meyl edir (şək. 32).
Sərbəst atmosferdə havanın əyrixətli izobarlar boyunca
qərarlaşmış hərəkətinə isə
qradiyent külək
deyilir. Yer kürəsinin
fırlanması ehtimal edildikdə onun üzərində küləklərin necə inkişaf
edə biləcəyi illustrasiya edilərsə, bu zaman Yer kürəsi üzərində
yüksək subekvatorial və alçaq ekvatorial təzyiq sahələri arasında
hava hissəciklərinə təsir göstərən əsas qüvvə təzyiqin qradiyent
qüvvəsi olacaqdır. Əgər sürtünmə qüvvəsinin təsirini nəzərə
almasaq və qradiyent qüvvəsini yeganə təsir göstərən qüvvə kimi
qəbul etsək, onda hava hissəcikləri həmin qüvvənin təsiri altında
ekvator istiqamətində ətalətlə hərəkət edəcəkdir.
H,dk.metr
P, hPa
Geostrоfik külək
Şək. 32. Geostrofik küləklərdə düzxətli izobarlar boyunca
küləklərin istiqaməti
Yer kürəsinin fırlanmadığını qəbul etsək, onda külək izobarlara
nəzərən perpendikulyar olaraq birbaşa təzyiqin qradiyent
qüvvəsinin (TQQ) təsiri istiqamətində, yüksək təzyiq sahəsi
mərkəzindən alçaq təzyiq sahəsi mərkəzi istiqamətində sürətlə
hərəkət edəcək. Bu izafi (qalıq) havanın hava çatışmayan sahəni
dərhal doldurmasına bənzəyir. Bu zaman yüksək təzyiq
sahələrindən hava hissəciklərinin hərəkəti mərkəzdənqaçma
qüvvəsinin təsiri altında alçaq təzyiq sahələrinə doğru, alçaq təzyiq
sahələrində hava hissəciklərinin hərəkəti isə mərkəzəqaçma
qüvvəsinin təsiri altında baş verəcəkdir .
Yuxarıda qeyd edildiyi kimi küləklər atmosfer təzyiqinin yer
üzərində qeyri-bərabər paylanmasından əmələ gəlir. Küləyin
istiqaməti 0-360
0
arasında dəyişməklə, 16 rumba əsasən (8 əsas, 8
aralıq) təyin edilir. Küləyin istiqaməti onun üfüqün hansı tərəfindən
əsməsi ilə müəyyən edilir. Belə küləklərə
meteoroloji küləklər
deyilir. Bundan başqa aviasiyada
aeronaviqasiya küləklərindən
istifadə olunur ki, bu küləklər meteoroloji küləklərdən istiqamətcə
180
0
fərqlənir. Bu da hava gəmilərinə küləklərin təsiri ilə əlaqədar
olaraq
həyata
keçirilir.
Küləyin
müşahidəsi
meteoroloji
stansiyalarda 10 m hündürlükdə quraşdırılan anemorumbometr və
müasir cihazlar vasitəsilə aparılır. Müasir aviasiya meteoroloji
stansiyalarında isə küləyin müşahidəsi avtomatlaşdırılmış şəkildə
həyata keçirilir. Küləklərin sürəti vahid zaman ərzində hava
hissəciklərin üfüqi yerdəyişmə məsafəsinə deyilir. Küləyin sürəti
m/san, düyün (uzel), km/s, mil/saat ilə ölçülür və vahidlər arasında
əlaqə aşağıdakı kimidir: 1m/san=2 düyün (kt), 1m/san=3,6 km/s.
Yuxarıda qeyd edildiyi kimi, atmosfer təzyiqinin yer üzərində
qeyri-bərabər paylanması küləklərin istiqamət və sürətini
şərtləndirir.
Bəzi praktiki məsələlərin həllində küləyin gücünü adətən
Bofortun 12 ballıq cədvəli üzrə təyin edirlər. Məsələn, 0 bal 0 - 0,5
m/san adı isə şəlakət , 3 bal 4 - 5 m/san, adı zəif, 6 bal 11- 12
m/san, güclü, 9 bal 19 - 21 m/san, adı fırtına, 12 bal > 30 m/san,
qasırğa kimi tanınırlar.
Küləyin sürətinin əsas parametrləri aşağıdakı kimi qəbul
edilmişdir:
küləyin ani sürəti
- küləyin verilmiş zaman anındakı
sürətinə deyilir. Bundan başqa küləyin 2 və 10 dəqiqəlik, maksimal
və ani şiddətlənmə sürətləri də vardır. Küləyin ani şiddətlənmə
sürəti və onun xüsusiyyətləri havada olan turbulent hərəkətlərlə
əlaqədardır və fluktasiya xarakteri daşıyır.
Küləklər vektorlu sahəni əmələ gətirməklə, atmosferin turbulent
hərəkətini xarakterizə edir. Bundan başqa, küləklər zamana və
məkana görə də dəyişirlər. Zaman daxilində küləyin istiqamətinin
dəyişməsi nəticəsində aşağıdakı mülahizələr əldə edilmişdir :
a) küləyin istiqamətinin dəyişməsi üçün onun sürəti əsas
şərtlərdən biridir;
Belə ki, böyük sürətli küləklər istiqamətcə daha dayanıqlı olurlar.
b) müəyyən sürətli küləklərdə istiqamət dəyişməsi demək olar
ki, bütün troposferdə eyni olur. Stratosferə keçid vaxtı isə küləyin
sürəti kəskin surətdə azalır. Bunun səbəbi isə stratosferdə təzyiq və
temperatur qradiyentlərinin nisbətən dayanıqlı olmasıdır.
Zamana görə külək sürətinin dəyişməsi isə aşağıdakı nəticələrə
gətirib çıxarır:
a) külək sürətinin dəyişməsi tropopauzada maksimum qiymət
alır;
b) troposferdə külək sürətinin dəyişməsi srtatosferdəkinə
yaxındır;
c) külək sürətinin dəyişməsi ilin dövrlərindən az asılıdır.
Tədqiqatlar nəticəsində müəyyən edilmişdir ki, məkan daxilində
külək sürətinin dəyişməsi 5-9 km hündürlükdə təqribən eynidir.
Məlumdur ki, yerüstü təbəqədə müşahidə olunan küləklər
istiqamətcə izobardan 15
0
bucaq altında su üzərində, 30
0
bucaq
altında isə quru üzərində meyl edir. Hündürlüyə görə küləyin
istiqamət və sürətinin müəyyən təbəqədə dəyişməsi həmin təbəqədə
havanın orta temperaturunun qeyri-bərabər paylanmasının, yəni
üfüqi temperatur qradiyentinin yaranmasının nəticəsidir.
Yer kürəsinin orta temperatur paylanmasının təhlili göstərir ki,
mülayim enliklərdə troposferdə temperaturun üfüqi qradiyenti
ekvatordan qütblərə doğru, termik küləyin vektoru qərbdən şərqə
istiqamətlənmişdir. Qeyd etmək lazımdır ki, hündürlükdə küləyin
istiqaməti bütün hallarda izotermlərin istiqamətini qəbul etməyə
şərait yaradır.
Küləklər yerli şəraitin xüsusiyyətlərindən asılı olaraq bir neçə
cür olurlar.Yerli fiziki-coğrafi və termik şəraitin təsirindən yaranan
və həmin yerin tipik xüsusiyyətlərini mənimsəyən hava axınlarına
yerli küləklər
deyilir. Çox da böyük olmayan ərazini tutan atmosfer
sirkulyasiyası yarandığı rayonun hava şəraitinə böyük təsir göstərir.
Yer kürəsinin müxtəlif coğrafi rayonlarında yerli küləklərin bir çox
növləri müşahidə olunur. Onların bəziləri müəyyən sinoptik
şəraitdə yaranır. Aşağıdakı yerli küləkləri misal gətirmək olar:
Abşeron yarımadasında yaranan xəzri, gilavar, Aralıq dənizi
sahillərində sirokko, cənub rayonlarında xəmsin, əfqan və s. bu tip
küləklərdəndir.
Yerli küləklərə fyonlar da aiddirlər. Fyonlar həm termik
sirkulyasiya, həm də relyefin təsirindən və hava axınlarının
mexaniki qarışması nəticəsində yaranırlar.
Fyon
- alman sözü olub,
«isti külək» mənasını verir. Hava kütlələri dağ silsilələrini aşıb
keçərkən dağın əks tərəfində ( külək tutmayan hissəsində) enən
Dostları ilə paylaş: |