50
g) maxsus topshiriq bo’yicha harakat
qilayotgan himoyachilar
yordamida modellashtirilgan vaziyatga binoan o’rganilayotgan usullarni
har xil variantlarda yakunlashni bajarish;
d) erkin faol qarshilik ko’rsatilayotgan sharoitda mashg’ulot qilish;
e) topshiriq bo’yicha (yarim maydonda, raqibning ma’lum
harakatidan keyin, kam sostavlar bilan va h,k.) o’quv maydonlarida
mustahkamlash.
Taktik harakatlarni mashg’ulot qilish jarayonida o’rganilayotgan
o’zaro harakatlarni har xil sharoitlarda (soddalashtirilgan, musobaqaga
teng va undan og’ir sharoitlarda) ko’p marta qaytarish juda muhimdir.
Og’ir sharoitni basketbolda yaratish uchun
asosan taktik harakatlarni
bajarishda chegaralangan vaqtda, harakatlarni juda tez, qarshilikni
orttirish va taktik mashqlarda hamda o’quv o’yinlarida bira to’la ikkita
to’p ishlatishlar va shu kabilar orqali yuzaga keltiriladi.
Yangi taktik harakatlarni o’rganish avvalombor texnik usullarni
egallashni, ruhiy va jismoniy tayyorgarlik darajasi to’g’ri kelishlikni
nazarda tutadi.
Shaxsiy taktik harakatlarga o’rganishda shug’ullanuvchilarda o’yin
vaziyatini tahlil qila bilishni va shunga
suyangan holda mos usullar
hamda ularni amalga oshirsa bo’ladigan usullarni tanlay bilishni
shakllantirish lozim.
Bunda asosiysi o’yinchilarda taktik fikrlashni rivojlantirishdir.
Birinchi galda hujum taktikasi harakatlarini egallash amalga oshiriladi.
Avvalambor, joyni to’g’ri tanlash va himoyachidan ozod bo’lish
o’rganiladi, buning uchun o’yinchilarini raqib tomonga o’tish yo’lini
o’z vaqtida tuzishni, keyin bu bilan tez yorib o’tishni biriktiradilar.
Shchitdan qaytgan to’pni egallash bilan qayta hujum qilishni
birlashtirilganda o’yinchini birinchi to’p uzatishi yoki to’p olib yurishi
tanlashiga e’tibor beriladi. Keyingi bosqichda to’p olib qo’yishga, to’pni
urib
chiqarishga, to’sib qolishga va shu kabilar uchun imkoniyatdan
foydalana bilish o’rganiladi. Hujum va himoya shaxsiy taktik
harakatlarini takomillashtirish uchun himoyachi bilan hujumchi
o’rtasidagi musobaqa mashqlari, topshiriqli va erkin “birma-bir” o’quv
o’yinlari muhim ahamiyatga egadir. O’yinlar
quyidagi variantlarda
qo’llaniladi:
1) Maydon tashqarisida turgan sherigi yordami bilan (agar
hujumchi chalg’itib o’ta olmasa, u to’pni maydon tashqarisidagi
sherigiga uzatib, so’ngra himoyachidan oshirib to’pni qaytarib oladi);
51
2) Hujumchi to’pni beto’xtov olib yurish bilan (to’p bilan aldab
o’tish);
3) Qo’shimcha himoyachi bilan (agar hujumchi aldab o’tsa,
qo’shimcha himoyachi uni ta’qib qila boshlaydi).
Asosiy shaxsiy harakatlar o’rganilgandan keyin guruhli o’zaro
harakatlarni egallashga kirishiladi. Avval hujumchilar son jihatdan
himoyachilardan ko’p (ortiq) bo’lgandagi o’zaro harakatlar o’rganiladi.
Keyin raqiblar son jihatdan teng bo’lgan paytdagi ikki va uch o’yinchini
o’zaro harakatlari quyidagi ketma-ketlikda o’rganiladi: qarama-qarshi
harakatlar,
kesishib chiqishlar; to’pli va to’psiz o’zaro harakat
qilayotgan o’yinchilar o’rtasida, yakka to’siq qo’yish; kuzatish bilan
to’siq qo’yish va aktiv to’siqlar; juft to’siqlar va qayta qo’yilgan
to’siqlar.
Guruhli harakatlarni egallash “to’pni uzat va chiq” o’zaro
harakatini egallash bilan boshlanadi.
Pozitsion hujumni amalga oshirish uchun guruhli harakatlar
maydonni chegaralangan qismida to’p uchun ko’ndalangiga va
uzunasiga muddatli (qo’qqisdan) yugurishlar yordamida chiqishlar
ro’yobga chiqariladi. Uchburchak bo’lib
hujumni tashkil qilishda
birinchi (holatda) galda o’yinchilar doim o’rtadagi, “orqada kelayotgan”
o’yinchi orqali to’p uzatib o’zaro harakat qiladilar va shu holatni ya’ni
uchburchakni saqlab qoladilar. Ikkinchi (holatda) galda bu o’zaro
harakatlar old zonaning chegaralangan qismida amalga oshiriladi.
Bu mashqlarda o’rganilayotgan usullar qaysi hujumchiga
yo’naltirilishi ko’rsatilishi kelishib olinishi kerak. Hamma asosiy
variantlar o’rganilgandan keyin har qanday qiyinchiliklarga qaramay
o’ylab qo’yilgan taktik rejani amalga oshira bilishga hamda musobaqa
jarayonida tizimli va variantlarni manevr qila bilishlikka asosiy urg’u
beriladi. Shu maqsadda: o’yin vaqtini kelishilgan natijagacha uzaytirish;
halaqit beruvchi omillar bo’lgan sharoitda
taktik vazifalarni bajarish;
qarshilik ko’rsatuvchilar son jihatidan ko’p bo’lgan sharoitni kiritish;
kutilmaganda berilgan signallar bo’yicha bir taktik variantdan
boshqasiga o’tish; kelajakda o’ynash lozim bo’lgan raqib modelini
yaratayotgan sheriklari bilan o’quv va o’rtoqlik uchrashuvlarini
o’tkazish tavsiya qilinadi.