Y.N.Tınyanov ədəbi təkamülün xüsusiyyətlərini tədqiq edərək analoji hipotezi irəli
sürmüşdür. Tınyanov ədəbi janrın liderliyi, populyarlığı problemini nəzərdən keçirərək
qeyd edirdi ki, təkamül prosesləri planlı deyil, sıçrayışlar şəklində axıb gedir. Hər hansı bir
janrın süqut etdiyi dövrdə, həmin janr mərkəzdən ədəbi prosesin periferiyasına keçir, onun
yerinə isə ədəbiyyatın dibindən mərkəzə yeni bir hadisə üzüb gəlir (4).
Təkamül prosesinin analoji sxemini Tokio universitetinin professoru Y.Murakami,
S.Kumon və S.Soto modernləşdirmənin yapon modelinin xüsusiyyətlərini analiz edərək
işləyib hazırlayıblar. Yapon alimlərinin rəyinə görə modernləşdirmənin müasir nəzriyyələri
tarixi prosesin çoxşaxəli xarakterli olmasının qəbuluna əsaslanmalıdır, belə ki, ictimai
inkişafın hər bir yeni pilləsində aparıcı rolunu əvvəlki mərhələdə ―periferiyalı‖ rolunda olan
təkamül xəttlərindən biri ola bilər (2).
Təkamül nəzəriyyələrində son dövrə qədər adaptasiya və təbii seçmə proseslərinə
əsaslanan tədirici, aramsız inkişaf ideyası üstünlük təşkil edirdi. Amma, son illər ―fasiləli
müvazinət‖ konsepsiyası getdikcə daha çox populyarlaşır. ―fasiləli müvazinət‖ nəzəriyyəsi
ilk dəfə olaraq bioloqlar N.Eldrec və S.Hould tərəfindən 1972-ci ildə formalaşdırılmışdır
(6). Onların rəyinə görə bioloji, makrotəkamül dəyişiklikləri partlayış xarakter daşıyır.
Uzun sürən sabitlik (durğunluq) dövrləri qısamüddətli sürətli dəyişikliklərlə əvəz olunur, bu
dəyişikliklər prosesində yeni bioloji növlərin yaranması baş verir. P.Kun tərəfindən
hazırlanmış ―normal‖ elmin mərhələlərinin bir-birini əvəz etməsi və yeni elmi paradiqmaya
inqilabi keçid modeli yuxarıda adı gedən sxemə uyğun gəlir.
Yeri gəlmişkən, ―fasiləli müvazinət‖ nəzəriyyəsinin özünü yeni təkamül
paradiqması adlandırırlar. Bu ideyaları sosial-mədəni, təşkilati və iqtisadi dəyişikliklərə
tətbiq edərkən daha da inkişaf etdirən işlərin sayı getdikcə çoxalır.
5.4. Sosial proseslərin izah edilməsi
Sosiologiyada ən əlamətdar hadisələrdən biri 1998-ci ildə ―Sosial mexanizmlər.
Sosioloji nəzəriyəyə analitik yanaşma‖ məqalələr məcmuəsinin nəşri oldu (9). Məcmuənin
müəllifləri (adların arasında C.Elster, D.Hambett, R.Budon, A.Sorensen, A.Stinckomb,
R.Hedstrem və başqa məşhur sosioloqlar var idi) vahid bir rəyə gəlirlər ki, sosiologiyanın
əsas məsələsi sosial proseslərin gedişini generasiya və izah edən fundamental sosial
mexanizmlərin aşkara çıxarılması və öyrənilməsidir. § 4.2.-də qeyd olunduğu kimi, sosial
mexanizm – bu öyrənilən prosesin səbəb – nəticə modelidir. Belə modellər müxtəlif
faktorların (dəyişənlərin, indikatorların...) qarşılıqlı təsirinin sosial proseslərin real gedişini
kəmiyyət və keyfiyyət xarakteristikalarının necə generasiya etməsini göstərirlər.
Müəlliflərin fikrinə görə (9) səbəbiyyət – nəticə modelləri öz-özlüyündə öyrənilən
hadisələrin tam və qəti izahını vermirlər. Iş ondadır ki, sosial həyatda abstrakt faktorlar və
dəyişənlər deyil, real insanlar hərəkət edirlər. Buna görə də, elan olunan səbəb – nəticə
əlaqələrinin insanların inancları və məsləkləri ilə necə qarşılıqlı təsirdə olmasını, onların
davranışını necə formalaşdırdığını izah etmək də zəruridir.
Sosial mexanizm anlayışının traktovkası genişlənir və təkcə səbəbiyyət nəticə
modelini deyil, həm də fərdlərin eləcə də fərdlər və sosial aqreqatlar arasındakı qarşılıqlı
təsir münasibətlərinin izahını da əhatə edir. Məcmuənin müəlliflərindən biri T.Şellinq belə
bir misal gətirir: sürücü qabaqda gedən maşına qədər olan məsafəni kontrol edəndə - bu
fərdlər arasındakı qarşılıqlı təsirdir; əgər sürücü öz maşınının sürətini maşın axınının orta
sürətinə uyğun olaraq tənzimləyirsə, onda bu fərdin və sosial aqreqatın qarşılıqlı təsir
göstərməsidir. Şellinqin rəyinə görə, sosial mexanizm öyrənilən fenomeni təkrarlayan
abstrakt modelin fərdi davranışının terminlərdə interpretasiyasıdır (9, s.33).
Sosial mexanizm anlayışının belə traktovkası metodoloji individualizmin
paradiqmasına uyğun gəlir. Iqtisadi nəzəriyyəyə geniş bütün analiz olunan hadisələr ancaq
fərdlərin məqsədyönlü fəaliyyətinin nəticəsi kimi izah olunur. Iqtisadi nəzəriyyədə fərd bir
qayda olaraq rasional qərarlar qəbul edir – gözlənilən faydanı (fayda və zərər arasındakı
fərqi) daha da maksimallaşdırır. Amma, rasional seçim‖ modelləri heç də həmişə real
iqtisadi proseslərə adekvat olunur. Sosial – mədəni və siyasi proseslərdə bu modelin
məhdudlaşdırılması çox ədalətli olaraq qeyd etdiyi kimi, sosiologiyada rasional seçim
modellərini tipik olmayan hadisə kimi özünə əlavə edən koqnitiv modellərdən istifadə
etmək zəruridir.
Onu da demək olar ki, müəlliflər (9) sosial proseslərin əsil izahının sosial
mexanizmlərin iki səviyyəli təsvirinin verdiyini iddia edirlər: makrosəviyyədə səbəb –
nəticə modelindən istifadə olunur; mikrosəviyyədə isə fərdlər arasındakı, o cümlədən
mikro- və makrosəviyyələr arasındakı qarşılıqlı təsirlərinin koqnitiv modelləri istifadə
olunur. Bunları sosial model deyil, sosial – koqnitiv mexanizm adlandırmaq daha yaxşıdır.
Müəllifərin əsas postulatlarına (9) şərik olaraq qeyd edirik ki, onların təklif etdiyi
yanaşmanın bəzi məhdudiyyətlərinin olması mümkündür. Əlbəttə, səbəbiyyət-nəticə
modelləri elmi izahın ən geniş yayılmış üsuludur. Amma, sosial elmlərdə alternativ
yanaşmalar - qaydalar sisteminin və təkamülün izahlarının analizi getdikcə daha çox diqqət
çəkməyə başlayır (misallar bax fəsil 14 və 15).
§4.2.-də göstərildiyi kimi, hər bir koqnitiv sistem koqnitiv modellərdən istifadə edlə
bilər. Uyğun olaraq makro- və mikro-yanaşmaların ənənəvi traktovkasının
dəqiqləşdirilməsinə ehtiyac var. Sosiologiyada adətən hesab olunur ki, mikrosəviyyə - bu
fərdlərin səviyyəsidir. Sosial sistemlərin misalında mikro- və makro-səviyyələrinin
fərqləndirilməsinin daha rahat traktovkasını nəzərdən keçirək.
Dünya sisteminin bir tam kimi analizi makrosəviyyədə aparılır, bu zaman ayrı-ayrı
ölkələrin davranışının analizi mikrosəviyyədə həyata keçirilir. Bazarın analizi zamanı
mikrosəviyyə - ayrı-ayrı firmalar və istehlakçılar deməkdir. Firmanın analizi zamanı
mikrosəviyyə - bu şöbələr və ya əməkdaşlar deməkdir. Beləliklə, sistemin bütövlükdə
analizi makrosəviyyədə, ayrıca elementlərin davranışının öyrənilməsi isə mikrosəviyyədə
həyata keçirilir.
Növbəti fəsillərdə oxucu sosial və sosial-koqnitiv mexanizmlərə aid çoxlu misallar
tapa biləcəkdir. Hələlik ciddi metodoloji əsaslandırılması olmayan, amma sözsüz ki, sosial
proseslərin gedişini izah etməyə və proqnozlaşdırmağa yardım edən digər modellər də
nəzərdən keçirilmişdir.
( s.65) R.Budonun baxışları ən çox §4.2.-nin tipologiyasına yaxındır və (1)-də
kifayət qədər müfəssəl şəkildə şərh olunublar. Qeyd edək ki, Budon ―koqnitivist model‖
terminini işlədir və bu termin altında koqnitiv modelin və dəylərin analizinin birləşməsini
başa düşür. Bizim vəsaitimizdə bu termin istifadə olunmur, belə ki, dəyərlər koqnitiv
modelə aid olunmuşdur.
Sürətli, katastrofik sosial dəyişikliklərə maraq son illərdə kəskin şəkildə artmışdır.
M.Hallinen (7) qeyd edir ki, sosial sistemlərin inkişafındakı partlayışlar, diskretlik sosial
dinamikanın mövcud nəzəriyyələrinə qarşı əsas çağırışdır. Onun fikrinə görə, son on illiyin
kommunizm sisteminin süqutu, millətçillik və terrorizmin geniş yayılması, QİÇS
epidemiyası, komputer inqilabının sürətlə inkişafı kimi hadidələri yeni nəzəri yanaşmalar
tələb edir. Fəlakətlər nəzəriyyəsi və xaos nəzəriyyəsi modellərinə əsaslanan sosial
dəyişikliklərin yeni konsepsiyalarını yaratmaq zəruridir. Hallinen hesab edir ki, yeni
yanaşmaların dərk edilməsində sosial proseslərin formal, riyazi modellərinin öyrənilməsi
əhəmiyyətli yardım göstərmiş olar.
Məsələlər və tapşırıqlar
1. Prosesin Sorokinin yolu ilə müəyyən edilməsini fiziki dünyanın
obyektlərinə tətbiq
etmək olarmı?