Qulam Sadiq, Saday Quluyev s 15 1937-ci ilin represiya qurbanı
Yüklə 2,57 Mb. Pdf görüntüsü
|
- Bu səhifədəki naviqasiya:
- Üçüncü söhbət
- Allah
------------- БЮЙЦК ЮVLИYA - АЬА MИRBAЬЫR аьа ------------ 107 Həmin atışmadan sonra Salyan ərazisindən quldurların mal- qara oğurluğuna son qoyulması bu gün də məclislərdə danışılır. Üçüncü söhbət: - İndiki Neftçala rayonunun Qaraymanlı kəndindən olan Ağa Mirzə adlı bir tanışım danışırdı ki, onun babasının Qaralı kəndinin ərazisində torpaq sahəsi olub. Babası imkansız olduğundan həmin torpağı əkib-becərə bilmirmiş. Həmin kənddən olan bir nəfər ona deyir ki, mənim imkanım var, torpağı əkib-becərim, bağ salım sonra torpağı yarı bölək. Bir müddət sonra o həmin hissəni verməkdən imtina edir. Kəndin axundu da imkanlı şəxsə xəbərdarlıq edir. Lаkin məsələ həll olunmur. Belə olduqda tanışımın babası Аğа Mirbаğır аğаya müraciət edir və Аğа Mirbаğır аğа imkansız şəxsə kömək edərək ona torpaq sahəsinə sahib durmasınа nаil olur. Аğа Mirbаğır аğаnın imkansızların arxa-dayağı olması, haqq-ədalət adamı olması barədə çoxlu sayda söhbətləri ətrаf rаyonlаrın hаmısındа eşitmək olar. MАNАFOV HİDАYƏT MƏMMƏDSƏLİM OĞLU 1922-ci il təvəllüdlü. Salyan rayonu, Ərəbqardaşbəyli kənd sakini. Mənim fəxr etməyə hаqqım vаr Atam Məmmədsəlim din xadimi olub. O, bizə sonralar Аğа Mirbаğır аğа ilə dostluğundan, Ağanın böyük şəxsiyyət olmasından çox söhbətlər edib. Onun söhbətləri çox canlı və maraqlı olduğundan, bizə elə gəlirdi ki, Аğа Mirbаğır аğа daima bizimlədir. Atam onun yüksək mənəviyyatlı bir insan, nüfuzlu bir şəxsiyyət olması ilə yanaşı, çox qeyrətli bir yurd yetirməsi olmağından, igidliyindən, mərdliyindən çox danışardı. O, bizə Аğа Mirbаğır аğаnın xalqı o vaxt erməni qoşununa qarşı səfərbər etməsindən danışmaqla kifayətlənmirdi. Bizi Kür çayı boyunca gəzdirərək Аğа Mirəşrəf аğа və Аğа Mirbаğır аğаnın ------------- БЮЙЦК ЮVLИYA - АЬА MИRBAЬЫR аьа ------------ 108 könüllülərdən ibarət dəstəsinin haralarda vuruşmağını göstərməklə bizdə vətənpərvərlik hissləri oyadıb. Mənim fəxr etməyə haqqım var ki, adı xalqın inam yeri olan Аğа Mirbаğır аğа kimi ləyaqətli bir insan atamın dostu olub və ailəmizin hər birinin cəmiyyət üçün ləyaqətli bir vətəndaş kimi yetişməyində Аğа Mirbаğır аğаnın atamla dostluğunun böyük əhəmiyyəti olmuşdur. ƏLİYEV ALLАHYАR ƏLİQULU OĞLU 1917-ci il təvəllüdlü. Mexanizator. Salyan rayonu, Yuxarı Xalac kənd sakini. Cаmааt Аğаnı həmişə xаtırlаyır Аğа Mirbаğır аğа haqqında danışmaq mənim üçün çox böyük bir şərəfdir. O, həbs olunanda mənim iyirmi yaşım var idi. Danışırdılar ki, bir qrup molla xalq arasında çaşqınlıq yaradır, qeyri qanuni hərəkətlərinə din pərdəsi altında bəraət qazandırır, öz əxlaqsız hərəkətlərini guya dinin tələbi kimi qələmə verirmişlər. Əhali onların bu hərəkətləri barədə Аğа Mirbаğır аğаya xəbər verir. O vaxtlar Аğа Mirbаğır аğаnın nüfuzu xalq arasında çox böyük idi. Аğа Mirbаğır аğа mollaları dini ayin adı altında etdikləri hərəkətə görə kənddən qovur. Bu işdə kəndin hörmətli mollalarından olan molla Hacalı da Аğа Mirbаğır аğаya kömək edir. Kənddəki bəzi mollaların əxlaqsız hərəkətləri barədə o vaxt hətta Mircəfər Bağırova da məlumat çatır. Mircəfər Bağırov da qeyrət məsələsində çox ciddi adam olub. Lаkin kənddən qovulan mollalar vasitəsi ilə Аğа Mirbаğır аğаnı və molla Hacalını yalandan şərləyirlər ki, guya onların hər ikisi əhali arasında sovet hökuməti əleyhinə təbliğat aparırlar. Sonra 1937-ci ildə yalançı şahidlərin verdikləri məlumatlara əsasən əsassız olaraq Аğа Mirbаğır аğа və molla Hacalı həbs olunublar. ------------- БЮЙЦК ЮVLИYA - АЬА MИRBAЬЫR аьа ------------ 109 Talelərinin istehzasına bax ki, o dövrdən 70 il ötməsinə baxmayaraq Аğа Mirbаğır аğаnın və molla Hacalının adları daim xatırlanır, rəhmət oxunur. Onları şərləyənlərin adları isə tarixdən birdəfəlik silinib. Allah hər kəsə öz əməlinə görə verir. BАLАŞOV HƏSƏN ƏİKİŞİ OĞLU 1910-cu il təvəllüdlü. Salyan şəhəri, Dəmiryol qəsəbəsi O vaxtlar mən Salyan rayonunun Quyçu kəndində yaşayırdım. Kəndin ən fəal komsomolçularından idim. Yaxşı yadımdadır 1937-ci ilin yaz fəslinin əvvəlləri idi. Bizi komsomol fəallarının yığıncağına dəvət etmişdilər. Mart ayının axırı, aprelin əvvələri idi. Novruz bayramından 5-10 gün sonrakı vaxtlardı. Yığıncağın başlanmasına hələ xeyli vaxt qaldığından küçədə gəzişirdik. İndiki Cümə məscidinin yanında çoxlu adamın yığışdığını görüb biz də ora getdik. Təxminən saat 11-12 olardı. Küçədə Polutorka deyilən üstüaçıq yük maşını dayanmışdı. Sonra gördük ki, məsciddən bir nəfər orta boylu, ağ bəniz, əmmaməli, əynində tünd göy ya da qara ləbbadə olan bir kişini küçəyə çıxardılar. Camaat danışırdı ki, bu Аğа Mirbаğır аğаdır. Аğа Mirbаğır аğа haqqında çox eşitsəm də, birinci dəfə idi ki, üzbəüz görürdüm. Komsomolçu olmağıma baxmayaraq, hamı kimi mənim də qəlbimdə ona qarşı gizli bir inam, etiqad var idi. Gələn hərbiçilər başqa vaxtlar özlərini çox kobud aparsalar da bu dəfə ya Аğа Mirbаğır аğаnın nüfuzundan, yada camaatın qəzəbindən qorxaraq onu çox ehtiramla maşının kuzovuna mindirdilər. Həbs edilməsinə, silahlı hərbiçilərlə əhatə olunmasına baxmayaraq Аğа Mirbаğır аğаnın çox vüqarlı, məğrur görkəmi var idi və onun qürurlu duruşu, mərdanə baxışları 70 il ötməsinə baxmayaraq indi də gözlərim önündədir. Hərbiçilər nə qədər çalışsalar da maşın işə düşmədi. Ətrafda adamların sayı dəqiqəbə-dəqiqə artırdı. Аğа Mirbаğır аğа azca gülümsəyərək hərbiçilərə dedi: Yüklə 2,57 Mb. Dostları ilə paylaş:
|