181
qiymətli sayılan sərvətləri Azərbaycana gətizdirərək,
onların təhlükəsizliyini təmin etmişdir. Məhz bu səbəbdən
Marağada belə bir zəngin kitabxana yaranmış, şəxsən
Tusinin 100-dən çox əsəri orada saxlanılmışdı. Rəsəd-
xanada çalışan alimlərin əksəriyyəti, bir elmi mənbə kimi
onun əsərlərindən istifadə etmişdilər.
Bundan əlavə orada qədim yunan və Şərq alimlərinin də
elmi işləri saxlanılırdı. Əlyazmalar arasında azərbaycanlı
müəlliflərin də əsərləri olubdur – Əbu Əli Əhməd ibn
Məhəmməd Bərdəinin “Tarix”, Şəmsəddin Məhəmməd
ibn Osman Sərəvinin “Cavanmərdlərə nəsihətlər toplu-
su”, Mühtəsəddin Əbilxeyrin “Tarix Azərbaycan”, Qazi
Əfzələddin Təbrizinin “II Nüsrətəddin Pişkinin ömür
yolu” və digərləri. İbn Həcər yazır ki, əlyazmalar arasında
“Marağa tarixi” və “Arran tarixi” kimi əsərlər də var
imiş.
Çin, Hindistan, Ərəb ölkələri, Monqolustan və Avropa-
dan gələn alimlər burada geniş elmi iş aparırdılar.
Akademik Ziya Bünyadov Tusinin elmi-irsini araşdırar-
kən, alim barəsində belə bir fikirlər söyləmişdir: “Məşhur
Marağa rəsədxanasının və və nəhəng elmi kitabxanasının
yaradılması Nəsir əd-Din Tusinin adı ilə bağlıdır və yalnız
bu fəaliyyəti onu ölməzliyə qovuşdurmuşdur.
182
Nəsir əd-Dinin çoxəhatəli elmi yaradıcılığı, astronomi-
ya, həndəsə, triqonometriya və başqa dəqiq elmlərə həsr
edilmiş çoxsaylı əsərləri, onun adını hələ Avropada elm
yenicə inkişafa başladığı zaman artıq məşhur etmişdi.
Nəsir əd-Din Tusi elmin hərəkətverici böyük zəkaların-
dan biri olmuşdur. Orta əsr elminin bir çox klassik sahələri
onun nailiyyətidir”.
1
Tusinin fenomenal biliyə malik olan dahi alim kimi
tanınması heç kimdə şübhə oyatmaz. O, bir neçə alimlərin
gördükləri işi təkbaşına görmüşdü. İş ondadır ki, alim heç
bir dövlət və ictimai işlərinə, özünün qiymətli enerjisini sərf
etmədən elmi işlərlə məşğul olsaydı, daha da unikal kəşflər
əldə edərdi. Lakin buna baxmayaraq, Tusi “Əlamut”
qalasından azad ediləndən sonra vaxtının əksəriyyətini
dövlət işinə, rəsədxananın tikintisinə, yaradılan kitabxanaya
qiymətli əlyazmaların toplanmasına, bir çox tanınmış
alimlərin və istedadlı tələbələrin, şagirdlərin Marağaya cəlb
edilməsinə, onalrın bütün qayğılardan azad olunmasına,
Azərbaycanın bir çox şəhərlərində tədris ocaqlarının
yaradılmasına sərf edirdi.
Tarixi şəxsiyyətlərin tərcümeyi-halı, dövri fəaliyyəti ilə
maraqlanarkən, mən Tusinin taleyini iki şəxsiyyətin fəaliy-
1
A. Rzayev. Nəsirəddin Tusi həyatı, elmi, dünya görüşü. Bakı, “İrşad”
İslam araşdırmaları mərkəzi, 1996. səh. 4.
183
yətinə oxşadıram. Onlardan biri Antik dövrdə Afinada
yaşamış filosof Demetr Falerliyə, o birisi isə erkən orta
əsrdə yaşamış “Siyasətnamə” əsərinin müəllifi bacarıqlı
siyasi xadim Əbu Əli Həsən ibn Xacə Nizamülmülkə.
Demetr Afinadan qovulan kimi triyeraya minib, birbaşa
İsgəndəriyyəyə yollanır. O, bilmirdi Misirin hökmdarı I
Ptolemey Sotera onu necə qəbul edəcək...
1
Makedoniyalı İsgəndərin Misirdə sələfi olan I Ptolemey
həm qılıncı, həm də ki, qələmi ilə məşhur olan bir hökmdar
idi və o, bilavasitə “İsgəndərin Tarixi” adlı tarixi əsərin
müəllifi sayılırdı. Demetr ona şəhərdə möhtəşəm bir
mədəniyyət və incəsənət mərkəzinin yaradılmasını və onu
“ilahilər Məbədi” – Musseyon adlandırmağı təklif edir.
Musseyon hazır olandan sonra oraya, alimlərin dəvət
edilməsi, hər bölgədən əlyazmaların gətirilməsi və həmin
əlyazmaların surətlərinin çoxaldılması təntənəli surətdi
açılır və əlbəttə ki, Demetr Falerli həmin Akademiyaya
başçı təyin edilir.
2
Nizamülmülk Hicri-Qəməri 408-ci (miladi 1017-1018)
ildə Tus vilayətinin Noğan nahiyəsində anadan olmuş, H.
Q. 485 (1092)-ci ildə Bağdad yolundakı Səhnə qəsəbəsində
1
Р. Хаггард. Клеопатра. Баку, «Гянджлик», 1990. стр. 13
2
Н. А. Ионина, автор-составитель. Сто великих чудес света.
Москва, «Вече», 2000. стр. 145
184
Həsən Səbbahın fədailərindən birinin bıçaq zərbəsi ilə
öldürülmüşdür.
Xacə Nizamülmülk Həsən ibn Əli, səlcuq sultanlarından
Alp Arslan (1063-1072) və Məlik şahın (1072-1092) vəziri
olmuş, Səlcuqilər dövlətinin genişlənib möhkəmlənməsin-
də, abadlıq işlərinin görülməsində, ölkənin iqtisadi qüdrəti-
nin artırılmasında, ordunun qüvvətlənməsində, elm və
mədəniyyətin yüksəlməsində çox böyük işlər görmüşdür.
Bu dövrlərdə, mübaliğə etmədən demək olar ki, dövləti
sultanlar deyil, Nizamülmülk idarə edirdi.
Nizamülmülk daxili dövlət işlərilə yaxından məşğul
olmaqla bərabər, xarici siyasətə istiqamət verir, din şəriət
qayda-qanunlarına dəxalət edir, məzhəb və təriqətləri
öyrənmək, dövlət və din xadimləri hazırlamaq məqsədilə
xüsusi mədrəsələrin açılmasına təşəbbüs göstərir və böyük
maddi yardım edirdi. Bu mədrəsələr sonradan “Nizamiy-
yə” mədrəsələri altında şöhrət tapmışdı. Bunların ən məş-
huru bir çox dövlət və din xadimləri, münəccimlər,
filosoflar, hüquqşünaslar və şailər hazırlamış Bağdad
nizamiyyəsi sayılırdı...Sədi Şirazi kimi bir şairin məhz
Bağdad Nizamiyyəsi divarları arasında yetişdiyini qeyd
etmək kifayətdir.
Nizamülmülk Səlcuq dövlətinin vəziri olduğu vaxt
Azərbaycan da həmin dövlətin tərkibinə daxil edilmişdi.
Dostları ilə paylaş: |