etnopsixoloji və etnomədəni sistem və təzahürləri “ mürgüləməsəydi” , narattiv (
müəlliflik) ədəbiyyatda –klassik poeziya və aşıq yaradıcılığında bitkin
strukturlarla zaman- məkan sənətinin ünsürləri aşkarlanmasaydı və başlıcası ,
istedadlı fərdlərin yaradıcı tələbatı nəzərə çarpmasaydı M.F.Axundovun cəhdi
elə cəld olaraq milli sənət təfəkküründə əks təsir doğurub rədd olunacaqdı.
Bu hal baş vermədiyi üçün biz Aristotel poetikasının milli sənət
təfəkkürümüzdə yer almasını üzvi mədəni hadisə kimi dəyərləndirib . onu
mədəniyyətlər arası mübadilə və milli teatr düşüncəsinə yaradıcı müdaxilə
sistemliyində araşdırmağı səmərəli hesab edirik.
İnstitusional mədəniyyətimizin fəal yaradıcı təsisatı olan teatr sənətinin
yeni tarixi dövrlərdə yeni məqsədlərini aydınlaşdırmaq işində bu baxım bucağı
fikrimizcə aktual və məhsuldar imkanlar açmağa qadirdir, çünki milli teatr
prosesinin başlıca göstəricisi – onun dinamikası nəzərdən yayınmır.
Bəlli olduğu kimi , prosesi araşdırarkən onun dəqiq , tarixi- xromoloji
dövrləşdirilməsi önəmlidir , amma daha mühüm olan məsələ prosesin hərəkət
enerjisi, dinamikası və İdealına , uzaq məqsədə , proqnozuna yönəlməsidir .Milli
teatr prosesimizin M.F.Axundovla başlanan mərhələsi bütün başqa səciyyələrlə
yanaşı potensial enerjisinə yiyələnməsiylə xarakterizə olunur.Belə ki, bir
sənətkar kimi M.F.Axundov öz məqsədinə - milli teatr təsisatını ( institutunu)
yaratmaq məqsədinə çatmasa da , milli mədəni təfəkkürümüzə haçansa açıq-aşkar
hərəkətə gələn , törəyən və dəyişən tam yeni enerji növünü daxil etməyə
müyəssər oldu.Yalnız zaman məsafəsindən , bəlli mədəni distansiyadan görünür
ki, obyektiv olaraq bu enerji çox dinamik , təzadlı , amma tədricən milli xarakter
alan teatr prosesinə təkan verdi.Sırf elmi baxım bucağından bu prosein cari ,
aktual , vizual məqamları önəmli deyil : bu dəyərləndirmə sistemi prosesi “
durduraraq “ hər hansı bir mərhələni statikada araşdıranda mühüm olur .Yalnız
bu araşdırmada “ qənaətbəxş “ , “ gözəl” , “ təsirli” , “ populyar” və sairə
meyarlar önə çıxır. Dinamika baxımından isə biz müəyyən mənada metafizik
təyinlərdən istifadə edərək təyinlərdən istifadə edərək prosesin özünəməxsus
xassələrini açıqlaya bilərik.Bu iş olduqca mürəkkəb və uzunmüddətli olduğundan
əminik ki, onu teatrşünaslığımızın yeni nəsilləri uğurla yerinə yetirəcəkdir , indi
isə qısa bir konstotassiya ilə kifayətlənək : özünü “ seyr” poetikasında ilk
olaraq biruzə verən milli, peşəkar ( institussional ) teatr prosesini dinamika
potensialı ( enerjisi) teatrprosesinin dinamika potensialı ( enerjisi) tarixi
inkişafın surət və təzaherlərini tələb olunan qədər təmin etmiş oldu.
2. AZƏRBAYCAN MİLLİ TEATR PROSESİNİN
İNKİŞAFINDA YARANAN TEATR DÜŞÜNCƏSİNDƏ
“ SEHR” POETİKASI
“...BƏŞƏR!
BƏDBƏXTSƏN
,
GİRYAN,
PƏRİŞAN BİR
HƏYATIN
VAR,
MÜSİBƏT TORPAĞINDAN YOĞRULAN
BƏDBƏXT
ZATIN VAR....
MƏHƏMMƏD HADİ
“İnsanların tarixi faciələri
və yaxud əlvahi –intibah”
Ekzistensional konflikt anlayışı ənənvi sənət təfəkkürümüzə “ Kitabi
Dədə Qorqud “ dastanlarından bəllidir və onun bədii, mənəvi psixoloji
təzahürlərini “ Dəli Domrul” boyunda , bir də ki, Dədə Qorqudun dua kimi
təkrarladığı “ qanı dediyim bəy ərənlər , dünya mənimdir deyənlər ?”əbədi
sualında görə bilərik.”Gəlimli – gedimli ...son ucu ölümlü ölümlü Dünya “da
insanın var olmadan yoxluğa keçməyinin qaçılmazlığı həyatın , varlığın mənası,
bu Dünyanın “ zatı “ hakkında düşüncələr və bu düşüncələrdən doğan bədii
əsərlər sənət təfəkkürümüzn , mədəniyyət xəzinəmizin ən dəyərli inciləri kimi
bu gün də öz əhəmiyyətini itirməyibdir.
Dünyanın bir çox sirlərinə agah olan ulu Füzuli bu səpkili düşüncələrin
üzücü və insan üçün həlledilməz məsələ olduğunu dərk edib :
-
Əndişeyi –zat qılmaq olmaz
-
Bilmək bu yetər ki, bilmək olmaz- deyə sonrakı nəsillərə nəsihət
etmişdir.
Amma bu ciddi xəbərdarlıqdan xoflanmayıb yaradıcılıqlarını , həyatlarını
“zatın”- ekzistensional konfliktin həllinə sərf edən sənətkar Azərbaycan sənət
təfəkkürünün fəlsəfini qatını təşkil edərək bu məsələyə münasibəti , dil- ifadə
vasitələrini və onların həlli yollarını bədii-estetik sistemliyini –fəlsəfi poetika
ənənəsini yaşadıb günlərimizə qədər davam etdirmişlər.
Əvvəliki fəsildə göstərdiyimiz kimi, bu ənənə mifoliji təfəkkürdən
qaynaqlanır , ənənəvi İslam mədəniyyətinin dini və fəlsəfi dəyərlər sistemiylə
zənginləşdirilir və özünəməxsus bədii yaradıcılıq formalarında təsvir
edilir.Aşıq sənəti , klassik poeziyamızın ən böyük sənət əsərləri məhz
ekzistensional
məsələlərə
mayalanıb
müxtəlif
tendensiyaları
müəyyənləşdirmişdir.Bu tendensiyalar milli teatr prosesimizin inkişaf
istiqamətlərini aktuallaşdırıb “ Sehr” adlandırdığımız poetikanın yaranması üçün
səmərəli şərait yaratmışdırşTəbii ki, bu prosesdə də mədəniyyətlər arası
mübadilə və qarşılıqlı təsir fenomeni öz işini görmüşdür və artıq institussional
mədəniyyətin faktı olan teatr üçün özünəməxsus ədəbi örnəklər dram və faciələr
yaratmağa güclü təkan rolunu oynamışdır.
Burada biz xronoloji prinsipi pozaraq birbaşa H.Cavid yaradıcılığına
müraciət edəciyik.bunun səbəbləri həm Cavid poetikasının sistemliyi , zəngin
faktoloji materialı , həm də başqa dramaturqlarımızın yaradıcılığında hər iki
Dostları ilə paylaş: |