Ümumi qeyd olaraq göstərmək lazımdır ki, M.F.Axundovdan fərqli
olaraq H.Cavid dramaturji yaradıcılığına başlayanda teatr prosesinin potensial
enerjisi çıxmış,teatr sənəti institussional mədəniyyətin faktı olaraq müəyyən
tarixçəyə ,üslublara ,janr və dramaturgiyaya malik idi,yəni müəyyən şərtlərlə
peşəkar sənət növündə müəyyən təbəqələşmə , yəni ali və aşağı janrlara ayrıda
baş vermişdi,odur ki, hər hansı sənətkardan bu janrları dəyərləndirib seçmək
tələb olunurdu.Bu yenə də M.F.Axundovdan fərqli olaraq H.Cavidin konkret
teatr üçün pyes yazmaq imkanı var idi.Müəyyən mənada yüksək düşüncə
(savad) və estetik qavrayışa ( zövq) malik tamaşaçıları nəzərdə tuta bilirik :yəni
M.F.Axundovdan fərqli olaraq H.Cavidin pyeslərinin realizəsini ,səhnəyə
qoyuluşunu və səhnə əsəri kimi dəyərləndirilməsini nəzərə alaraq özəl poetika
yaradıcılığına başladı.Bu olduqca önəmli amilləri nəzərə almadan
“seyr”və”sehr” poetikasının bazisli fərqlərinin səbəblərini anlamq
çətindir:M.F.Axundov müəyyən mənada gələcək teatr üçün , Cavid isə gerçək ,
mövcud olan teatr üçün yazırdı.Bu faktlar həm də hər iki sənətkara müasir
olan ictimai şüurun intellektual və estetik vəziyyətindən xəbər verir.
Mədəni turançılığın “ müasirləşmə, türkləşmə və islamlaşma” şüarın
Cavid poetikasının bazisli əsaslarını təyin etdi,ideologiyasını
müəyyənləçdirdi.Ədəbi yaradıcılığında fəlsəfi- romantik üslubun davamçısı
olan Cavid bu üslubun başlıca tipoloji göstəricilərini(qeyri-adi insan qeyri-adi
vəziyyətdə) dramaturji yaradıcılığında da əsas tutdu.Zəngin milli ,Şərq və dünya
ənənəsinə malik romantik düşüncənin daşıyıcısı olan Cavid üçün poetika
yaradıcılığı metodologiya mənasında heç bir çətinlik təşkil etmirdi.Təbii və
məntiqi olaraq filosof-romantik üçün başlıca konflikt kauzal ola
bilməzdi,çünki
gerçəkliyə bağlı səbəb-nəticə sistemi ekzistensional məsələlərin həllini
bəsitləşdiriib ,məişətləşdirib “sehr” xarakterini heçə endirəcəkdi.Buna görə Cavid
poetikasının zaman-məkan (xronotop)bağlılığı da mütləq xarakterini itirib ,
konfliktin hər hansı bir fəlsəfi probleminin idillik (bədii) zaman-məkan
parametrində həll olunması üçün şərait yaratmalı idi.Cavid qəhrəmanlarının
konfliktli düşüncələri(“Əndişeyi-zat”) olduğundan onların həlli məişət qatında