Ümumi Regional landşaftşünaslıq

Dəyişilmə dərəcəsinə görə dünya landşaftlarının qruplaşdırılması. Müasir antropogen landşaftlar.
Dünya landşaftları və onların dəyişilməsi A.Y.Boqdanov, F.N.Milkov, V.S.Kurakova, V.S.Jekulyen, A.A.Abdulqasımov, A.Q İsaçenko və s. müəlliflər tərəfindən təsnifləşdirilmişdir. Qeyd edilən müəlliflərin fikirlərini birləşdirərək qurunun müassir landşaftlarının antropogen transformasiyasına görə aşağıdakı quruplara ayırmaq olar.
1. Praktiki olaraq dəyişilməyən epizotik antropogen təsirlərə məruz qalan landşaftlar
2. Zəif dəyişilmiş, epizotik və qeyri-müntəzəm antropogen təsirlərə məruz qalan landşaftlar
3. Zəif və qismən orta dərəcəli dəyişilmiş, qeyri-müntəzəm təsirlərə məruz qalan landşaftlar
4. Orta dərəcədə dəyişilmiş, qeyri-müntəzəm və qismən də müntəzəm təsirlərə məruz qalan landşaftlar
5. Əsaslı dəyişilmiş və müntəzəm antropogen təsirlərə məruz qalan landşaftlar
6. Əsaslı transformasiya olunmuş texnogen örtüklü (texnogen landşaftlar) landşaftlar
1. Praktiki olaraq dəyişilməyən və epizotik antropogen təsirlərə məruz qalan landşaftlar. Bu komplekslər qurunun 12% - ə yaxın ərazisini (17.5 mln km2) tutur. Bura Antarktidanın, Qrenlandiyanın, Şm Buzlu okeanın adalarında olan buzlaqlar, Arktik səhralar, Buz qalxanları və s. daxildir. Bu qurupa aid edilən landşaftlar təbii strukturunu, inkişafını, dinamikasını, bərpa xüsusiyyətlərini tam saxlayır. Landşaft kompleksləri təbii qanunauyğunlukla inkişaf edir. İnsanların epizotik təsirləri elmi tədqiqt işlərinin aparılması və ovçuluqla məhdudlaşır.
2. Zəif dəyişilmiş, epizotik və qeyri-müntəzəm antropogen təsirlərə məruz qalan landşaftlar. Bura aid olan landşaft kompleksləri–tundra, meşə tundra, yüksək dağlıq ərazilərdə subnival, nival və ekstra arid səhra ərazilərində ekstermal şəraiti ilə fərqlənən və hazırda mənimsənilməsi mümkün olmayan daşlı səhralar və s. komplekslər aiddir. Antropogen təsirlərin çox zəif olması ovçuluq və maldarlıqla (tundrada maralçılıq, səhra ərazilərində isə dəvəçilik) məhdudlaşır. Bu landşaftlar təbii stukturunu özünün bərpa xüsusiyyətlərini tamamilə saxlayır.