|
Yaşar rzayevBu səhifədəki naviqasiya:
- “Havanı dolduran taxıl iyi lalə, gülxətmi, çobançiçəyi, nərgiz ətrinə qarışmışdı. Yaz yağışından sonra yumşalmış
- “ – Qədir yoldaş, sağlıq olsa, dünya revolyusiyasına qədər bu şeiri yaxşı-yaxşı düzəldər, onda baxarıq. Qədir etiraz elədi
- Nə danışırsan, – dedi, – ədə! Siyasi səhvə yol verirsən! Şairlərin bir vinti boş olar deyərlər, sənin heç deyəsən vintin yoxdur. Gəl! Gəl!”
- “ – Siz qəbir üstə getmişsiniz! Bilirsiniz bu nə deməkdir – Qəbir üstə getmək deməkdir. – Bu, həyatdan üz döndərmək, məzarlardan təsəlli almaq
- – Proletariatın adamı ölməz, qalib gələr! İkincisi də proletariat qəbri geridə qoyar. Proletariat bu cür işlərə qarşı
- Bildinmi Siyasi savad lazımdır, yoldaş!”
- “ – Risk eləməyin, məsləhət görmürəm, səni sevdiyim üçün də almaq istəmirəm... Sağlıq olsun, kapitalizm
- “Bəziləri də muğamat sözünü eşidib gəlmişdilər. Onlar o qədər mahnı eşitmişdilər ki, bezmişdilər. Musiqi aləmindən
- “ – Sən öləsən, arvad həmişə konsertə gəlməyə can çəkir. Onun ucundan gecikirəm. – Sabir öz hekayələrində bu barədə göstərib.
- – İki arvadlılar barəsində. Ruscasını oxumuşam bizim dildə yoxdur. – Həlbət ki, ruscası yaxşıdır. Bizdə şair yoxdur ki, o
- – Gürcüdür də, Qruziyadandır. Hələ mən uşaq idim, bunların şeirlərini əzbər bilirdim. Nədir o, tülkü ilə qarğanın poeması, lap qiyamətdir!
____________Milli Kitabxana____________
321
“Havanı dolduran taxıl iyi lalə, gülxətmi, çobançiçəyi,
nərgiz ətrinə qarışmışdı. Yaz yağışından sonra yumşalmış ,
ayılmış qara torpaq , boy atıb qurşağa qalxan , başını
bərkidən sünbüllər , mülayim hava , arxlarda pıçıldaşan
kəhriz suları – hamısı bir söz deyirdi : bahar , bahar !..” (69,
52-53).
“AÇIQ KİTAB ”. AÇIQ GÖRÜNƏN MƏTLƏBLƏR .
Ilk romanlarında (“Dirilən adam”, “Bir gəncin manifesti”)
həm də satira və yumor ustası kimi görünən Mir Cəlalın bu
romanında da parodiya və istehza kifayət qədərdir, bu amillər
həyat həqiqətlərinin ifadəsində güclü bir vasitədir. Gəldiyevin
dilində tez-tez səslənən “sinfi düşmən”, “ünsür” “sosializm”,
“dünya revolyusiyası”, “proletariat”, “daklad”, “orqanizovat”,
“ustanovka”, “kadro”, “sovet gənci”, “kapitalizm qalıqları” və
s. belə sözlər mahiyyətcə hansı mənanı daşımalarından asılı
olmayaraq, özündə parodiya və istehza elementlərini ehtiva
edir. Hətta Qurd Qədirin cızmaqara şeirini qəzetdə çap etdirmək
üçün müraciət edəndə də Gəldiyev öz fikrini “dünya
revolyusiyası” ideyası ilə əsaslandırmaq istəyir və qəzetin katibi
bu zəif şeiri çap etməmək üçün “hərifin öz dili ilə” danışmağa
məcbur olur:
____________Milli Kitabxana____________
322
“ – Qədir yoldaş, sağlıq olsa, dünya revolyusiyasına
qədər bu şeiri yaxşı-yaxşı düzəldər, onda baxarıq.
Qədir etiraz elədi:
– Gec olar, canım.
Katib onun üzünə mənalı baxdı:
– Necə, dünyada revolyusiya gec olacaq?
Gəldiyev özünü itirdi, Qədirə döndü:
–
Nə danışırsan, – dedi, – ədə! Siyasi səhvə yol
verirsən! Şairlərin bir vinti
boş olar deyərlər, sənin heç deyəsən vintin yoxdur. Gəl! Gəl!”
(70, 80).
Dinin və dindarlığın qətiyyətlə rədd edildiyi, “Allahsızlar
cəmiyyəti”nin bərqərar olduğu bir dövrdə müəllifin bu
məsələyə parodik münasibətini Kərim Gəldiyevin anası təzəcə
vəfat etmiş Rübabə ilə söhbətində belə görürük:
“ – Siz qəbir üstə getmişsiniz! Bilirsiniz bu nə deməkdir?
– Qəbir üstə getmək deməkdir.
– Bu, həyatdan üz döndərmək, məzarlardan təsəlli almaq
meyli, burjua pessimizmi deməkdir. Proletariata
yaraşmayan.. Bədbinlik, çürük psixologiya!
– Proletariatın adamı ölməz? Proletariat qəbir üstə
getməz?
____________Milli Kitabxana____________
323
– Proletariatın adamı ölməz, qalib gələr! İkincisi də
proletariat qəbri geridə qoyar. Proletariat bu cür işlərə qarşı
mübarizə aparmışdır və aparacaqdır! Proletariat qəbristanlığa
yox, həyata doğru gedib, gedir, gedəcək və qalib gələcək!
Bildinmi? Siyasi savad lazımdır, yoldaş!” (70, 93).
Mir Cəlalın parodiyaları əsərin əksər epizodlarında, hətta
epizodun məzmunundan asılı olmayaraq da, gözlənilmədən
görünür. Ağca xanım vaxtını keçirdiyi növbəti kişilərdən birinə
– hərbçiyə evlənmək təklifini verəndə, hərbçi deyir:
“ – Risk eləməyin, məsləhət görmürəm, səni sevdiyim
üçün də almaq istəmirəm... Sağlıq olsun, kapitalizm
əhatəsinin öhdəsindən gələrik, düşməni qovub dənizlərə
tökərik, onda bu haqda danışmaq olar... (70, 44).
Bir çox milli-mənəvi dəyərlərin, o cümlədən tarın,
muğamatın siyasi rejim tərəfindən keçmişin qalığı kimi qələmə
verildiyi bir zaman kəsiyində Səttarzadə filarmoniyada milli
musiqidən ibarət konsert verir və Mir Cəlal bunu romanda belə
ifadə edir:
“Bəziləri də muğamat sözünü eşidib gəlmişdilər. Onlar o
qədər mahnı eşitmişdilər ki, bezmişdilər. Musiqi aləmindən
muğamatın qovulduğunu düşünür, səbəbini bilmir,
____________Milli Kitabxana____________
324
soruşmağa da cürət etmirdilər. Elanda “muğamat” görüb,
bilet dalınca yüyürmüşdülər” (70, 128).
“Konsert” epizodunda da yazıçı öz parodik dəst-xəttindən
kənarda qalmır. Həmin dövrdə siyasi rejimin alayarımçıq
yetişdirdiyi, özlərini ziyalı, məlumatlı və savadlı kimi
göstərməyə çalışsalar da, əslində milli simalarını itirən, əsil
ziyalılığı təhrif edən şəxslərə acı gülüşünü əsirgəmir. Budur,
konsertə gələn bir neçə nəfərin söhbəti:
“ – Sən öləsən, arvad həmişə konsertə gəlməyə can çəkir.
Onun ucundan gecikirəm.
– Sabir öz hekayələrində bu barədə göstərib.
– Sən Sabiri deyirsən, Füzulinin padval məqaləsini
oxumuşam.
– Hansı məqalədir, adə, gözümə dəyməyib?
– İki arvadlılar barəsində. Ruscasını oxumuşam bizim
dildə yoxdur.
– Həlbət ki, ruscası yaxşıdır. Bizdə şair yoxdur ki, o
kişilərin Plexanov kimi, İvan Qroznı kimi şairləri var.
– İvan Qroznı? Deyəsən bu şair mənə tanış gəlir.
– Gürcüdür də, Qruziyadandır. Hələ mən uşaq idim,
bunların şeirlərini əzbər bilirdim. Nədir o, tülkü ilə qarğanın
poeması, lap qiyamətdir!
Dostları ilə paylaş: |
|
|