218
ifadə edir. Amma sözə ekvivalent olması frazeoloji sual cümləsi üçün əsas şərt
hesab edilə bilməz. Frazeoloji sual cümlələri çox nadir hallarda sözə ekvivalent
olur. Belə cümlələri təşkil edən leksik vahidlər öz ilkin mənalarını tamamilə itirir,
tam məcazlaşma prosesi keçirir. Məsələn,
ölmək ölməkdir, xırıldamaq nə
deməkdir? cümləsi «qətiyyət» mənasına müvafiq gəlir.
Arşın udmusan? - özünü
çəkib, dimdik dayanan adam haqqında deyilir.
Meşədən çıxmısan?- kobud adam
üçün işlədilir. Frazeoloji sual cümlələri üçün cümləyə, bitmiş bir fikrə
ekvivalentlik səciyyəvi hesab edilir.
Xəncərinin daşı düşməz ki? - özünə alçaqlıq saymazsan; Fil qulağında
yatmısan? - heç nədən xəbəri olmamaq və s.
Frazeoloji sual cümlələrində emosionallıq və ekspressivlik çox güclü olur.
Frazeoloji sual cümlələri qrammatik cəhətdən formalaşaraq bitmiş bir fikiri ifadə
edir. Belə cümlələrin xəbəri ya feldən, ya da başqa nitq hissələrindən ibarət olur.
Bu vasitələrlə yanaşı frazeoloji sual cümləsinin təşkilində intonasiya
mühüm rol oynayır. Eyni bir leksik tərkibə malik olan cümlə intonasiyasından asılı
olaraq ya nəqli, ya da sual cümlə kimi müəyyənləşir. Məs. :
Xəncərinin qaşı düşər? - Bu misaldakı intonasiyadan asılı olaraq onun
cümlənin hansı növünə şamil edilməsi müəyyənləşir. Əgər intonasiya dəyişmirsə,
bütün komponentlər eyni, adi intonasiya ilə deyilirsə, bu cümlə məlumatverici
xarakter olacaq və nəqli cümlə olacaq. Əgər intonasiya cümlənin sonuna doğru
yüksəlirsə, sual intonasiyası ilə deyilirsə, sual məqsədi daşıyırsa, istehzaedici
xarakter alaraq sual cümləsi olacaq.
Frazeoloji sual cümlələrinin təşkilində sual əvəzlikləri və ədatlar iştirak
etdikdə də, yenə sual intonasiyası olmalıdır. Lakin bu əlavə vasitələr iştirak
etməyən cümlələrdə intonasiyanın rolu artıq dərəcədə nəzərə çarpır. Beləliklə,
sintaktik quruluşca frazeoloji sual cümlələrini üç növə ayırmaq olar:
a) yalnız intonasiya ilə ifadə edilən frazeoloji
sual cümlələri;
b) intonasiya və sual əvəzlikləri ilə ifadə edilən frazeoloji sual cümlələri;
c) intonasiya və sual ədatı ilə ifadə edilən frazeoloji sual cümlələri.
Qeyd etdiyimiz kimi, komponentlərin birləşərək frazeoloji cümlə kimi
formalaşmasında intonasiyanın böyük əhəmiyyəti vardır. Cümlə vahid sual
intonasiyasına tabe olur, heç bir əlavə vasitənin iştirakı olmadan tam frazeoloji
sual cümləsi kimi müəyyən hökm ifadə edir.
I.
Ovcumun içini iyləmişəm? Bu frazeoloji cümlə
haradan bilim? sual
cümləsinin mənasına uyğun gəlir. Adətən, I şəxsin təkində formalaşan bu frazeoloji
sual cümləsində fel nəqli keçmiş zamanda özünü göstərir. Bu ifadənin digər
qrammatik variantı felin qrammatik formasını dəyişməklə alınır.
Ovcumun içini
iyləmişdim? sual cümləsi əvvəlki ifadənin qrammatik variantı hesab edilir. Çünki
bu ifadədə fel nəqli keçmiş zamanın hekayə formasında işlənmişdir. Feldəki
qrammatik dəyişiklik ifadənin mənasına təsir etmir. Bu ifadənin II şəxsə müraciətlə
olan forması da dildə işləkdir:
Hardan biləsən, ovcunun içini iyləmişdin?
219
İstər bədii əsərlərdə, istərsə də danışıq dilində bu cümlənin sual
intonasiyasını qüvvətləndirmək üçün
məgər (
bəyəm) sual ədatının işlənməsinə də
təsadüf etmək olur: Ovcumun içini iyləmişəm, bəyəm? (
S. Qədirzadə. Sarmaşıqlı
aynəbənd
) .
2.
Qızsan, oğlan? - Bu frazeoloji sual cümlənin daşıdığı semantik məna
milli təfəkkürün bir hissəsidir. Adətən tapşırıq dalınca gedən adama müsbət və ya
mənfi nəticəni öyrənmək üçün verilir. Konkret II şəxsə müraciətlə formalaşan bu
frazeoloji sual cümləsi
ya bağlayıcı ilə, və onsuz işlənə bilər.
Qız gəlmisən, ya
oğlan? qeyri - ritorik frazeoloji sual cümləsi olub cavab almaq məqsədilə işlədilir
və qrammatik sual cümləsini xatırladır.
Sinonim olmayan sözlərin əvəz edilməsi ilə
qızsa, oğlan frazeoloji sual
cümləsinin
əliboş gəlmisən, ya əlidolu variantı yaranmışdır. Hal-hazırda
əliboş
gəlmisən, ya əlidolu frazeoloji ifadəsi mövcud ifadənin ekvivalenti kimi çıxış edir,
dildə paralel şəkildə işlənir.
3.
Fil qulağında yatmısan? - Bu frazeoloji sual cümləsi də yalnız intonasiya
vasitəsi ilə ifadə olunur.
Fil qulağında yatmısan nəqli frazeoloji cümləsindən
yalnız intonasiya ilə fərqlənir. Əgər o cümlənin intonasiyasını dəyişsək, asanlıqla
nəqli cümləyə çevrilər. Odur ki, bu frazeoloji cümlənin sual kateqoriyasının
yeganə göstəricisi sual intonasiyasıdır.
Bu frazeoloji sual cümlə semantik cəhətdən
heç nədən xəbəri olmamaq
mənasına uyğun gəlir. Bu cümlə semantik cəhətdən heç bir şeydən xəbəri
olmamaq
mənasına uyğun gəlir.
Fil qulağında yatmısan? cümləsi II şəxsə müraciətlə
formalaşsa da, müasir dildə bu cümlənin III şəxsə aid olan variantı da (
fil
qulağında yatıb?
) mövcuddur. I şəxsə aid olduqda ancaq nəqli səciyyə daşıyır.
4.
Dəvə gördün? Heç qığını da görmədim. - Bu frazeoloji ifadədən şahidi
olduğu hansısa hadisənin və yaxud işin şahidliyini boynundan atmaq istədikdə
istifadə olunur.
Heç nə görməmişəm cümləsinin ekvivalentidir.
İfadələrdə leksik cəhətdən dəyişiklik edilmiş, komponentlərdən biri sinonim
olmayan sözlə əvəz edilmişdir. Yeni variant yaranmış, amma ifadənin mənası
pozulmamışdır.
Dəvə gördün? Heç qığını da görmədim frazeoloji ifadədən
göründüyü kimi, frazeoloji birləşmənin nəqli cümlə olan hissəsində
heç əvəzliyi və
da, də ədatı iştirak edir.
Heç əvəzliyi və
da ədatı suala verilən cavabdakı hökmün
qətiliyini artırmaq, cavaba inam hissini gücləndirmək məqsədini daşıyır.
Dəvə
gördün? sual cümləsi isə intonasiya vasitəsilə formalaşmış, bu isə cümlənin məna
bitkinliyini təmin etmişdir. II şəxsə müraciət olunmuş bu cümlə başqa şəxslərdə
özünü göstərmir.
Dəvə görmüsən, heç qığın da görməmişəm.(K.Əfsəroğlu, Hamam hamam
içində. Azərb. J., 2001, №1. s. 138.)
5.
Mənə üçlük atırsan? - Bu frazeoloji sual cümləsi
məni ələ salırsan?
Sözümün qabağında söz deyirsən? mənalarına müvafiq gəlir. II şəxsə müraciətlə
işlədilən bu frazeoloji ifadədə başqa şəxslərə şamil edilə bilməz.