270
reallaşacaqdır, bu təlim Orta əsrlərdə dövlətin və kilsənin yanaşı
mövcudluğunun əsasına çevrildi.
Amma kilsənin dünyəvi hakimiyyətə bu tabe olma çağırışı
ikimənalı idi, çünki kilsə ondan imtina edə bilərdi, əgər o, belə hesab
etsəydi ki, dünyəvi hökmdarlar etik və dini tələblərə cavab vermirlər.
Kilsə nisbətən müstəqil institut olaraq bəzən oxşar əməllər üçün siyasi
hakimiyyətə də malik olurdu. Kilsənin və dövlətin əməkdaşlığı nəzəri
olaraq qarşılıqlı olmalı idi. Amma onlar eyni üzvləri birləşdirən
nisbətən müstəqil institutlar olduqları üçün, həm papaya, həm də
imperatora sayğı göstərmək lazım gəldiyi situasiyalarda xalqların
sədaqəti sanki haçalaşırdı. Dünyəvi və kilsə hakimiyyətini qəti olaraq
bir-birindən ayırmaq praktik olaraq mümkün deyildir. Yalnız mənəvi
hakimiyyətə malik olanlar moizə etmək iqtidarında olmaq üçün
kifayət edəcək qədər iqtisadi bazisə malik olmalı idilər, yəni dünyəvi
hakimiyyətin müəyyən payına malik olmalı idilər. İdarə edənlər isə
müəyyən mənəvi avtoritetə malik olmalı idilər.
Avqustin
Həyatı. Avqustin (Augustine) 354-cü ildə Şimali Afrikada
Taqast şəhərində anadan olmuşdur. Onun anası xristian, atası isə
bütpərəst idi. Avqustin öz gəncliyini Karfagendə qayğısız yaşamışdır.
Avqustin öncə öz zəmanəsinin populyar dini cərəyanlarından
biri olan maniçiliklə tanış olmuşdur. O, dünyada xeyrin və şərin
dualizmi haqqında öyrədir və təsdiq edirdi ki, insani varlıqlar iki ruha
malikdirlər, bunlardan biri xeyirxah və işıqlı, digəri isə zülmkar və
qaranlıqdır. Hər bir insanın əməlləri bu iki ruh arasındakı konfliktin
nəticəsidir. Avqustin bu təlimi qəbul etdi – o, bu dünyada şərin
iştirakını izah edirdi. Amma o, maniliyin o qədər də uzun müddət
tərəfdarı olaraq qalmadı. O, əxlaqi həyat üçün güc vermirdi, Avqustin
isə buna çalışırdı. O, həmçinin maniliyin intellektual səviyyəsindən də
məmnun deyildi. Nəticədə, Avqustin manilikdən uzaqlaşaraq
skeptisizmə üz tutdu.
Amma, Avqustini skeptisizm də qane etmirdi. O, neoplatonizmə
(Plotin) müraciət etdi. Avqustin neoplatonizmdə zalımlıq barədə suala
qəbul oluna bilən cavabı tapmışdı. Mənəvinin bir real olaraq
neoplatonist anlamı da həmçinin Avqustinin rəğbətinə səbəb oldu. O,
Platonu (və Plotini) oxuyaraq intellektual rahatlıq tapdı.
Amma, onun şəxsi təcrübəsi zəkaya neoplatonist inamla
konfliktlə gətirib çıxardı, bu inama uyğun olaraq düzgün anlam
düzgün əməllərə aparıb çıxarmalı idi. Belə ki, Avqustin dərk etmişdi
ki, düzgün bildiyi həyatı yaşamağa qabil deyildir. Avqustin eyni
271
zamanda başa düşürdü ki, xristianların nəzəri olaraq ondan zəif
olmasına baxmayaraq, əxlaqi olaraq onlar daha yüksəkdədirlər. Elə
buna görə də, Avqustin xristianlığı onun xilas barədə təliminə görə
yüksək qiymətləndirirdi, baxmayaraq ki, nəzəri olaraq o, onu qane
etmirdi. Həyatının bu mərhələsində o, bir ritorika müəllimi olaraq
Milana səyahət etdi. Orada Avqustini yepiskop Ambrozenin (Ambrose,
339-397) moizələri cəlb etdi və təqribən otuz yaşında ikən o,
xristianlığı qəbul etdi.
Avqustin Şimali Afrikaya qayıtdı və yepiskop oldu. Onun bütün
sonrakı həyatı isə Kilsəyə həsr edildi. Avqustin 430-cü ildə, yəni
vandalların qərbi Roma imperiyasına soxulduqları zaman vəfat etdi.
Əsərləri. Avqustin latın dilində çoxlu kitablar yazmışdır.
Onların ən məşhurlarından yalnız dördünü xatırlayaq.
Akademiklərin əleyhinə (Contra Academicos), burada o,
skeptisizmi təkzib edərək, özünün skeptisizmə aludə olduğunu
keçmişini tənqid edir.
Azad iradə haqqında (De libero arbitrio), burada şər və iradə
azadlığı problemləri müzakirə olunur.
Etiraf (Confessiones), burada Avqustin özünün mənəvi
mübarizəsinin peripetiyalarını açıb göstərir. Bu kitabda Antik dövrün
ilk yunan mərhələsindən son xristian mərhələsinə keçid göstərilir.
Avqustin burada rasional yunan vətəndaşı kimi deyil, emosiyalar
dərrakə üzərində üstünlük əldə etdikləri zaman ruhun və bədənin
daxili mübarizəsinə cəlb edilmiş ayrıca fərd, şəxsiyyət, kimi
qarşımızda durur.
İlahi şəhər haqqında (De civitate Dei) adlı əsərində Avqustin
tarixə öz baxışını və "İki şəhər" ("İki məmləkət") – Yer şəhəri və İlahi
şəhər haqqında təlimi işləyib hazırlayır.
Avqustinin həyatı xristianlığın aparıcı din kimi etiraf
olunmasından, Roma imperiyasının bölünməsindən bilavasitə sonrakı
və
qərbi
Roma
imperiyasını dağıdan german tayfalarının
təcavüzündən isə əvvəlki dövrə təsadüf edirdi. Bu dünya
imperiyasının süqutu müxtəlif kilsə təşkilatlarının yaranması ilə
müşayiət olunurdu. Məhz onlar son nəticədə yunan və latın dilli
dünyada mədəni irsin saxlanılması vəzifəsini yerinə yetirmişlər.
Bundan başqa, imperator hakimiyyətinin zəifləməsi şəraitində kilsə
(Bizansla və xalqların köçü nəticəsində yaranan dövlətlərlə birgə)
siyasi məsuliyyətin bir hissəsini öz üzərinə götürdü. Beləliklə xristian
teoloqları həmçinin də siyasi ideoloqlar oldular.
Avqustin Antik dövrü və xristian zəmanəsini əlaqələndirən
böyük teoloqlardan birincisi oldu. O, xristianlığı və neoplatonizmi
sintez etdi.