50
birləşdirir. Əgər birinci təbəqəni
samhidalar təşkil edirsə, vedaların
ikinci təbəqəsi brahmanalardan, üçüncü təbəqəsi aranyakalardan və
nəhayət, dördüncü təbəqəsi upanişadalardan ibarətdir. Brahmanaların
məzmununu samhidalara verilmiş mifoloji şərhlər, ayinlərin
zəruriliyini əsaslandıran dəlillər, onların icra mexanizmlərini
müəyyənləşdirən izahlar təşkil edir. Brahmana "Brahmanın şərhi"
kimi başa düşülür. Aranyakalar hərfən "meşə kitabı" mənasını verir və
evlərini ataraq meşələrə çəkilmiş, tərki dünyalığı özünə həyat tərzi
seçmiş zahidlər üçün nəsihətləri özündə birləşdirir. Upanişada
"upanişad", yəni müəllimin ayaqlarının "yanında oturaraq" aldığı
bilik mənasını verən söz birləşməsidir. Upanişadalarda fikir təkcə
davranış normalarının qiymətləndirilməsi, praktik
əməllərin
təmizlənməsi zərurətindən deyil, həm də nəzəri-mücərrəd təfəkkürün
özünün ehtiyaclarından doğur. İlk upanişadalar formal olaraq uyğun
brahmanaların və aranyakaların tərkib hissəsi kimi tədris edilsələr də,
öz məzmununa və ifadə tərzinə görə onlardan köklü surətdə
fərqlənirlər. Samhidaların, brahmanaların və aranyakaların ideyaları
Upanişadalarda
özlərinin
nəzəri-fəlsəfi
ifadəsini
tapmışdır.
Upanişadaların sayı ümumiyyətlə yüzə yaxındır. Onlar "köhnə" və
"yeni" olmaqla iki qrupa ayrılırlar. Köhnə upanişadalar - Aytareya,
Kauşitaki,
Çhandoqya,
Kena,
Katha,
Tayttriya,
Mayttri,
Brihadaranyaka, İşa, Mundaka, Mandukya, Praşna - fəlsəfi nöqteyi-
nəzərdən daha qiymətlidir. Onların yaradılması təxminən b.e.ə. IX-YI
əsrlərə təsadüf edir.
Upanişadalarda insan, həyat və ölüm, həyatın və ölümün
mənası, kainatın mənşəyi və gələcəyi kimi xalis fəlsəfi problemlərin
qoyulması artıq öz-özlüyündə fəlsəfi təfəkkürün ehtiyaclarından xəbər
verir. Məsələn, Brihadaranyakada verilmiş suallara nəzər salaq:
"Bütün dünyaları və varlıqları birləşdirən yolları bilirsənmi?.. Bütün
varlıqların və bütün dünyaların daxili hökmdarını tanıyırsanmı?"
Yaxud Mundaka Upanişadada ümumiləşdirilmiş fəlsəfi biliyə ehtiyac
özünü daha qabarıq şəkildə büruzə verir: "Nəyin dərk olunması ilə
dünyada hər şey anlaşılmış olur?"
Upanişadalarda artıq xüsusi fəlsəfi terminologiya mövcuddur;
bhuta - element, ünsür;
svabhava - şeylərin daxili təbiəti;
akaşa -
məkan; kala - zaman; sat - varlıq; asat yoxluq; satiyam - həqiqət;
dharma - qanunauyğunluq;
turiya- şüur və s.
Vedaların digər təbəqələrindən fərqli olaraq upanişadalarda
əsas diqqət kosmik dünyanın deyil, insanın mənəvi dünyasının
işıqlandırılmasına verilmişdir. Burada kosmoqonik problematikanın
yerini getdikcə daha çox əxlaqi problematika tutur.
51
Upanişadaların özündən sonra gələn hind fəlsəfəsinin
inkişafında mühüm rolu olmuşdur. Lakin upanişadalar Veda
kanonunun tərkib hissəsi idi.
Dörd təbəqədən - samhida, brahmana, aranyaka və upanişada -
ibarət olan dörd veda - riqveda, samaveda, yacurveda, atharvaveda -
bütövlükdə Veda kanonunu - ŞRUTİni - əmələ gətirir. Həm vedaların
özləri arasında, həm də onları təşkil edən təbəqələr arasında müəyyən
münasibətlər mövcuddur. Bu münasibətlərdə vedaların ilkin qatlarının
- samhidaların - başqa qatlar - brahmanalar, aranyakalar, upanişadalar
- üçün mənbə rolu oynaması diqqəti daha çox cəlb edir. Buna görə də,
ayrılıqda götürülmüş hər bir brahmanaya, hər bir aranyakaya və ya
upanişadaya bu və ya digər samhidanın şərh olunma forması kimi
ümumi əlamət xasdır. Onların köməyi ilə ayinlərin məna və zəruriliyi,
icra olunma mexanizmi aydınlaşdırılır. Elə bu cəhət vedaların sonrakı
üç qatının ümumi ad altında birləşməsini mümkün edir. Məsələn,
Riqvedanın ilkin qatına - onun samhida təbəqəsinə - yazılmış şərhlərin
hər ikisi - Aytareya və Kauşitaki - özlərində həm brahmananı, həm
aranyakanı, həm də upanişadanı birləşdirirlər.
Aytareya və Kauşitaki qədim hind müdriklərinin adı ilə
bağlıdır. Bu müdriklərin həyatı haqqında nəsildən-nəslə verilmiş
məlumat əslində əfsanələr içində ərimişsə də, özünün bir sıra həqiqət
çalarlarını saxlamışdır. Bu baxımdan Aytareya haqqında əfsanə daha
maraqlıdır. Atasının tanınmış nəsildən, çox yəqin ki, arilərdən,
anasının isə cəmiyyətin rəiyyət təbəqəsindən olması Aytareya üçün
faciəyə çevrilir. Atasının onu ləyaqətsiz bir adam bilməsi Aytareyanın
həyatını əsl işgəncəyə döndərir. Və nəhayət, Yer allahı Mahi onun
anası İtaranın yalvarışlarını eşidir və Aytareyaya müdriklik bəxş edir.
Aytareya haqqında əfsanə onun müdrikliyinin mifoloji izahını
verir. Lakin bu müdrikliyin rasional izahını da vermək mümkündür:
Aytareyanın anası və atası müxtəlif təbəqələri təmsil etməklə yanaşı,
görünür, həm də müxtəlif təfəkkür mexanizminə malik idilər.
Aytareyanın varlığında isə iki müxtəlif təfəkkür tipi öz təbii sintezini
tapmışdı. Ona verilmiş müdrikliyin səbəbini də yəqin ki, bu sintezdə
axtarmaq daha düzgün olardı.
Yenidən Şritinin struktur təsvirinə qayıdaq. Artıq qeyd
edilmişdir ki, Riqvedanın ilkin qatına yazılmış şərhlərin ikisi özlərində
həm brahmananı, həm aranyakanı, həm də upanişadanı birləşdirir.
Eyni sözləri "qara" Yacurvedaya, daha doğrusu, onun samhida
qatına yazılmış Katha və Tayttriya şərhləri haqqında da demək olar.
Lakin bu qanunauyğunluqdan müəyyən kənara çıxmalar da
mövcuddur. Məsələn, Samavedaya yazılmış Pantavinşa şərhi ancaq
brahmana təbəqəsini əhatə edir, Cayminiya isə Samavedanın