85
wap.aliyevheritage.org
BAKI-BRÜSSEL (Azərbaycan-Avropa Ittifaqı münasibətləri)
Bu bina Azərbaycanın, Bakının memarlıq abidələrindən biridir. Vaxtilə, XX
əsrin əvvəllərində Azərbaycanın böyük şəxsiyyəti, böyük sahibkarı Hacı Zeynalab-
din Tağıyev bu binanı yaradıb və burada da uzun müddət işləyibdir.
Azərbaycan xalqı təkcə indi yox, hələ o vaxtlarda da ümumbəşəri dəyərlərlə,
Avropa dəyərləri ilə Azərbaycanın milli-mənəvi dəyərlərinin inteqrasiyasına ça-
lışmışdır. Məhz bu binanın 100 il bundan öncə Avropa üslubunda tikilməsi, onun
həm xarici görünüşünün, həm də daxili görünüşünün Avropa memarlıq üslubuna
mənsub olması bunu əyani sübut edir.
Təbiidir ki, indi çox yerdə modern üslubda binalar tikmək və ofisləri modern bi-
nalarda yerləşdirmək dəb olubdur. Amma biz bu yol ilə getmədik. Biz məhz klassik
Avropa üslubunda tikilmiş binanı verdik ki, Avropa Ittifaqı buraya daha da doğma
gözlə baxsın. Özü də görürsünüz, keçmişdə nə qədər gözəl tikirdilər.
Məsələn, burada xalçalar üstünü örtübdür, görmürəm, amma orada, Baş katibin
ofisində biz döşəməyə nəzər saldıq. 100 il bundan öncə döşəmə elə bil ki, bu gün
yaranıbdır. Keyfiyyətə çox fikir verirdilər. Baxın, divarlar nə qədər enlidir. Indi hər
şeyə qənaət edirlər, nazik divarlar qoyurlar. Onlar da qısa bir zamanda xarab olur.
Mən sadəcə, Azərbaycanın Avropa memarlığından götürdüyü abidələrdən biri
haqqında danışıram. Amma Azərbaycanda belələri çoxdur. Bu da onu göstərir ki,
Azərbaycan Avropaya, Avropa dəyərlərinə, Avropa ölkələrinə hələ çox qədim za-
manlardan maraq göstərmişdir.
Biz eyni zamanda TRASEKA proqramını qədim böyük Ipək yolunun bərpası ilə
bağlayırıq. Əslində, TRASEKA proqramı irəli sürüləndə, güman edirəm, həqiqətən
nəzərə alınıbdır ki, bu, təkcə TRASEKA proqramını əhatə edən ölkələr üçün deyil,
böyük Ipək yolunun bərpası üçündür və çox vacibdir. Biz konfransda açıq-aydın
müəyyən etdik ki, Asiya ilə Avropanı, Şərq ilə Qərbi bağlayan qədim Ipək yolu bu
gün də öz aktuallığını saxlayıbdır və Şərqlə Qərb arasındakı başqa yollara nisbətən
daha qısadır. Yüklərin daşınması daha sürətlə, qısa bir zamanda olur və daha ucuz
başa gəlir. Ona görə biz hesab edirik ki, 1998-ci ildə Bakı konfransında qəbul olun-
muş qərarlar həyata keçirilməlidir.
Mənə belə gəlir ki, Avropa Ittifaqı son vaxtlar TRASEKA proqramının həyata
keçirilməsinə bir az soyuyubdur. Mən bu həqiqəti deməliyəm. Əgər bir neçə il
bundan əvvəlki dövrlə indiki dövrü müqayisə etsək, bu, göz qabağındadır. Ancaq
mən bunu düzgün hesab etmirəm və düşünürəm, yəqin ki, belə böyük nümayəndə
heyətinin Cənubi Qafqaz ölkələrinə gəlməsi TRASEKA proqramına münasibətin
soyumasına son qoyacaq və bu proqram yenidən böyük sürətlə həyata keçiriləcəkdir.
Mən sizə müraciət edərək demək istəyirəm ki, siz TRASEKA proqramına vəsait
ayrılmasında xəsislik etməyin. Çünki bu, nə sizə, nə də bizə xeyir verəcəkdir. Sizin
cibinizdə pul çoxdur, burada qoyduğunuz pulun əvəzini iki-üç qat götürəcəksiniz.
Indi artıq sizdə də, bizdə də - hamıda qəti bir fikir var ki, TRASEKA proqramı, bö-
86
BAKI-BRÜSSEL (Azərbaycan-Avropa Ittifaqı münasibətləri)
www.aliyevheritage.org
yük Ipək yolunun bərpa edilməsi bu gün üçün və XXI əsr üçün ən böyük proqram-
lardan biridir. Bu proqramın hərtərəfli inkişafını nə qədər təmin edə bilsək, Cənubi
Qafqaz, Orta Asiya, Mərkəzi Asiya ölkələrinin Avropa ilə inteqrasiyası o qədər də
sürətli olacaqdır.
Artıq indi ofis yaranıbdır. Bu bina boş qalmamalıdır ki? Burada işləmək lazım-
dır. Əgər vəsait olmasa, burada nə cür işləyəcəksən? Bu gözəl binada yaxşı-yaxşı
layihələrə baxıb, müzakirə edib, onları həyata keçirmək lazımdır. Belə layihələr
vardır. Azərbaycanda bir xalq sözü var: “Səndən hərəkət, məndən bərəkət”. Başa
düşürəm, bunu tərcümə etmək bir az çətindir.
Mən sizə bir daha təşəkkür edirəm. Ümidvar olduğumu bildirmək istəyirəm ki,
bu görüş bizim hamımızın istəklərimizin həyata keçirilməsi üçün çox əhəmiyyətli
olacaqdır. Sağ olun.
87
wap.aliyevheritage.org
BAKI-BRÜSSEL (Azərbaycan-Avropa Ittifaqı münasibətləri)
Azərbaycan Respublikasının Prezidenti Heydər Əliyevin
Avropa İttifaqının nümayəndə heyətini
qəbul edərkən söhbətindən
Bakı, 21 fevral 2001-ci il
Heydər Əliyev: Hörmətli xanım nazir!
Hörmətli Baş katib!
Hörmətli komissar!
Hörmətli qonaqlar, xanımlar və cənablar!
Mən sizi bir daha salamlayıram. Azərbaycana xoş gəlmisiniz. Mən sizinlə bu
görüşümüzdən çox məmnunam.
Biz bu gün sizinlə Avropa Ittifaqının TRASEKA proqramının həyata keçirilməsi
ilə əlaqədar burada yaradılmış katibliyin binasını açdıq. Bu, əlamətdar bir hadisədir.
Ancaq Avropa Ittifaqı ilə bizim əlaqələrimiz təkcə TRASEKA proqramı çərçivəsində
ola bilməz. TRASEKA proqramı əməkdaşlığımızın bir hissəsidir. Ona görə də biz
Avropa Ittifaqı ilə artıq bir neçə ildir ki, genişmiqyaslı əməkdaşlıq edirik və bu
əlaqələrimizi daha da genişləndirmək istəyirik.
Biz Avropa Ittifaqının indi Avropada və bütün dünyada oynadığı müsbət rolu
yüksək qiymətləndiririk. Biz Avropa Ittifaqı ilə daha yaxından inteqrasiyada ol-
maq istəyirik. Biz artıq Avropa Şurasının üzvüyük. Fürsətdən istifadə edərək,
Azərbaycanın Avropa Şurasına üzv qəbul olunmasında etdiyiniz köməyə görə sizə
təşəkkür edirəm. Bu, birinci mərhələdir. Bundan sonra isə Avropa Ittifaqına yol
açılır. Biz bilirik ki, bu asan yol deyildir. Avropa Ittifaqının bu təşkilata üzv olan
ölkələr qarşısında qoyduğu tələblər təbiidir ki, Avropa Şurasının üzvü olan ölkələr
qarşısında irəli sürülən tələblərə nisbətən daha da ciddidir. Ancaq Avropa ilə in-
teqrasiya bizim strateji yolumuzdur. Ona görə də biz bu yolla irəliləmək istəyirik.
Hansı sürətlə, nə qədər vaxta buna nail ola bilərik, təbii ki, bunu demək olmaz. Bir
daha qeyd edirəm, biz bilirik ki, sizin bu barədə tələbləriniz çox ciddidir. Ancaq
biz öz istəyimizi, arzumuzu bildiririk. Eyni zamanda, tərəfdaşlıq və əməkdaşlıq
proqramı əsasında indiyə qədər apardığımız işlərə görə hesab edirik ki, biz bu yolla
gedə bilərik.
Bizim bölgə Avropa Ittifaqı üçün, ümumiyyətlə, Avropa üçün çox əhəmiyyətli
bir bölgədir. Biz artıq görürük ki, Cənubi Qafqaz ölkələrinin Avropa üçün nə qədər
əhəmiyyətli rol oynadığını Avropada, o cümlədən Avropa Ittifaqında görürlər və
bilirlər.
Yəqin siz də təsdiq edərsiniz ki, bu sırada Azərbaycan xüsusi yer tutur. Çünki
Azərbaycan Avropa və Asiyanın, qərblə Şərqin qovuşuğunda yerləşir, Qərb və Şərq
ənənələrini özündə əks etdirən bir ölkədir. Azərbaycanın Xəzər dənizindəki böyük