115
düşür. Dövlət öz funksionallığı çərçivəsində ictimai ahəngi təmin
edən mexanizm qismində çıxış edir və qruplararası mübarizənin
dağıdıcı nəticələrinin cəmiyyətə mənfi təsir etməsinə imkan ver-
mir. Konsepsiyada bildirilir ki, mənafe qruplarının üzərinə düşən
əsas vəzifə və öhdəlik onu təşkil edən şəxslərin maraqlarının inteq-
rativ surətdə təmin edilməsi səviyyəsidir.
Nümayəndəli demokratiya modelində isə belə bir konseptual
maddə əks olunur ki, xalqın iradəsinin həyata keçirilməsi onun
özünün bilavasitə aktiv təmsilçiliyi əsasında mümkün olmur. Real
demokratiya xalq təmsilçiliyi hökumətinin formalaşdırılması ilə tə-
min edilə bilər. Bu hökumət isə xalqın passiv iştirakı (aktiv seçki
hüququndan istifadə etməklə) sayəsində formalaşdırılır. Daha da
dəqiqləşdirsək, hökumət xalqın iradəsi əsasında formalaşır, amma
xalqın özü bilavasitə idarəetmədə iştirak etmir. Təmsilçilər isə öz
fəaliyyətlərində xalqın ali maraqlarını rəhbər tutmağa söz verir.
Amma bu vədlərin yerinə yetirilməsi səviyyəsi sistemin spesifik
xüsusiyyətlərindən asılıdır.
Politoloq Gilyermo Donnel yazır ki, nümayəndəli demokratiya
modeli daha az liberaldır: “Bu modeldə ictimai-siyasi institutlaş-
ma xüsusi zəruri strateji missiya kimi səciyyələndirilir. Təsi-
satların fəaliyyətinin legitimliyi sistemin effektivlik səviyyəsini
artırır... Bu modeldə güclü prezident hakimiyyətinə xüsusi eh-
tiyac duyulur və prezident millətin siyasi təcəssümü, maraqla-
rın ifadəçisi qismində dəyərləndirilir... Nümayəndəli demokrati-
yada qərarların qəbulu ləng, icrası isə operativ surətdə baş tu-
tur”.
Leqal demokratiya modelində legitimlik və leqallıq anlayışları
mərkəzi məfhumlar qismində nəzərdən keçirilir. Bildirilir ki, qa-
nunlar və xalqın iradəsi demokratik idarəetmə sisteminin əsasını
təşkil edir: “Hər iki məfhum bir-birilə bağlı olsa da, qanunlar
xalqın iradəsindən üstündür. Hər bir idarəetmə subyekti öz fə-
aliyyətində təməl dəyər kimi qanunlara əsaslanmalıdır”.
Bu modeldə vətəndaş cəmiyyətinə xüsusi diqqət yetirilir və bil-
dirilir ki, vətəndaş cəmiyyəti ictimai-siyasi institutlaşmada özünə-
116
məxsus funksionallığa malikdir: “Dövlət vətəndaş cəmiyyətinin
formalaşmasında maraqlı olmalı və meydana çıxan maneələri
aradan qaldırmalıdır. Bunun fonunda liberallaşmaya xüsusi
diqqət göstərilməli və legitimləşdirmə ilə liberallaşma paralel
surətdə həyata keçirilməlidir”.
Nikos Pulantsas, Kerol Peytmen, Benjamin Barber, Artur
Şlezinger kimi nəzəriyyəçi alimlərin təmsil etdiyi partisipator (işti-
rakçı) demokratiya nəzəriyyəsində isə liberalist prinsiplər üstünlük
təşkil edir. Bir çox nəzəriyyəçilər onu liberal demokratiya ilə eyni-
ləşdirirlər və bəhs edilən modelə bu xüsusiyyətləri aid edirlər:
fərdlərin azadlığı və bərabərliyi, demokratik təsisatların formalaş-
masında seçkilərin əsas olması və çoxpartiyalı plüralist sistemin
formalaşdırılması, aktorlara siyasi fəaliyyət azadlığının yaradılma-
sı, qanunların aliliyi, çoxluğun iradəsi və sair. Bundan başqa, bu
modeldə fərdlərin qərar qəbulunda iştirakına geniş şəraitin yaradıl-
ması xüsusi vurğulanır. Bunula əlaqədar olaraq Artur Şlezinger ya-
zır: “Siyasi qərarların qəbul edilməsi prosesində cəmiyyətin
əsas maraqları diqqətlə nəzərə alınmalıdır ki, buna da yalnız
həmin maraqların təmsilçilərinin və ya tərəfdarlarının haki-
miyyət sistemində hakim mövqe tutduqları halda nail olmaq
mümkündür”.
Bu modelə əsaslanan nəzəri-konseptual mənbələrdə “sosial in-
qilab” məfhumundan istifadə edilir ki, bu ifadənin mənası klassik
semantikadan uzaqdır. Belə ki, bəhs edilən anlayış müxtəlif vasitə-
lərlə hakimiyyətin devrilməsi və qəsb edilməsi mənasında yox, si-
vil vasitə və metodlarla demokratikləşməsi anlamında işlədilir. Nə-
zərdə tutulur ki, demokratikləşmənin fundamental meyarı qüvvə-
lərarası konsensusdur.
Partisipator demokratiya modelində təsbit edilir ki, xalq irra-
sional toplum deyil və səmərəli idarəetmənin əsasında dayanmaq
iqtidarındadır: “Fərdlər ictimai-siyasi proseslərdə təmsil olun-
maqla idarəetmənin təkmilləşməsinə xüsusi töhfələr bəxş etmək
gücündədirlər. Beləliklə, xalq bütün proseslər və münasibətlərin
fonunda mərkəzi subyekt qismində dəyərləndirilməlidir”.
117
Elitar demokratiya modelində isə əks olunur ki, siyasi idarəet-
mə peşəkar azlıq tərəfindən həyata keçirilməlidir. Xalq idarəetmə-
də iştirak etməməlidir, çünki idarəetmə nəcib keyfiyyətlərə malik
olan azlıq tərəfindən həyata keçirilə bilər. Siyasi qərarların məh-
dud peşəkar qrup tərəfindən qəbul edilməsi obyektiv strateji zəru-
rətdir. Məhz belə bir təsbitin fonunda demokratik idarəetmə ilə
bağlı başlıca məsələ həmin peşəkar qrupların necə formalaşdırıl-
masıdır. Beləliklə, demokratiya xalqın razılığı və iradəsi ilə elita-
nın leqal və legitim idarəetməsidir. Bütün bunların fonunda hər bir
cəmiyyətdə iyerarxik strukturların formalaşması obyektiv zərurətə
çevrilir. İqtisadi, siyasi, hərbi, maliyyə elitaları yaranır və ayrı-ayrı
sahələrdə idarəetmə funksiyasını yerinə yetirirlər.
Beləliklə, yuxarıda nəzərdən keçirdiyimiz demokratiya model-
lərinin hər biri təcrübi gerçəklik baxımından müəyyən üstünlüklərə
və çatışmazlıqlara malikdir. Ən əsası, hər bir model və onun əsa-
sında yaradılmış nəzəriyyə və konsepsiyalar özündə bir və ya bir
neçə strateji istiqaməti ehtiva etdiyindən bütövlükdə kompleks mə-
sələləri əhatə etmir və demokratiyanın total mahiyyətini aşkar et-
məyə yetərli hesab olunmur. Məhz buna görə də, bir çox araşdır-
maçılar belə bir mövqedən çıxış edirlər ki, mövcud modellərin
siyasi reallığa adekvat surətdə cavab verən əsas prinsipləri və xü-
susiyyətlərini seçməklə yeni və daha təkmil model yaradılsın. Bu,
elə bir model olmalıdır ki, orada təcrübi gerçəkliklərə müvafiq
nəzəri təsbitlər və məsələlər yer alsın və utopik baxışlar sistemi
səciyyəsi daşımasın. Məhz belə bir model siyasi praqmatizm
nöqteyi-nəzərindən rasional prinsiplər, qanunauyğunluqlar və
mental xüsusiyyətlər əsas götürülməklə hazırlana və təcrübi
müstəviyə transfer edilə bilinər.
Demokratiya haqqında mövcud fikir və mülahizələrin hamısı
bir-birindən elmi, məntiqli, maraqlı və cəlbedici görünsə də, bütün
hallarda nəzəriyyəçilərin ya qeyri-səmimiliyi, ya da sonunadək
izah edə bilməmələri açıq görünür. Bizim qənaətimizcə, demokra-
tiya haqqında ən kütləvi və ən ümumiləşmiş fikir olan “demokrati-
ya xalqın hakimiyyətidir, yaxud insan hüquqları ilə məhdudlaşdı-