121
şəraitində baş tutur. Tranzit ərəfəsində və tranzitdən sonra vətən-
daşlara geniş hüquq və azadlıqlar verilir, mövcud məhdudiyyətlər
aradan qaldırılır və qanunverici orqanın səlahiyyətləri daha da artı-
rılır. Hökumətin fəaliyyət mexanizminin səmərəlilik səviyyəsinin
artırılması üçün parlamentin hökumətə nəzarət funksiyası bərqərar
olunur;
2. Dövri model (Latın Amerikası və bir sıra Asiya ölkələri):
yetişmiş tarixi şəraitin fonunda hakimiyyət demokratik tranzitə
müsbət münasibət bəsləyir, amma fundamental siyasi-hüquqi isla-
hatların aparılmaması, demokratikləşməyə mühüm töhfələr bəxş
edən təsisatlanma səviyyəsinin aşağı olması, subyektlərarası müna-
sibətlərdə və siyasi proseslərdə rəqabətin istənilən səviyyədə olma-
ması kimi faktorlar tranzitin nisbi və təqlidi səciyyə daşımasına sə-
bəb olur. Bütün bu boşluqların fonunda hakimiyyətin effektivliyi
səviyyəsi aşağı düşür və onun əsasları asanlıqla sarsılır. Məhz elə
buna görə də, xalq tərəfindən seçilmiş hakimiyyət tez-tez hərbçilər
tərəfindən devrilir və ya siyasi səhnənin digər təmsilçiləri uzurpa-
siya vasitəsilə hakimiyyəti qəsb edirlər. Bütün bunların fonunda
mütəmadi sabitlik və təkmilləşməyə nail oluna bilinmir. Belə bir
şəraitdə siyasi şüur və siyasi mədəniyyət səviyyəsi də olduqca aşa-
ğı olur və onun yeni keyfiyyət çalarları ilə zənginləşməsi prosesi
olduqca ləng gedir;
3. Dialektik model (İspaniya, Portuqaliya və Yunanıstan):
Bir sıra təbii avantajlar (üstünlüklər) tranzitin baş tutmasını və
müsbət nəticələr gətirməsini təmin edir. Belə ki, siyasi şüur və si-
yasi mədəniyyətin yüksək olması, operativ və effektiv təsisatlan-
manın mövcudluğu demokratik tranzitin tezliyi və səmərəliliyini
şərtləndirir.
Siyasət nəzəriyyəsində demokratik tranzitin bir neçə mərhələsi
122
göstərilir:
1. Avtoritar rejimin böhranı və tranzitə ilkin zəmin: bu
mərhələdə ənənəvi idarəetmə metodları ilə mövcudluğu mühafizə
edilən avtoritar rejimin əsasları sarsılır və rejimin funksionallığı
dəyişən şərtlərin və qanunauyğunluqların fonunda zəifləməyə baş-
layır. Bu şəraitdə ictimai-siyasi institutların fəaliyyət mexanizmi-
nin səmərəlilik səviyyəsi mütləq surətdə aşağı düşür, sistem böhra-
nı müşahidə edilir. Hakim elita daxilində artan ziddiyyətlərin
fonunda parçalanmalar başlayır və bu, tendensiya halını alır. Məhz
belə bir situasiyanın fonunda hakim elita və idarəetmə subyektləri
mövqe və yanaşmaları baxımından iki fərqli qütbdə dayanırlar:
A. “Sərt xətt” tərəfdarları (“dəmir yumruqlular”): onlar
ənənəvi dəyərlərin qorunub saxlanması tərəfdarı kimi çıxış edirlər
və sərt, zorakı metodlara istinad edirlər. Məhz bu xəttin tərəfdarları
dəyişikliklərin uzurpasiya vasitəsilə həyata keçirilməsinə üstünlük
verirlər. Məhz buna görə də, konfrantasiya və antaqonist ziddiy-
yətlərlə müşayiət edilən proseslər cəmiyyətdə qeyri-müəyyənlik və
qeyri-sabitlik uzunmüddətli qaydada hökm sürür;
B. “Yumşaq xətt” tərəfdarları: onlar liberallaşma və müasir
çağırışlara cavab vermə xəttini seçirlər, eyni zamanda, insan və və-
təndaş hüquq və azadlıqlarının təmin olunmasını siyasi-hüquqi is-
lahatların əsası hesab edirlər. Liberallaşma vəzifəsinin fonunda və-
təndaş cəmiyyətinin formalaşması, onun mütləq komponentlərinin
bərqərar olunması, ictimai-siyasi təsisatlanma prosesinin əsasının
qoyulması və onun davamlılığının təmin edilməsi başlıca strateji
istiqamətlər kimi dəyərləndirilir. Məhz bu cür situasiyanın fonunda
siyasi müxalifətin formalaşmasına geniş şərait yaranır və subyekt-
lərarası münasibətlərdə rəqabət elementləri artır. Artıq avtoritar tə-
fəkkürlü elita irrasional elitaya doğru transfer olunur, subyektlərin
123
fəaliyyətinə münasibətdə plüralizm təmin olunur;
2. Demokratiyanın mütləq surətdə bərqərar olunması mər-
hələsi: bu mərhələdə rəqabətli partiya sistemi formalaşır və haki-
miyyətin fəaliyyət mexanizminin demokratiklik səviyyəsi mütləq
surətdə artır. Hakimiyyət bölgüsü təcrübi surətdə baş tutur və icra-
edici hakimiyyətin səlahiyyətləri və funksiyaları hakimiyyətin di-
gər qollarına münasibətdə daha çox olur. Qanunvericilik bazasının
zənginləşdirilməsi, hüquqi nihilizm və siyasi maksimalizmin ara-
dan qaldırılması ictimai-siyasi münasibətlər sistemində yeni key-
fiyyət dəyişikliklərinə intensivlik qazandırır və milli münasibətlər
zəminində konsensusa nail olunur. Bütün bunlar isə nəticə etibarilə
hakim elitanın və siyasi partiyada təmsil olunan aktorların fəaliy-
yət mexanizminin effektivlik səviyyəsini artırmağa maksimum im-
kan və şərait yaradır;
3. Demokratiyanın konsolidasiyası mərhələsi: bu mərhələ
tranzit baş tutmuş cəmiyyətlərdə yeni sosial-siyasi şəraitə və me-
xanizmə uyğunlaşmanı əks etdirir. Köhnə təsisatların yeniləri ilə
əvəz olunması, idarəetmədə kardinal reformativ dəyişikliklərin baş
verməsi, loyallığın və legitimliyin təmin edilməsi istər-istəməz cə-
miyyətdə bəhs edilən innovasiyalara münasibətdə təfəkkür dəyi-
şikliklərinin baş tutmasını zəruri edir. Məhz belə bir strateji missi-
yanın fonunda mərhələli surətdə demokratiyanın konsolidasiyası,
yəni, yeni dəyərlərə uyğunlaşmanın baş tutması üçün sistematik
tədbirlər həyata keçirilir.
Nəzəriyyəçi alim U.Rostou isə demokratik tranzitin 4 mərhələ-
sini göstərir:
1. Milli birlik, barış və uzlaşmanın əldə edilməsi və konsensusa
əsaslanan münasibətlər sisteminin bərqərar olunması;
2. Dövlət idarəetməsinin səciyyəvi xüsusiyyətlərinin və başlıca
Dostları ilə paylaş: |