112
mənada xalqın iradəsinə əsaslanan demokratik idarəetmə sistemi
formalaşdırılsın. İlk növbədə, xalqın dövlət vəzifələrinə və
idarəetmə sisteminə seçilmək üçün layiqli nümayəndələri
olmalıdır. Məhz bu amil xalqın iradəsinin ən yüksək səviyyədə
təsbit və təmin edilməsi və səmərəli idarəetmə sisteminin
formalaşdırılması üçün təməl meyar və prinsip qismində çıxış edir.
İkincisi, idarəetməni həyata keçirən subyektlər açıq dəyərlərə
əsaslanan qərarlar qəbul etməli və bu qərarlar ümumi maraqlara
adekvat olmalıdır. Şübhəsiz, demokratiyanı mühafizə edən və
təkmilləşdirən amillərdən biri də qərar qəbulu mexanizmi və
prosedurlarıdır. Məhz buna görə də, bu amil demokratik idarəetmə
sistemini formalaşdıran və onun davamlılığını təmin edən təməl
kimi qəbul edilməlidir. Üçüncüsü, institusional və qeyri-
institusional formada səmərəli özünənəzarət formalaşdırılmalıdır
ki, demokratik idarəetmə sistemi mümkün olsun”.
Plüralist demokratiya tərəfdarı və nəzəriyyəçisi olan Çarlz Me-
dison isə hesab edir ki, demokratiya praktik mənada təmin edilmə-
si mümkün olan siyasi rejim kimi dəyərləndirilə bilər: “Demokra-
tiyanı siyasi rejim kimi təsvir etsək, ilk növbədə, belə bir qəna-
ətə gəlməliyik ki, onun səviyyəsi siyasi proseslərdə iştirak edən
qrupların miqdarından və təmsilçilik xüsusiyyətlərindən, for-
malarından asılıdır. Siyasi plüralizmin təmin edilməsi vəzifəsi-
nin fonunda siyasi arenada təmsil olunan qruplar nə qədər çox
olarsa, rəqabət də bir o qədər güclü olar”.
Ç.Medison yazır ki, siyasi rejimin xarakteristikası və formasın-
dan asılı olmayaraq xalq iradəsi anlayışı nisbi səciyyə daşıyır və
ona dəqiq müəyyənləşdirmələr əsasında yanaşmaq lazımdır: “Xalq
iradəsi anlayışı bəzən xalqın idarəetməsi kimi təsvir edilir, bu
isə praktik proseslər və reallıqları əks etdirmədiyindən ideal və
ya qeyri-real bir yanaşma təsiri bağışlayır. Əslində, siyasi səh-
nənin aktoru xalqın iradəsi əsasında müəyyən resurslar və
imtiyazlar əldə edir və idarəetməni həyata keçirir ki, məhz
bunu xalqın iradəsi adlandırmaq olar”.
Adam Pşerovski isə qeyd edir ki, demokratiya siyasi hakimiy-
113
yətin elə təşkilidir ki, o müxtəlif qrupların öz səciyyəvi maraqlarını
gerçəkləşdirmək qabiliyyətini müəyyən edir.
Xuan Lints isə bildirir ki, demokratiya bütün səmərəli siyasi tə-
sisatların iştirakçılığına geniş şəraitin yaradılmasıdır. Digər tərəf-
dən qeyd edə bilərik ki, demokratiya siyasi fəallığın artırılması
üçün yaradılmış geniş şəraitin fonunda ictimai-siyasi təsisatlanma-
nın operativ və effektiv surətdə həyata keçirilməsinə real zəmin
yaradır. Ən əsası, demokratik idarəetmə sisteminin fonunda inkişaf
radikal dəyişikliklər vasitəsilə deyil, siyasi-hüquqi islahatlarla mü-
şayiət edilən tədrici təkamül yolu ilə baş tutur.
Maks Veber isə qeyd edir ki, demokratiya liderlərin legitim su-
rətdə seçilməsi və leqal şəkildə fəaliyyət göstərməsi, hakimiyyətin
formalaşdırılması və əhalinin sosial-siyasi təmsilçiliyinin təmin
olunması üçün ən ideal vasitədir.
Fəlsəfi anlayışlar ensiklopediyasında demokratiyaya bu cür tə-
rif verilir: “Demokratiya elə bir idarəetmə formasıdır ki, bura-
da xalq azlığın legitim və leqal hakimiyyətinə razılıq verir, baş-
qa sözlə, idarəetmənin həmin azlıq tərəfindən həyata keçiril-
məsinə razılığını ifadə edir. Amma nəzarət hüququ və imkan-
ları xalqın özündə saxlanılır”.
Bütün bu yanaşmalara və nəzəri-empirik təsbitlərə baxmaya-
raq, demokratiyanın real mahiyyətini anlamaq üçün müxtəlif mə-
sələlərə münasibətdə meydana gəlmiş demokratiya nəzəriyyələri-
nin hər birinə nəzər yetirmək lazımdır.
Araşdırmaçılar K.Makferson və D.Held demokratiya nəzəriy-
yələrinin fonunda aşağıdakı demokratik modelləri fərqləndirirlər:
– klassik-antik demokratiya;
– mühafizəçi (protektiv) demokratiya;
– rəqabətə əsaslanan elitizim (elitar demokratiya);
– plüralist demokratiya;
– leqal demokratiya;
– partisipiator (iştirakçı) demokratiya;
– plebisit demokratiyası;
– nümayəndəli demokratiya.
114
Müasir mənada demokratiya məfhumunun mahiyyətini anla-
maq və onu təcrübi məsələlərlə əlaqələndirə bilmək üçün plebisit,
partisipiator, leqal, elitar, plüralist və nümayəndəli demokratiya
modelləri və konsepsiyalarına nəzər yetirmək məqsədəmüvafiqdir.
Beləliklə, öncə plüralist demokratiya modelinə nəzər yetirək.
Plüralist demokratiya modelini səciyyələndirərkən, ilk növbədə, bu
prinsip önə çəkilir: “Xalq hakimiyyəti ideyasından azlığın məna-
feyinin leqal surətdə təmin və mühafizə edilməsinə keçid”. Plüralist
demokratiya modelində başlıca hərəkətverici subyekt qismində
qruplar götürülür. Buradan da belə bir mövqe ifadə edilir ki, de-
mokratiya insanlara qruplarda birləşmək və fəaliyyət göstərmək
imkanı yaratmalıdır. Beləliklə, formalaşan qruplar siyasi mübarizə
meydanında avanqard aktor qismində çıxış edirlər və rəqabət
qruplararası mübarizənin fonunda meydana gəlir. Mübarizə prose-
sində ayrı-ayrı qruplar bir-birini neytrallaşdırır və hansısa qrupun
hakimiyyəti inhisara almasına imkan verilmir. Belə bir şəraitdə
dövlət özünəməxsus funksiya daşıyır və müxtəlif qrupların maraq-
larını uzlaşdıran təməl aktor qismində çıxış edir.
Bundan başqa, plüralist demokratiya modelində əks olunur ki,
maraqlar uğrunda mübarizə aparan qruplar (mənafe qrupları) siyasi
sistemin başlıca ünsürləridir. Siyasi proseslərdə hərəkətverici fak-
tor qrup mənafeyidir. Belə bir situasiyada şəxsiyyətin fərdi maraq-
ları qrup mənafeyinin fonunda ikinci plana keçir. Amma nəzərə al-
maq lazımdır ki, qrupların yaranmasının əsasında duran təməl fak-
tor fərdlərin spesifik maraqlarıdır. Fərdlər öz maraqlarını təkbaşına
gerçəkləşdirə bilmədiklərindən qruplarda birləşirlər və öz maraqla-
rının inteqrativ surətdə uzlaşdıraraq qrup mənafeyi halına salırlar.
Digər tərəfdən, demokratik şəraitdə legitim hakimiyyətin sosial
əsaslarını və real gücünü mənafe qrupları arasındakı strateji rəqa-
bət və qüvvələrarası münasibətlər balansı təşkil edir. Məhz bu amil
siyasi səhnədə təmsilçilik və münasibətlər sistemini formalaşdıran
mexanizm qismində çıxış edir. Bununla yanaşı, belə bir şəraitin
fonunda ictimai nizamın təmin və mühafizə edilməsi zərurəti də
ortaya çıxır ki, burada əsas məsuliyyət və öhdəlik dövlətin üzərinə