148
boshqa qismlari esa juda yupqa rezinadan yasalgan va u bog‘langan yara ustiga
kiygizilganda cho‘zilib kerakli shaklni oladi. Shlem - niqobning yon qismiga uch juft
tekistil bog‘ich (tasma) o‘rnatilgan.
Shlem-niqobdan foydalanishdan oldin rezinalarning butunligini, klapanlarining
ishga yaroqliligini tekshirish, obtyurator ilgaklarini, gofrirlangan naychaning
butunligini tekshirib ko‘rish kerak, undan keyin birlashtiruvchi gofrirlangan naycha
filtrlovchi-yutuvchi qutiga biriktiriladi. Shlem-niqob yaradorlarga ikki usulda
kiygiziladi. Agar harbiy xizmatchining yuz jag‘ sohasi yaralangan bo‘lsa, unda
shlem-niqobning chekkalari yig‘ishtirib, obtyurator teshigini keng cho‘zib boshning
ensa tarafiga kiygiziladi. Iyak tarafga asta-sekinlik bilan cho‘zilgan holda harakat
qildirib kiygiziladi. Odamning ustki kiyimi yoqasi ichiga obtyurator chekkasi
kiritiladi va to‘g‘rilab qo‘yiladi. Shlem-niqobdagi tasmalardan avval o‘rtasi, keyin
yuqorisini va pastkisini qattiq tortmasdan, paydo bo‘lgan bukilmalarni to‘g‘rilab
bog‘lash kerak. Agar harbiy xizmatchining bosh va ensa qismi yaralangan bo‘lsa,
unda shlem-niqob kishining iyak tarafidan boshlab kiygiziladi va niqobning chekka
qismi asta-sekinlik bilan orqaga harakatlantirilib bo‘yin tarafga o‘tqaziladi.
Obtyurator chekkasi kiyim yoqasi tagiga o‘tqaziladi va ilgak-ilma qadaladi.
Harbiy xizmatchilarning bosh miyasi yaralangan bo‘lsa, ularga shlem niqob
kiygizilib chap yonboshga yotqiziladi, jag-yuz sohasi yaralangan bo‘lsa, shlem-niqob
kiygizilgandan keyin qoringa yotkizilib evakuatsiya qilinishi kerak. Shlem-niqob
kiygizilgan yaradorlar evakuatsiya qilinayotgan vaqtda, ularning ahvolidan xabardor
bo‘lib turish (terisining rangi o‘zgarishidan, ko‘z qorachig‘i, nafas olishi va pulsining
urishidan) kerak. Ular qusgan vaqtida, klapanlar so‘laklar bilan ifloslanib qolganda
yoki boshqa zarur hollarda zudlik bilan shlem-niqobni almashtirishga harakat
qilinadi.
Shlem-niqobni ishlatib bo‘lgandan keyin issiq suvda sovunlab yuviladi va 2% li
formalin erit masi yoki spirt bilan artiladi, shundan keyin havoda quritiladi.
Dostları ilə paylaş: