I. A. Axmedov, N. S. Saidxo‘jaeva

Zaharlovchi modda bilan to‘ldirilgan chodirda shlem-niqobning to‘g‘ri 
tanlanganligi va uning buzuqligini tekshirish.
U quyidagi holatlarda tekshiriladi: 

---

150 
- ishlatish uchun yangi gazniqoblar olinganda; 
- gazniqobning yuz qismi almashtirilganda; 
- jangovar zaharlovchi moddalar bilan ishlashdan oldin; 
- jangovar sharoitlarda vaziyatga qarab harbiy qism boshlig‘ining buyrug‘i 
asosida o‘tqaziladi. 
Zaharlovchi modda bilan to‘ldirilgan chodirda shlem-niqobning to‘g‘ri 
tanlanganligi va buzuqligini tekshirish harbiy qism boshlig‘ining ko‘rsatmasi asosida, 
harbiy bo‘linma boshlig‘ining bevosita rahbarligida o‘tqaziladi. Bu ishni tashkil 
qilish harbiy qismning kimyo xizmati boshlig‘i zimmasiga yuklatiladi. Tekshirish 
o‘tkazilayotgan vaqtda harbiy qism tibbiy xizmatchisi (feldsher) tibbiy yordam 
ko‘rsatish vositalari bilan qatnashishi lozim. 
Gazniqoblarni tekshirish uchun maxsus dudlash chodiridan foydalaniladi. 
Dudlash chodirining maydoni 16 m
2
, umumiy hajmi 40 m
2
ni tashkil qiladi. Uning 
ikkita organik oynak qo‘yilgan derazasi, bitta kiradigan, eni buzilmagan bir bo‘lak 
qalin matodan tayyorlangan va zich yopiladigan eshigi bor. Chodir kishilar 
yashaydigan uy-joydan 100 metr uzoqlikda tiklanadi. Zaharlovchi modda sifatida 
xlorpikrin moddasi ishlatiladi. Filtrlovchi gazniqoblarni ishga yaroqli ekanligini 
bilish uchun ikki marta, ajratuvchi gazniqoblarni bir marta tekshirish kerak bo‘ladi. 
Birinchi tekshirish - 
niqobning to‘g‘ri tanlangani va ishga yaroqliligini 
tekshirib ko‘rish uchun o‘tqaziladi. Tekshirish xlorpikrin moddasining havodagi 
konsentratsiyasi 0,85 g/m
3
bo‘lganda (1 m
3
havoda 0,5 sm
3
suyuq xlorpikrin moddasi 
bug‘latiladi) o‘tqaziladi.