I bob. Amaliy masalalar Tarvuz masalasi

I bob. Amaliy masalalar

1. Tarvuz masalasi. Butun tarvuz o`nta o`quvchiga kesib berildi. Tarvuzning po`stloq qismi sindirilmasdan faqat ichki qismi (mag`zi)yeyildi.Tarvuz yeb bo`lingach, po`stlog`i o`n bitta (11 ta) bo`lib qoldi. Bu qanday sodir bo`ldi?

2. Minoradan tushish. Bir kuni do`stlar hazillashib o`rtog`ini 60 metrli baland minora ustiga qo`yib ketishibdi va yoniga 30 metrli va 15 metrli ikkita( jami 45 metr) tolalanmaydigan arqon qo`yib ketishibdi. Minoraning ustida va o`rtasida ya`ni 30-metrida uzun trubalar chiqib turibdi. Shu ikkita arqon orqali trubalardan foydalanib, minoradan qanday tushsa bo`ladi?

3. 64 ta puding. Bayram dasturxoniga 8*8, ya’ni kvadrat shaklida terilgan 64 ta puding (shirinlik) olib kirishadi. Buni yeyishdan oldin qog`ozga chizilgan shaklini ko`rsatib, eng yuqoridagi birinchi pudingdan boshlab 21 ta siniq chiziqlar orqali barcha pudinglarni qo`lni uzmasdan birlashtirish, shundan keyingina ularni yeyish mumkin degan hazilomus masala aytildi. Chiziqlar to`g`riga va yonboshga, ya’ni gorizontal va vertikaliga o`tkazilsin. Diagonaliga o’tkazish mumkin emas, chiziqlar kesishmasligi ham kerak. Rasmda ko`rsatilgan birinchi pudingdan boshlab, 10- siniq chiziq bilan bug`I chiqib turgan pudinggacha, 21-chiziq bilan oxirgi 8-qator, yettinchi ustunning eng oxirgi 8- ustida ko`kati bor pudinggacha borish kerak. Demak 21 yurish bilan hamma pudinglarni ustidan bir marta chizilgan bo`lishi kerak. Qani aziz o`quvchilar bir urinib ko`ringizlarchi.