I bob. Amaliy masalalar Tarvuz masalasi

44. Kvadrat yasashga doir masala. Kvadrat berilgan. Yuzasi shu kvadratdan 5 barobar katta kvadrat qanday yasaladi?

45. To`rtburchakning yuzasiga teng kvadrat. 16*9 sm li to`g`ri to`rtburchakni ikki bo`lakka bo`lib, qayta terganda kvadrat hosil bo`lsin. (Siniq chiziq bilan ham kesish mumkin).

46. Shaxmat taxtasini yasash. R asmdagi yog`och bo`lagi o`lchab ko`rilganda 64 ta bir xil kvadrat chiqishi (bo`rtib turgan joylaridan ikkitadan kvadrat chiqadi) ma’lum bo`ldi. Bir marta kesib, (siniq chiziq bilan) qayta ulaganda shaxmat taxtasini yasash mumkinmi?

VII. Sonni topishga doir masalalar

47. 1111111 ta sichqon haqida qadimiy masala. Qadimqa Angliyaning rohiblar yashaydigan Edmondsberi ibodatxonasining oziq-ovqat saqlanadigan omborxonasida sichqonlar juda ko`payib ketibdi. Bundan tashvishlanib ketgan rohiblar ibodat qilishga kelgan qishloq aholisidan yordam berishlarini iltimos qilishdi. Aholi mushuklarini keltirib berishibdi. Mushuklarning har biri teng miqdorda sichqon yeb, jami 1111111 dona sichqonga qiron keltirishibdi. Rohiblar mushuklarini egalariga qaytarib berishibdi. Savol: Har bir mushuk necha donadan sichqon yegan?

48. Savatdagi tuxumlar. N akurt qishlog`idan Abduraxim ota Chelak bozoriga sotishga bir savat tuxum olib kelibdi. Yo`l haqini to`layman deb belbog`idan pulni olguncha otaning savatini bezorilar o`g`irlab ketishibdi. Nima qilarini bilmay turgan otaxonning ko`zi nazoratchi militsionerga tushibdi. Abduraxim ota: “ Bolam bir savat tuxumlarimni bezorilar o`g`irlab ketdi, topishda yordam ber” deb iltimos qilibdi. Nazoratchi: “Tuxumlaringiz soni nechta edi” desa, aniq esimda yo`q, lekin tuxumlarni savatga ikkitalab solganimda bir dona, uchtalab solganimda ham, to`rttalab solganimda ham, hattoki beshtalab, oltitalab, yettitalab solganimda ham bittadan tuxum ortib qolgan edi. Tuxumlarim ana shuncha edi. Endi tuxumlarimni topib ber debdi. Tuxumlar soni qancha bo`lgan ekan?