Sibir oqqarag‘ayi (Abies sibirica Ldb.) balandligi 30 m, diametri 0,5 m, shox-shabbasi konussimon yoki piramida shaklli doimyashil daraxtdir. Bu oqqarag‘ay turi urug‘idan yaxshi ko‘payadi, 250 yilgacha
yashaydi. U parxish yo‘li bilan ham ko‘payadi. Chimli bo‘z, qumoq, suv to‘xtamaydigan yaxshi drenajga ega oxakli tuproqlarda o‘sadi.
Undan ko‘klamzorlashtirish ishlarida keng foydalaniladi. Lekin havoning ifloslanishiga chidamsiz bo‘lganligidan yirik shaharlarda va sanoat markazlarida ekilmaydi.
Semyonov oqqarag‘ayi (Abies Semenovii B.Fedtsch.) baland- ligi 35 m, diametri 1,5 m ga etadigan, shox–shabbasi ustunsimon daraxtdir. Urug‘i qanotchali, tabiatda asosan urug‘idan ko‘payadi. Toshkent sharoitlarida havoning issiq va quruqligidan zararlanadi. Bu oqqarag‘ay Markaziy Osiyo Qozog‘iston va Qirg‘iziston respubli- kalarida tog‘li hududlarida tabiiy holda tarqalgan. Bu oqqarag‘ay turi Janubiy Tyan-Shanda ham (Qirg‘iziston hududida) keng tarqalgan. Markaziy Osiyoda uchraydigan yagona oqqarag‘ayning endemik turi bo‘lib, hozirgi paytda bu oqqarag‘ayning maydoni bor yo‘g‘i 3,3 ming gektarga teng bo‘lib, asosan dengiz sathidan 1000-2800 metr balandliklarda grek yong‘og‘i, Shrenk qoraqarag‘ayi, archa turlari bilan birgalikda aralash o‘rmonlarda
o‘sadi.
Dostları ilə paylaş: |
