Ijtimoiy-madaniy masalalar / Fan va ilmiy faoliyat]

Vazirlar Mahkamasi huzuridagi Biologik xavfsizlik kengashining

tarkibi

A.N. Aripov	—	O‘zbekiston Respublikasining Bosh vaziri, Kengash raisi
L.N. Tuychiyev	—	O‘zbekiston Respublikasi Prezidenti maslahatchisining birinchi o‘rinbosari, Kengash raisining o‘rinbosari
B.A. Shayakubov	—	O‘zbekiston Respublikasi Prezidenti huzuridagi Xavfsizlik kengashi kotibining o‘rinbosari
A.M. Xadjibayev	—	sog‘liqni saqlash vaziri
I.Y. Abduraxmonov	—	innovatsion rivojlanish vaziri
J.A. Xodjayev	—	qishloq xo‘jaligi vaziri
T.A. Ishmetov	—	moliya vaziri
B.N. Kurbanov	—	mudofaa vaziri
I.U. Madjidov	—	oliy va o‘rta maxsus ta’lim vaziri
A.I. Maksudov	—	Ekologiya va atrof-muhitni muhofaza qilish davlat qo‘mitasi raisi
B.T. Norqobilov	—	Veterinariya va chorvachilikni rivojlantirish davlat qo‘mitasi raisi
B.S. Yuldashev	—	Fanlar akademiyasi prezidenti
S.X. Kariyev	—	Farmatsevtika tarmog‘ini rivojlantirish agentligi direktori
A.X. Qo‘ldoshev	—	favqulodda vaziyatlar vazirining birinchi o‘rinbosari
Sh.U. Sobirov	—	ichki ishlar vazirining birinchi o‘rinbosari
I.T. Ne’matov	—	tashqi ishlar vaziri o‘rinbosari
R.N. Abdullaxanov	—	Davlat xavfsizlik xizmati raisining o‘rinbosari
I.K. Ergashev	—	O‘simliklar karantini davlat inspeksiyasi boshlig‘i
M.X. Raxmankulov	—	Strategik va mintaqalararo tadqiqotlar instituti direktorining birinchi o‘rinbosari
S.A. Alimuxamedov	—	O‘zbekiston Respublikasi Prezidenti huzuridagi Xavfsizlik kengashi apparatining bosh konsultanti
B.K. Yusupaliyev	—	Sanitariya-epidemiologik osoyishtalik va jamoat salomatligi xizmati boshlig‘i, Kengash kotibi

Izoh: Kengash a’zolari boshqa ishga o‘tgan taqdirda, uning tarkibiga ushbu lavozimga yangidan tayinlangan yoki tegishli funksiyalarni bajarish zimmasiga yuklangan shaxslar kiritiladi.

O‘zbekiston Respublikasi Prezidentining 2020-yil 25-noyabrdagi PQ-4899-son qaroriga

4-ILOVA

Vazirlar Mahkamasi huzuridagi Biologik xavfsizlik kengashi to‘g‘risida

nizom

1-bob. Umumiy qoidalar

1. Ushbu Nizom Vazirlar Mahkamasi huzuridagi Biologik xavfsizlik kengashi (keyingi o‘rinlarda — Kengash) faoliyatini tashkil etish tartibi, vazifalari va huquqlarini belgilaydi.

2. Kengash mamlakatning biologik xavfsizligi sohasidagi davlat siyosatini amalga oshirish bilan bog‘liq masalalarni ko‘rib chiqishda davlat hokimiyati organlari, davlat boshqaruvi organlari, ilmiy, nodavlat notijorat va boshqa tashkilotlarning o‘zaro hamkorligini ta’minlash maqsadida maslahat organi sifatida tashkil etiladi.

3. Kengash o‘z faoliyatini O‘zbekiston Respublikasining Konstitutsiyasi va qonunlariga, O‘zbekiston Respublikasi Prezidenti farmonlari, qarorlari va farmoyishlari, Vazirlar Mahkamasi qarorlari, ushbu Nizom va boshqa qonun hujjatlariga muvofiq amalga oshiradi.

4. Kengash o‘z faoliyatini davlat organlari va tashkilotlari, nodavlat notijorat tashkilotlar va fuqarolik jamiyatining boshqa institutlari bilan hamkorlikda amalga oshiradi.

5. Kengashning o‘z vakolatlari doirasida qabul qilgan qarorlari ijrosi davlat va xo‘jalik boshqaruvi organlari, mahalliy ijroiya hokimiyati organlari va boshqa tashkilotlar uchun bajarilishi majburiydir.