372
milyon km
2
, əhalisi 23,7 milyon nəfərdir. Avstraliya İttifaqı
inzibati cəhətdən 6 ştata və iki əraziyə bölünür. Dövlət başçısı
Böyük Britaniya kraliçasıdır. Ölkədə kraliçanı general-qubernator
təmsil edir. Qanunverici orqanı ikipalatalı (Senat və Nümayəndələr
Palatası) parlamentdir. Paytaxtı Kanberra şəhəridir. – 154.
143. Kevin Rud (d.1957) – Avstraliya siyasi xadimi. 2007–
2010-cu və 2013-cü ildən Avstraliyanın Baş naziridir. 2010–
2012-ci illərdə Avstraliyanın Xarici İşlər naziri olmuşdur.
Avstraliya Leyborist Partiyasının lideridir. – 154.
144. Azərbaycan Xalq Cümhuriyyəti – Müsəlman
Şərqində ilk dəfə dünyəvi, demokratik respublikanın əsasını
qoymuş müstəqil Azərbaycan dövləti. Cəmi 23 ay (1918-ci il
mayın 28-də yaradılmış, 1920-ci il aprelin 28-də bolşeviklərin
və daşnakların səyi ilə devrilmişdir) yaşamışdır. Paytaxtı əv-
vəlcə Gəncə (1918, 16 iyun – 17 sentyabr), sonra Bakı şəhəri
(1918, 17 sentyabr–1920, 28 aprel) idi. Azərbaycan hökuməti
yeni suveren milli dövlətin müxtəlif problemlərinin həlli yolla-
rında böyük əzmlə çalışırdı. Nazirlər Şurasının 27 iyun 1918-
ci il tarixli fərmanı ilə respublikada dövlət dili türk (Azər-
baycan) dili elan edildi. Azərbaycan Respublikasının par-
lamenti 1919-cu il avqustun 11-də Azərbaycan vətəndaşlığı
haqqında qanun qəbul etdi. Xalq maarifi sahəsində qısa müd-
dətdə böyük tədbirlər həyata keçirildi. Qori müəllimlər
seminariyasının Azərbaycan şöbəsi Qazaxa köçürüldü, Bakı
Dövlət Universiteti təsis edildi, xarici ölkələrdə kadr hazırlığı
məqsədi ilə 1919–20-ci tədris ilində 100 gənc Avropanın
müxtəlif təhsil müəssisələrinə göndərildi. Məktəblərin xeyli
hissəsi milliləşdirildi, kitabxanalar açıldı, savadsızlığın ləğvi
üçün kəndlərdə kurslar yaradıldı. Azərbaycan Xalq Cümhuriy-
yətinin dövlət rəmzləri (üçrəngli bayraq, gerb, himn) milli
Azərbaycan rəmzləri kimi tanındı. Azərbaycan Dövlət Bankı
yaradıldı, 1918-ci ilin martında dağıdılmış neft sənayesi və
Bakı–Batumi neft kəməri bərpa edildi. – 99,165,281.
373
145. Kəlbəcər – Azərbaycan Respublikasında inzibati ra-
yon. 1930-cu ildə təşkil edilmişdir. Sahəsi 1936 km
2
, əhalisi
86,7 min nəfərdir. 1993-cü ildə erməni silahlı qüvvələri tərəfin-
dən işğal edilmişdir. – 125,164.
146. ATƏT – Avropada Təhlükəsizlik və Əməkdaşlıq Təş-
kilatı. Əsası 1975-ci il iyulun 3–9-da Helsinkidə qoyulmuşdur.
Burada Avropanın 33 dövlətinin, ABŞ və Kanadanın dövlət və
hökumət rəhbərləri iştirak edirdi. ATƏT «soyuq müharibə»nin
qurtarmasından sonra Ümumavropa təhlükəsizlik sistemini
formalaşdıran, yeni Avropanın siyasi və iqtisadi həyatının sivil
birgəyaşayış qaydalarını müəyyən edən, dövlətlərarası mü-
nasibətləri rəqiblik və münaqişə yolundan əməkdaşlıq və
qarşılıqlı mənafe istiqamətlərinə yönəldən bir təşkilat
funksiyasını icra edir.
Azərbaycan 1992-ci ildən ATƏT-in üzvüdür və 1993-cü
ilin ikinci yarısından ATƏT-in zirvə görüşlərində Azərbaycan
nümayəndə heyəti fəal iştirak edir. – 158,177.
147. Qubadlı – Azərbaycan Respublikasında inzibati rayon.
1933-cü ildə təşkil edilmişdir. Sahəsi 802 km
2
, əhalisi 38,3 min nəfər.
1993-cü ildə erməni işğalçıları tərəfindən işğal edilmişdir. –
125,183.
148. Zəngilan – Azərbaycan Respublikasında inzibati ra-
yon. 1930-cu ildə təşkil olunmuşdur. Sahəsi 707 km
2
, əhalisi 42
min nəfər. 1993-cü ildə erməni işğalçıları tərəfindən işğal
edilmişdir. – 125,183.
149. Dövlət Neft Fondu – 1999-cu ildə yaradılmışdır. Əsas
fəaliyyəti neft və qaz ehtiyatlarına dair sazişlərin həyata
keçirilməsi ilə bağlı Azərbaycan Respublikasının əldə etdiyi
gəlirlərin toplanmasını, səmərəli idarəetməsini, gələcək nəsil-
lər üçün saxlanmasını təmin edən xüsusi məqsədli dövlət quru-
mudur. – 156,217,277,284.
374
150. Avropa Şurası (AŞ) – Avropada hökumətlərarası
təşkilat. 1949-cu ildə yaradılmışdır. Qərargahı Fransanın
Strasburq şəhərində yerləşir. AŞ-nın əsas məqsədi Avropada
sülhü və təhlükəsizliyi qorumaq, seçki sistemində çoxpar-
tiyalılığa riayət etmək, demokratiyanı və insan hüquqlarını
müdafiə etmək, möhkəmləndirmək, Avropa ölkələrinin
mədəniyyətlərinin yaxınlaşmasına çalışmaq və s. ibarətdir.
AŞ-nın ali orqanları Nazirlər Komitəsi, Məsləhət Assamble-
yası, Sahə Nazirliklərinin Müşavirəsi və Katiblikdir. Azər-
baycan 2001-ci ildən Avropa Şurasının üzvüdür. – 177,323.
151. Əfqanıstan, Ə f q a n ı s t a n İ s l a m D ö v l ə t i –
Cənub-Qərbi Asiyada dövlət. Sahəsi 652,2 min km
2
, əhalisi 22,7
milyon nəfərdir. İnzibati ərazisi 29 vilayətə və mərkəzə tabeli 2
mahala bölünür. Dövlət başçısı prezidentdir. Paytaxtı Kabil
şəhəridir. – 183.
152. Şəhidlər xiyabanı – Azərbaycanın azadlığı, müstəqil-
liyi, ərazi bütövlüyü uğrunda şəhid olmuş mərd oğul və qızların
uyuduğu müqəddəs ziyarətgah. 1990-cı il yanvarın 20-də sovet
ordusunun hücumu zamanı həlak olmuş onlarla adam «Dağüstü
park»ın qərb hissəsində dəfn edilmişdir. Bura o vaxtdan «Şəhidlər
xiyabanı» adlanır. Xiyabanda eyni zamanda, Ermənistan
işğalçılarına qarşı Azərbaycan torpaqlarının müdafiəsi uğrunda
qəhrəmancasına həlak olanlar da dəfn edilmişdir. 1998-ci ildə
burada hündürlüyü 22 metr olan əbədi məşəl – abidə qoyulmuş-
dur. – 189.
153. 1990-cı ilin 20 yanvarı – 1990-cı ilin yanvarında
Azərbaycanda faciə baş verdi. Yanvarın 19-dan 20-nə keçən
gecə fövqəladə vəziyyət elan edilmədən sovet ordusunun xüsusi tə-
yinatlı cəza dəstələri, dəniz donanmasının və daxili qoşunların böl-
mələri Bakı şəhərinə yeridildi. Sovet ordusunun bu kütləvi
zorakılıq aktı nəticəsində 131 nəfər öldürülmüş, 744 nəfər yara-
lanmış, yüzlərlə adam qanunsuz həbs edilmiş və itkin düşmüş,
dövlət əmlakına, ictimai və şəxsi əmlaka, şəhər təsərrüfatına və
Dostları ilə paylaş: |