148
bütün imkanlar açıqdır, vəsaitimiz də var. Gərək 2008-ci ildə bu
sahədə daha da böyük işlər görülsün.Ümid edirəm ki, biz buna
nail olacağıq. Azərbaycanda çox güclü müdafiə sənayesi, hərbi
sənaye yaradılacaqdır.
Bir daha demək istəyirəm ki, bugünkü iclasda 2008-ci ildə
görüləcək bütün işlər haqqında danışmaq mümkün deyil, bir
neçə saat vaxt aparar. Bizim hökumətimiz yaxşı işləyir, nazirlər
öz vəzifələrini bilirlər. Azərbaycanda çox gözəl idarəetmə
mexanizmi, idarəetmə sistemi yaranıbdır. Hesab edirəm ki,
2008-ci ildə bütün bu müsbət nailiyyətlər artırılmalıdır. Bütün
nazirlər hərə öz yerində işini davam etdirəcəkdir. Mən yaxşı
nəticələri görəndə sevinirəm, qüsurlar olanda onları deyirəm,
töhmət edirəm. Mən istəyirəm ki, Azərbaycanda hər şey yaxşı
olsun. İstəyirəm ki, ölkəmiz daha da güclü olsun, xalqımız rahat
yaşasın, xalqı narahat edən problemlər aradan qaldırılsın,
məmurlar öz vəzifə borcuna məsuliyyətlə yanaşsınlar. Hər bir
məmur ilk növbədə elə etməlidir ki, onun sahəsində irəliləyiş,
tərəqqi olsun, yaxşı nəticələr olsun. Birbaşa xalqla ünsiyyətdə
olan məmurlar elə etməlidirlər ki, insanlar onların
fəaliyyətindən razı qalsınlar. Diqqətli olmalıdırlar, yaddan
çıxarmamalıdırlar ki, biz xalq üçün çalışırıq, əksinə deyil.
Bizim vəzifəmiz xalqa xidmət etməkdir. Məni xalq prezident
seçibdir ki, xalqa öz xidmətimi göstərim. Mən icra strukturlarını
formalaşdırım ki, biz hamımız xalqa xidmət edək, ölkəmizi
gücləndirək və güclü Azərbaycan dövlətini yaradaq.
2008-ci il yaxşı başlayır. Əminəm ki, biz 2008-ci ili yaxşı
nəticələrlə başa vuracağıq. Bu işlərdə sizin hamınıza uğurlar
arzulayıram.
Sağ olun.
150
AZƏRBAYCAN PREZİDENTİ İLHAM ƏLİYEVİN
ABŞ SENATORU RİÇARD LUQARIN
BAŞÇILIQ ETDİYİ NÜMAYƏNDƏ
HEYƏTİ İLƏ GÖRÜŞÜ
Prezident sarayı
13 yanvar 2008-ci il
Azərbaycan Respublikasının Prezidenti İlham Əliyev yan-
varın 13-də Prezident sarayında ABŞ senatoru Riçard Luqarın
başçılıq etdiyi nümayəndə heyətini qəbul etmişdir.
Dövlətimizin başçısı ABŞ-la Azərbaycan arasında ikitərəfli
əməkdaşlığın bütün sahələrdə uğurla inkişaf etdiyini bildirdi.
Prezident İlham Əliyev vurğuladı ki, ABŞ senatorunun rəhbərlik
etdiyi nümayəndə heyətinin Azərbaycana bu səfəri ikitərəfli
əlaqələrə və regional inkişafa dair bir çox məsələlərin müzakirə
olunmasına, ölkələrimizin mühüm strateji sahələrdə daha da
möhkəm tərəfdaşlıq əlaqələrinin inkişaf etdirilməsinə kömək
edəcəkdir. Senator Riçard Luqarın Azərbaycana göstərdiyi
diqqət və dəstəyi yüksək dəyərləndirən prezident İlham Əliyev
Azərbaycan–ABŞ
əməkdaşlığının
gələcəkdə
daha
da
genişlənəcəyinə və bunun regionun təhlükəsizliyinə töhfə verə-
cəyinə əminliyini söylədi.
Senator Riçard Luqar Azərbaycanla ABŞ arasında güclü
tərəfdaşlıq əlaqələrinin olduğunu bildirdi, Azərbaycanın anti-
terror koalisiyasındakı fəal iştirakını yüksək qiymətləndirdi.
Senator dedi ki, prezident İlham Əliyevin rəhbərliyi altında
Azərbaycanda həyata keçirilən inkişaf prosesləri böyük əhə-
miyyət daşıyır. O bu münasibətlə dövlət başçısını təbrik etdi,
indiki səfərinin Azərbaycandakı inkişaf prosesləri ilə yaxından
tanış olmaq üçün yaxşı fürsət yaradacağını vurğuladı.
151
AZƏRBAYCAN PREZİDENTİ İLHAM ƏLİYEVİN
ATƏT-in MİNSK QRUPUNUN HƏMSƏDRLƏRİ VƏ
ATƏT-in HAZIRKI SƏDRİNİN XÜSUSİ
NÜMAYƏNDƏSİ İLƏ GÖRÜŞÜ
Prezident sarayı
14 yanvar 2008-ci il
Azərbaycan Respublikasının Prezidenti İlham Əliyev
yanvarın 14-də Prezident sarayında ATƏT-in Minsk qrupunun
həmsədrləri Bernar Fasyeni (Fransa), Yuri Merzlyakovu
(Rusiya), Mətyu Brayzəni (ABŞ) və ATƏT-in hazırkı sədrinin
xüsusi nümayəndəsi Anji Kasprşiki qəbul etmişdir.
Görüşdə Ermənistan–Azərbaycan, Dağlıq Qarabağ münaqi-
şəsinin həlli ilə bağlı aparılan danışıqların hazırkı vəziyyətinə
dair məsələlər müzakirə edilmişdir.
152
HİNDİSTAN RESPUBLİKASININ PREZİDENTİ
ZATİ-ALİLƏRİ
XANIM PRATİBHA PATİLƏ
Hörmətli xanım Prezident!
Hindistanın milli bayramı – Respublika günü münasi-
bətilə Sizi və Sizin simanızda bütün xalqınızı öz adımdan və
Azərbaycan xalqı adından səmimi-qəlbdən təbrik edirəm.
Əminəm ki, Azərbaycan ilə Hindistan arasındakı ənənəvi
dostluq və əməkdaşlıq münasibətləri xalqlarımızın istək və
iradəsinə uyğun olaraq daim inkişaf edəcək və genişlənəcəkdir.
Sizə möhkəm cansağlığı, işlərinizdə uğurlar, dost Hindistan
xalqına sülh və rifah arzulayıram.
Hörmətlə,
İLHAM ƏLİYEV
Azərbaycan Respublikasının Prezidenti
Bakı, 16 yanvar 2008-ci il