204
AZƏRBAYCAN PREZİDENTİ İLHAM ƏLİYEVİN
UKRAYNA PREZİDENTİ
VİKTOR YUŞŞENKO İLƏ GÖRÜŞÜ
Davos, «Turmotel Viktoriya» iqamətgahı
24 yanvar 2008-ci il
Azərbaycan Respublikasının Prezidenti İlham Əliyev
yanvarın 24-də Davosda onun üçün ayrılmış iqamətgahda,
«Turmotel Viktoriya» mehmanxanasında Ukrayna prezidenti
Viktor Yuşşenko ilə görüşmüşdür.
Görüş zamanı ikitərəfli münasibətlərin vəziyyəti və gələcək
perspektivləri ətrafında geniş fikir mübadiləsi aparıldı. Prezi-
dent Viktor Yuşşenko son vaxtlar Ukraynada gedən proses-
lərdən də bəhs etdi.
Sonra iki ölkə arasında strateji tərəfdaşlıq münasibətlərinin
bütün sahələrdə daha da inkişaf etdirilməsi ilə bağlı səmərəli
söhbət aparıldı. Müəyyən layihələr, enerji sahəsində əməkdaşlıq
məsələləri diqqət mərkəzində oldu. Prezidentlər müxtəlif
layihələrin həyata keçirilməsində iki ölkənin birgə fəaliyyətinin
vacibliyini vurğuladılar.
205
AZƏRBAYCAN PREZİDENTİ İLHAM ƏLİYEVİN
İSRAİLİN XARİCİ İŞLƏR NAZİRİ SİPİ LİVNİ İLƏ
GÖRÜŞÜ
Davos, «Turmotel Viktoriya» iqamətgahı
24 yanvar 2008-ci il
Azərbaycan Respublikasının Prezidenti İlham Əliyev yan-
varın 24-də Davosda onun üçün ayrılmış iqamətgahda,
«Turmotel Viktoriya» mehmanxanasında İsrailin Xarici İşlər
naziri xanım Sipi Livnini qəbul etmişdir.
Görüşdə Azərbaycanla İsrail arasında ikitərəfli münasi-
bətlərin inkişafı və digər məsələlər ətrafında fikir mübadiləsi
aparıldı.
206
AZƏRBAYCAN PREZİDENTİ İLHAM ƏLİYEVİN
«bp GROUP» ŞİRKƏTİNİN BAŞ İCRAÇI
DİREKTORU ENTONİ HEYVORD İLƏ GÖRÜŞÜ
Davos, «Turmotel Viktoriya» iqamətgahı
24 yanvar 2008-ci il
Azərbaycan Respublikasının Prezidenti İlham Əliyev
yanvarın 24-də Davosda onun üçün ayrılmış iqamətgahda «bp
Group» şirkətinin Baş icraçı direktoru Entoni Heyvordu qəbul
etmişdir.
Görüşdə uzun illərdir Azərbaycanla bp şirkəti arasında
uğurlu əməkdaşlığın olduğu bildirildi, onun perspektivləri
müzakirə edildi və bu əməkdaşlığın gələcəkdə daha da geniş-
lənəcəyinə əminlik ifadə olundu.
Azərbaycanda həyata keçirilən enerji layihələri barədə
söhbət gedən görüşdə bp-nin rəhbəri ölkəmizin bu sahədəki
fəaliyyətini yüksək qiymətləndirdi, respublikamızın iqtisadiy-
yatında çox böyük irəliləyişin baş verdiyini vurğuladı.
207
AZƏRBAYCAN PREZİDENTİ
İLHAM ƏLİYEVİN AVROPA YENİDƏNQURMA
VƏ İNKİŞAF BANKININ PREZİDENTİ
JAN LEMYER İLƏ GÖRÜŞÜ
Davos, «Turmotel Viktoriya» iqamətgahı
25 yanvar 2008-ci il
Azərbaycan Respublikasının Prezidenti İlham Əliyev
yanvarın 25-də Davosda onun üçün ayrılmış iqamətgahda
Avropa Yenidənqurma və İnkişaf Bankının prezidenti Jan
Lemyeri qəbul etmişdir.
Görüşdə Azərbaycan ilə AYİB arasında uğurlu əməkdaşlığın
həyata keçirildiyi vurğulandı.
Prezident İlham Əliyev Azərbaycanda iqtisadi inkişaf pro-
seslərindən danışdı, ölkəmizin dünya iqtisadiyyatına sürətlə
inteqrasiya etdiyini bildirdi.
Jan Lemyer AYİB-in Azərbaycanla əməkdaşlığının gələcəkdə
də davam edəcəyinə ümidvar olduğunu söylədi.
208
POLŞA RESPUBLİKASININ PREZİDENTİ
ZATİ-ALİLƏRİ
CƏNAB LEX KAÇİNSKİYƏ
Hörmətli cənab Prezident!
Ölkənizdə baş vermiş təyyarə qəzası nəticəsində insan
tələfatı xəbəri məni son dərəcə kədərləndirdi.
Baş vermiş faciə ilə əlaqədar Sizə, həlak olanların ailələrinə
və yaxın adamlarına, bütün Polşa xalqına şəxsən öz adımdan və
Azərbaycan xalqı adından dərin hüznlə başsağlığı verirəm.
İLHAM ƏLİYEV
Azərbaycan Respublikasının Prezidenti
Bakı, 25 yanvar 2008-ci il