121
AZƏRBAYCAN PREZİDENTİ İLHAM ƏLİYEVİN
VƏ FRANSA PREZİDENTİ JAK ŞİRAKIN
TƏKBƏTƏK GÖRÜŞÜ
Paris,
Yelisey sarayı
10 fevral 2006-cı il
Fevralın 10-da Parisin Yelisey sarayında Azərbaycan
Respublikasının Prezidenti İlham Əliyevin və Fransa Res-
publikasının Prezidenti Jak Şirakın təkbətək görüşü olmuş-
dur.Prezident Jak Şirak xalqımızın ümummilli lideri Heydər
Əliyevlə görüşlərini, gözəl münasibətlərini məmnunluqla xa-
tırladı, o cümlədən Yelisey sarayında onunla dəfələrlə görüş-
düyünü vurğuladı.
Prezident İlham Əliyev xoş sözlərdən məmnunluğunu ifadə
edərək bildirdi ki, iki dahi siyasətçi və dövlət başçısı arasında
olmuş dostluqdan iftixar duyur və bunu özü üçün gözəl nümunə
hesab edir.
Dövlət başçıları Ermənistan–Azərbaycan, Dağlıq Qarabağ
münaqişəsinin həlli perspektivləri ətrafında geniş fikir müba-
diləsi apardılar. Prezidentlər vurğuladılar ki, münaqişənin həlli
üçün konkret addım atmağın vaxtı çatmışdır.
Görüş başa çatdıqdan sonra Fransa prezidenti Jak Şirak
Azərbaycan prezidenti İlham Əliyevi Yelisey sarayının qarşı-
sında böyük hörmət və ehtiramla avtomobilədək yola saldı.
122
AZƏRBAYCAN PREZİDENTİ İLHAM ƏLİYEVİN
VƏ ERMƏNİSTAN PREZİDENTİ
ROBERT KÖÇƏRYANIN ATƏT-in MİNSK QRUPU
HƏMSƏDRLƏRİNİN İŞTİRAKI
İLƏ GÖRÜŞÜ
Paris,
Rambuye sarayı
10 fevral 2006-cı il
Fevralın 10-da Paris yaxınlığındakı Rambuye sarayında
Azərbaycan Respublikasının Prezidenti İlham Əliyevin və Ermə-
nistan Respublikasının Prezidenti Robert Köcəryanın ATƏT-in
Minsk qrupu həmsədrlərinin iştirakı ilə görüşü olmuşdur.
Görüşdə Ermənistan–Azərbaycan, Dağlıq Qarabağ münaqi-
şəsinin sülh yolu ilə həllinə dair müzakirələr aparıldı.
Sonra Azərbaycan və Ermənistan prezidentləri arasında
təkbətək görüş keçirildi.
Prezidentlər Ermənistan–Azərbaycan, Dağlıq Qarabağ mü-
naqişəsinin Praqa prosesi əsasında nizama salınması ilə bağlı
məsələləri müzakirə etmişlər.
* * *
Azərbaycan prezidenti İlham Əliyev Fransaya səfərini başa
çatdıraraq fevralın 12-də Paris şəhərindən Vətənə yola düşdü.
Parisin Orli Beynəlxalq hava limanında prezident İlham
Əliyevi Fransa hökumətinin yüksək vəzifəli şəxsləri və Azərbay-
can diasporunun nümayəndələri yola saldılar.
* * *
Azərbaycan prezidenti İlham Əliyev fevralın 12-də axşam
Bakıya gəldi.
123
ABŞ-ın APARICI YƏHUDİ TƏŞKİLATLARI
SƏDRLƏRİ KONFRANSININ NÜMAYƏNDƏ
HEYƏTİ İLƏ GÖRÜŞ
Prezident sarayı
13 fevral 2006-cı il
Nümayəndə heyətinin rəhbəri Harold Tanner Azər-
baycana səfərdən məmnun olduqlarını söylədi, səfərin yüksək
səviyyədə təşkilinə görə minnətdarlığını bildirdi. O, Azərbay-
canda tolerantlığın daim təmin edildiyini vurğulayaraq dedi ki,
bu ölkədə bütün millətlərin nümayəndələri üçün, o cümlədən
dini icmalar üçün çox yaxşı birgə yaşayış şəraiti yaradılmışdır.
Bu baxımdan qonaq yəhudi icması üçün yaradılan şəraitdən
məmnun qaldıqlarını söylədi. H.Tanner Azərbaycanda böyük
iqtisadi inkişafın şahidi olduqlarını da bildirdi.
Prezident İlham Əliyev belə səfərlərin əhəmiyyətini vur-
ğuladı və böyük tərkibdə nümayəndə heyətinin Azərbaycana
gəlməsini yüksək qiymətləndirdi. Prezident İlham Əliyev dedi ki,
Azərbaycanda birgə yaşayış üçün çox yaxşı şərait var və bütün
millətlərin
nümayəndələri
ölkəmizin
bərabərhüquqlu
vətəndaşları kimi dostluq şəraitində yaşayırlar.
Prezident İlham Əliyev nümayəndə heyətinin tərkibində olan
nüfuzlu təşkilatların təmsilçilərinin Azərbaycanda gedən
iqtisadi inkişafın, cəmiyyətin demokratikləşmə prosesində əldə
etdiyi uğurların şahidi olmalarından məmnunluğunu bildirdi.
Sonra Azərbaycan prezidenti nümayəndə heyətinin geniş
tərkibdə üzvləri ilə görüşdü. Harold Tanner prezident İlham
Əliyevə qəbula görə təşəkkür etdi və səfərin əsas məqsədlərini
açıqladı. O dedi ki, Azərbaycan dünyanın digər dövlətləri üçün
124
strateji əhəmiyyətə malik olan bir ölkədir və Amerika Birləşmiş
Ştatları ilə onun dostluq münasibətləri mövcuddur. Bununla
yanaşı, Azərbaycan böyük neft ehtiyatları olan və iqtisadi
cəhətdən inkişaf edən ölkədir. Azərbaycan bütün xalqa, o
cümlədən milli azlıqlara göstərilən münasibət baxımından gözəl
ölkədir. Əhalisinin əksəriyyəti müsəlman olan bir ölkədə yəhudi
icmasına göstərilən münasibətlə bağlı təəssüratımız çox
yüksəkdir. Səfərimiz çox gözəl keçdi və həyatımızın əvvəlki illəri
ilə müqayisədə indi daha çox təəssürat aldıq.
Buraya gəlməzdən əvvəl Vaşinqtonda Dövlət katibi Kondo-
liza Rays ilə görüşümüz oldu. O, səfərlə əlaqədar Azərbaycanla
bağlı eyni fikirlərə və ehtirama şərik çıxdı. Eyni zamanda,
buraya gəlməzdən əvvəl İsrail prezidenti Katsav ilə görüşdük və
o öz məktubunu Sizə çatdırmağı xahiş etdi.
Qonaq məktubu prezident İlham Əliyevə təqdim etdi və onun
qısa məzmununu xatırlatdı. Məktubda deyilir ki, Amerika
Birləşmiş Ştatlarının aparıcı Yəhudi Təşkilatları Sədrləri
Konfransının üzvlərinin Azərbaycana səfəri və Sizinlə keçirə-
cəyi görüş fürsətindən istifadə edərək, özümün və İsrail xalqının
salamlarını Sizə çatdırıram. Məktubda Azərbaycan və yəhudi
xalqlarının dostluq münasibətləri, birgə tarixə bağlılığı
vurğulanır və belə bir inam ifadə olunur ki, ölkələrimiz
arasındakı münasibətlər hər iki xalqın mənafeyi naminə bundan
sonra da inkişaf edəcəkdir.
Prezident İlham Əliyev məktuba görə təşəkkür etdi.
Azərbaycan dövlətinin başçısı qonaqların bu səfərini yüksək
qiymətləndirdi və onun Azərbaycan ilə Amerika Birləşmiş
Ştatları arasındakı əlaqələrə töhfə verəcəyini bildirərək dedi ki,
ABŞ ilə Azərbaycan müttəfiq dövlətlərdir, beynəlxalq və
regional məsələlərdə tərəfdaş kimi çıxış edirlər. Bu səfər şərait
yaradır ki, nümayəndə heyəti Azərbaycanda gedən inkişafı və
demokratik cəmiyyət quruculuğunu öz gözləri ilə görsün.
Azərbaycan mühüm strateji mövqedə yerləşir və onun böyük
təbii ehtiyatları var. Bu, xalqımızın rifah halının yüksəlməsinə
xidmət edir. Azərbaycanda müxtəlif dinlərə mənsub olan
Dostları ilə paylaş: |