İNKİŞaf – MƏQSƏDİMİZDİr on beşİNCİ Kİtab
Yüklə 2,85 Mb. Pdf görüntüsü
|
103 GÜRCÜSTAN PARLAMENTİ SƏDRİNİN MÜAVİNİ, TİCARƏT VƏ SƏNAYE PALATASININ PREZİDENTİ CEMAL İNAİŞVİLİNİN RƏHBƏRLİK ETDİYİ NÜMAYƏNDƏ HEYƏTİ İLƏ GÖRÜŞ Prezident sarayı 2 fevral 2006-cı il Azərbaycan Respublikasının Prezidenti İlham Əliyev fevralın 2-də Prezident sarayında Gürcüstan Parlamenti sədrinin müavini, Ticarət və Sənaye Palatasının prezidenti Cemal İnaişvilinin rəhbərlik etdiyi nümayəndə heyətini qəbul etmişdir. Qonaqları səmimiyyətlə salamlayan prezident İlham Əliyev Azərbaycan–Gürcüstan münasibətlərinin bütün sahələrdə, o cümlədən parlamentlər səviyyəsində uğurla inkişaf etdiyini vurğuladı. Prezident İlham Əliyev hökumətlər səviyyəsində də əməkdaşlığın genişləndiyini, birgə iqtisadi komissiyanın bir çox məsələləri müvəffəqiyyətlə həll etdiyini qeyd etdi. O, ölkələrimiz arasındakı münasibətlərin bundan sonra da inkişaf edəcəyinə ümidvar olduğunu bildirdi. Cemal İnaişvili Gürcüstan prezidenti Mixeil Saakaşvilinin salamlarını və Gürcüstandakı enerji böhranı zamanı Azərbay- can rəhbərliyinin onun ölkəsinə göstərdiyi dəstəklə bağlı min- nətdarlığını şəxsən prezident İlham Əliyevə çatdırdı. Qonaq bütün sahələrdə, o cümlədən parlamentlərimiz arasında əlaqə- lərin uğurla inkişaf etdiyini qeyd etdi. Prezident İlham Əliyev Gürcüstan prezidenti Mixeil Saaka- şvilinin salamlarına görə minnətdarlığını bildirdi və onun da sa- lamlarını Gürcüstanın dövlət başçısına çatdırmağı xahiş etdi. 104 AZƏRBAYCAN PREZİDENTİ İLHAM ƏLİYEVİN ASTARA VƏ LƏNKƏRAN RAYONLARINA SƏFƏRİ 3 fevral 2006-cı il Azərbaycan Respublikasının Prezidenti İlham Əliyev fev- ralın 3-də Astara və Lənkəran rayonlarında olmuşdur Prezident İlham Əliyev əvvəlcə Astarada respublikada ilk modul tipli elektrik stansiyasının təntənəli açılış mərasimində iştirak etmişdir. Mərasimə toplaşanlar prezidenti böyük hörmət və ehtiramla, gül-çiçəklə qarşıladılar. Rayonun Ərçivan kəndində tikilmiş stansiyanın təməli 2005- ci il sentyabrın 8-də prezident İlham Əliyevin iştirakı ilə qoyulmuşdur. Tikintinin baş podratçısı Finlandiyanın «Wartsila» və İsveçrənin «ABB» şirkətləridir. Stansiyada hər birinin gücü 8,7 meqavat olan 10 generator quraşdırılmışdır. Stansiyanın ərazisində inşa edilmiş gücləndirici yardımçı stansiyada hər biri 25 meqavatlıq 5 ədəd transformator qoyulmuşdur. 2 kilometr uzunluğunda 110 kilovoltluq elektrikötürmə xətləri, 1,2 kilometrlik qaz xətti çəkilmiş, vertolyot meydançası inşa edilmişdir. Elektrik stansiyasının 51 hektarlıq ərazisində ikimərtəbəli inzibati və idarəetmə binaları inşa edilmiş, əraziyə axan suların qarşısını almaq məqsədi ilə 900 metr uzunluğunda 2 kanal çəkilmiş, 2 keçid körpüsü, 1 hektar ərazidə isə su hovuzu inşa edilmişdir. 20 hektar ərazidə bağ salınmış və 5 minə yaxın ağac və kol əkilmişdir. Stansiyanın tikintisində 500 nəfərə yaxın inşaatçı və quraşdırıcı çalışmışdır ki, onlardan da 300 nəfəri yerli inşaatçılardır. Astara elektrik stansiyası cənub bölgəsinin elektrik enerjisi ilə təminatında əhəmiyyətli rol oynayacaq, qış mövsümündə enerji qıtlığını aradan qaldıracaqdır. Burada 110 nəfər daimi işlə təmin olunacaqdır. 105 Prezident İlham Əliyev stansiyada quraşdırılmış müasir avadanlıqla yaxından tanış oldu. Sonra prezident İlham Əliyev Astara elektrik stansiyasının işə salınmasını bildirən düyməni basdı və stansiya ümumi şəbəkəyə qoşuldu. Prezident İlham Əliyev stansiyanı inşa edən yerli və xarici mütəxəssislərlə söhbət etdi, müasir tələblərə cavab verən bu obyektin qısa müddətdə başa çatdırılmasına görə minnət- darlığını bildirdi. İsveçrənin «ABB» şirkətinin vitse-prezidenti Bruno Berggren tikinti müddətində onlara yaradılan şəraitə və köməyə, diqqət və qayğıya görə prezident İlham Əliyevə dərin təşəkkürünü bildirdi. Burada çalışan yerli mütəxəssislərin fəaliyyətini yüksək qiymətləndirdi. Xüsusi vurğuladı ki, dünyada məşhur olan «ABB» şirkəti tərəfindən indiyədək heç bir ölkədə bu cür stansiya quraşdırılmamışdır. Qısa müddət ərzində stansiyanın quraşdırılması xarici şirkətlərlə yerli mütəxəssislərin birgə fəaliyyətinin nəticəsidir və alqışa layiqdir. Biz bu işimizlə fəxr edirik. Sonra stansiyanın açılışını bildirən təntənəli mərasim keçi- rildi. Azərbaycan prezidenti İlham Əliyev mərasimdə nitq söylədi. 106 ASTARADA MODUL TİPLİ ELEKTRİK STANSİYASININ AÇILIŞ MƏRASİMİNDƏ NİTQ 3 fevral 2006-cı il İ l h a m Ə l i y e v: Əziz astaralılar! Əziz dostlar, bacılar və qardaşlar! Hörmətli qonaqlar! Mən sizin hamınızı ürəkdən salamlayıram, yeni istifadəyə verilmiş elektrik stansiyasının açılışı münasibətilə sizi təbrik edirəm. Beş ay bundan əvvəl biz elə bu ərazidə stansiyanın təməl daşını qoyduq. O vaxt burada heç bir tikinti yox idi. Sadəcə, boş sahə idi və təməli qoyulanda, bəlkə də, təsəvvür etmirdik ki, qısa müddət ərzində bu gözəl obyekt, gözəl stansiya istifadəyə veriləcəkdir. Ancaq məqsəd qoymuşduq, vəzifə qoymuşduq ki, qısa müddət ərzində stansiya tikilsin, istismara verilsin və beləliklə, Astaranın və bütövlükdə cənub bölgəsinin enerji problemləri aradan qaldırılsın. Bu gün biz buna nail olduq. Bu çox böyük hadisədir, təkcə Astara üçün yox, bütün cənub bölgəsi üçün böyük töhfədir. Bu fürsətdən istifadə edib, stansiyanın tikintisində iştirak etmiş yerli və xarici şirkətlərə, onların rəhbərlərinə və fəhlələrinə minnətdarlığımı bildirmək istəyirəm. Bu da çox gözəl beynəlxalq əməkdaşlıq nümunəsidir. Stansiyanın tikintisində xarici şirkətlər – «Wartsila» şirkəti, «ABB» şirkəti, habelə Azərbaycanın «Azenko» şirkəti iştirak etmişdir. Onlar çox səmərəli işləmişlər və bu işin nəticəsində bu gün stansiyanın açılışını qeyd edirik. Azərbaycanda bütövlükdə, istər siyasi müstəvidə, istər iqtisadi sahədə beynəlxalq əməkdaşlıq çox sürətlə inkişaf edir. Bu bir daha onu göstərir ki, Azərbaycan Dünya Birliyinə çox uğurla inteqrasiya edir. Azərbaycanda çox nəhəng, irimiqyaslı, enerji təhlükəsizliyi baxımından ölkəmiz üçün və bölgə üçün Yüklə 2,85 Mb. Dostları ilə paylaş:
|