114
MİSİR ƏRƏB RESPUBLİKASININ PREZİDENTİ
ZATİ-ALİLƏRİ
CƏNAB MƏHƏMMƏD HÜSNÜ MÜBARƏKƏ
Hörmətli cənab Prezident!
«Əs-Salam-98» sərnişin gəmisinin Qırmızı dənizdə
qəzaya uğraması nəticəsində çoxsaylı insan tələfatı xəbəri məni
son dərəcə kədərləndirdi.
Bu faciə ilə əlaqədar dərdinizə şərik çıxır, Sizə, həlak
olanların ailələrinə və yaxın adamlarına dərin hüznlə başsağlığı
verirəm.
Allah rəhmət eləsin!
İLHAM ƏLİYEV
Azərbaycan Respublikasının Prezidenti
Bakı, 4 fevral 2006-cı il
115
İRAN İSLAM RESPUBLİKASININ PREZİDENTİ
ZATİ-ALİLƏRİ
CƏNAB MAHMUD ƏHMƏDİNEJADA
Hörmətli cənab Prezident!
İran İslam Respublikasının milli bayramı – İslam İnqilabı
günü münasibətilə Sizi və bütün xalqınızı öz adımdan və
Azərbaycan xalqı adından səmimi-qəlbdən təbrik edirəm.
Ümidvaram ki, ölkələrimiz arasında dərin tarixi kökləri olan
dostluq və mehriban qonşuluq münasibətlərinin, qarşılıqlı
əlaqələrimizin inkişafı daim xalqlarımızın rifahına xidmət
edəcəkdir.
Sizə ən xoş arzularımı yetirir, dost İran xalqına sülh və
tərəqqi diləyirəm.
Hörmətlə,
İLHAM ƏLİYEV
Azərbaycan Respublikasının Prezidenti
Bakı, 6 fevral 2006-cı il
116
İRAN İSLAM RESPUBLİKASININ ALİ RƏHBƏRİ
AYƏTULLAH SEYİD ƏLİ XAMENEİ
HƏZRƏTLƏRİNƏ
Möhtərəm Ayətullah Xamenei həzrətləri!
Ölkənizin milli bayramı – İslam İnqilabı günü münasi-
bətilə Sizə və Sizin simanızda bütün xalqınıza ən səmimi
təbriklərimizi yetirirəm.
Əminəm ki, Azərbaycan ilə İran arasındakı ənənəvi dostluq
və əməkdaşlıq münasibətləri xalqlarımızın iradəsinə uyğun
olaraq daim inkişaf edəcək və genişlənəcəkdir.
Sizə möhkəm cansağlığı, işlərinizdə uğurlar, dost İran
xalqına əmin-amanlıq və firavanlıq arzulayıram.
Hörmətlə,
İLHAM ƏLİYEV
Azərbaycan Respublikasının Prezidenti
Bakı, 6 fevral 2006-cı il
117
QAMBİYA RESPUBLİKASININ PREZİDENTİ
ZATİ-ALİLƏRİ
CƏNAB YƏHYA CAMMEHƏ
Hörmətli cənab Prezident!
Ölkənizin milli bayramı – Müstəqillik günü münasibətilə
Sizi və bütün xalqınızı öz adımdan və Azərbaycan xalqı
adından təbrik edirəm.
Ümidvaram ki, ölkələrimiz arasındakı dostluq münasi-
bətlərinin inkişafı və möhkəmləndirilməsi əməkdaşlıq imkan-
larımızın genişlənməsinə xidmət edəcəkdir.
Sizə ən xoş arzularımı yetirir, dost Qambiya xalqına əmin-
amanlıq və rifah diləyirəm.
Hörmətlə,
İLHAM ƏLİYEV
Azərbaycan Respublikasının Prezidenti
Bakı, 8 fevral 2006-cı il
118
AZƏRBAYCAN RESPUBLİKASININ PREZİDENTİ
İLHAM ƏLİYEVİN
FRANSAYA İŞGÜZAR SƏFƏRİ
9 fevral 2006-cı il
Azərbaycan Respublikasının Prezidenti İlham Əliyev fev-
ralın 9-da axşam Fransa paytaxtına gəlmişdir.
Parisin Orli Beynəlxalq hava limanında prezident İlham
Əliyevi Fransa hökumətinin yüksək vəzifəli şəxsləri, Azərbaycan
diasporunun nümayəndələri səmimiyyətlə qarşıladılar.
Sonra prezident İlham Əliyev Parisdə onun üçün ayrılmış
iqamətgaha yola düşdü.
119
FRANSANIN «TOTAL» ŞİRKƏTİNİN
PREZİDENTİ İLƏ GÖRÜŞ
Paris
9 fevral 2006-cı il
Azərbaycan Respublikasının Prezidenti İlham Əliyev
fevralın 9-da Parisdə, onun üçün ayrılmış iqamətgahda Fran-
sanın «Total» şirkətinin prezidenti De Mareni qəbul etmişdir.
Görüşdə energetika sahəsində əməkdaşlığın səviyyəsindən
razılıq ifadə olundu, şirkətin Azərbaycandakı fəaliyyətindən
söhbət açıldı, işbirliyinin bundan sonra da inkişaf edəcəyinə
əminlik vurğulandı. «Total» şirkətinin «Şahdəniz» layihəsində
iştirakı da qeyd olundu.
Şirkətin prezidenti Azərbaycanın beynəlxalq enerji daşıyı-
cıları tranziti layihəsində iştirakını xüsusi vurğuladı və
gələcəkdə də ölkəmizin belə layihələrə fəal qoşulacağına
əminliyini bildirdi.
120
YELİSEY SARAYINDA RƏSMİ QARŞILANMA
MƏRASİMİ
10 fevral 2006-cı il
Fransada səfərdə olan Azərbaycan Respublikasının Prezi-
denti İlham Əliyevin fevralın 10-da Parisdə, Fransa dövləti
başçısının iqamətgahı Yelisey sarayında rəsmi qarşılanma
mərasimi olmuşdur.
Sarayın qarşısında prezident İlham Əliyevin şərəfinə fəxri
qarovul dəstəsi düzülmüşdü. Fəxri qarovul dəstəsinin rəisi
Azərbaycan prezidentinə raport verdi.
Fransa prezidenti Jak Şirak Azərbaycan prezidenti İlham
Əliyevi sarayın önündə səmimiyyətlə qarşıladı. Dövlət başçıları
xatirə şəkli çəkdirdilər.
Dostları ilə paylaş: |