İNKİŞaf – MƏQSƏDİMİZDİr on beşİNCİ Kİtab
Yüklə 2,85 Mb. Pdf görüntüsü
|
107 önəmli layihələr həyata keçirilir. Azərbaycanın bu layihələrdə iştirakı bizim ölkəmizin çəkisini artırır. Bildiyiniz kimi, indi bölgədə enerji təhlükəsizliyi məsələsi kəskinləşibdir və qış aylarında bəzi ölkələrdə enerji böhranı yaşandı. Azərbaycanda biz bunun qarşısını ala bildik. Bax- mayaraq ki, enerji potensialımız bizi hələ tam şəkildə qane etmir, yaxud da bütün tələbatlarımızı ödəmir, ancaq qış aylarında enerjinin verilməsi bütövlükdə müsbət olmuşdur. Yeni stansiyaların tikintisi məhz bu məqsədi güdür ki, Azərbaycanda bütövlükdə – nə yayda, nə yazda, nə də qışda enerji problemi olmasın. İstənilən vaxtda, istənilən yerdə 24 saat ərzində işıq olmalıdır, həm müəssisələrə, eyni zamanda, vətəndaşlara da verilməlidir. Azərbaycanda indi bir neçə elektrik stansiyası tikilir. Etibar Pirverdiyev bunu qeyd etdi – Bakıda, Naxçıvanda, Şəkidə və Xaçmazda buna bənzər stansiyalar tikilir. Amma biz o qərarı verəndə dedik ki, ilk növbədə Astarada stansiya tikilsin. Çünki cənub bölgəsində enerji problemləri bizi çox narahat edirdi və bu gün də narahat edir. Bir də ki, cənub bölgəsinin inkişafı üçün bu stansiyanın əhəmiyyəti çox böyük olacaqdır. Nəzərə alsaq ki, Azərbaycanda regionların inkişafı proqramı uğurla icra olunur, yeni iş yerləri açılır, müəssisələr açılır, bütün bunlar yeni enerji mənbəyi tələb edir. Beləliklə, bu stansiyanın tikilməsi bütün bölgəyə çox müsbət təsir göstərəcəkdir. Burada yeni müəssisələrin işə salınması prosesi daha sürətlə aparılacaqdır və bütövlükdə regionun infrastrukturu daha da möhkəm olacaqdır. Bildiyiniz kimi, cənub bölgəsinə mənim böyük diqqətim var. Mən son iki il ərzində artıq bir neçə dəfə burada olmuşam. Burada bölgə üçün, Azərbaycan üçün çox mühüm layihələr həyata keçirilir. Bu yaxınlarda Astarada qaz-kompressor stansiyası istismara verilmişdir. Lənkəranda beynəlxalq hava limanının tikintisi başlanmışdır, dəniz limanının tikintisi aparılır. Artıq bu gün elektrik stansiyasının istismara veril- məsini qeyd edirik. Yəni qısa müddət ərzində görülən bütün bu 108 işlər bölgənin inkişafına xidmət edir və gələcəkdə biz bunun daha da gözəl bəhrəsini görəcəyik. Regionların inkişafına gəldikdə isə, şübhəsiz ki, enerji daşıyıcıları regional inkişaf proqramının əsasını təşkil edir. Məhz bu məqsədlə artıq bir neçə yerdə elektrik stansiyalarının tikintisi başlanmışdır. Sumqayıtda böyük, 500 meqavat gücündə elektrik stansiyası tikilir. Regional inkişaf proqramımız uğurla icra edilir. Son iki il ərzində Azərbaycanda 340 min yeni iş yeri açılmışdır, bu proses davam edir. Əminəm ki, yaxın zamanlarda Azərbaycanda işsizlik problemi əsaslı şəkildə aradan qaldırılacaqdır. Yoxsulluqla mübarizə güclənibdir, yoxsulluq şəraitində yaşa- yanların sayı 2005-ci ildə kəskin şəkildə aşağı düşübdür. 2006- cı ildə görüləcək işlər – əmək haqlarının qaldırılması, təqaüdlərin qaldırılması, əlbəttə ki, yoxsulluğun səviyyəsini daha da aşağı salacaqdır. Bizim məqsədimiz budur. Bütün görülən işlər bu amala xidmət edir. Azərbaycanın iqtisadi potensialı güclənməlidir, insanlar daha da yaxşı yaşamalıdır, insanlara daha gözəl xidmət göstərilməlidir. Biz bütün istiqamətlərdə – istər enerji sahəsində, istər yol infrastrukturu sahəsində, istər səhiyyə sahəsində işlərimizi yüksək səviyyədə qururuq. Bildiyiniz kimi, sentyabr ayında mən bölgədə olarkən burada zona müşavirəsi keçirildi. Bölgənin əsas problemləri bir daha təhlil edildi və ondan sonra mən müvafiq Sərəncam imzaladım. Sərəncam da icra olunur, xüsusilə yolların tikinti- sinə vəsait ayrılmışdır və bu gün artıq yollar tikilir. Mən göstəriş vermişdim ki, rayon mərkəzlərində yollar və ilk növ- bədə, kənd yolları tikilməlidir. Uzun illərdir ki, kənd yollarına investisiya qoyulmurdu və onlar bərbad vəziyyətə düşmüşdü. Biz kənd yollarının bərpası ilə ciddi məşğuluq və indi cənub bölgəsinin bütün rayonlarında bu proses sürətlə gedir. Bildiyiniz kimi, Lənkəranı Leriklə birləşdirən 50 kilometrlik yeni müasir yol və başqa yollar salındı. 109 Yəni bütün istiqamətlərdə – istər enerji sahəsində, iqtisadi sahədə, istərsə də humanitar, sosial sahələrdə bizim işlərimiz düşünülmüş proqram çərçivəsində həyata keçirilir və görülən işlər nəticəsində Azərbaycanda yoxsulluq aradan qaldırılmalı- dır. Bu bir proqramdır, məqsəddir və mən heç şübhə etmirəm ki, biz buna nail olacağıq. Çox istəyirəm ki, buna daha da tez nail olaq, çox istəyirəm ki, bütün bu planları daha da qısa müddət ərzində həyata keçirək. Bilirsiniz, bu stansiyanın tikintisi də məhz bu məqsədi güdür. Çünki bizim enerji proqramımız var. Bir müddət bundan əvvəl mən xüsusi proqram imzaladım. Amma böyük elektrik stansiyasının tikintisi, adətən, 2-3 il zaman tələb edir. Bizim vaxtımız yoxdur, bizə bu gün enerji lazımdır, bizə bu gün güclü infrastruktur lazımdır. Ona görə fikirləşdik ki, hansı tədbiri görək ki, qısa müddət ərzində Azərbaycanı elektrik enerjisi ilə təmin edək. Bu stansiyaların tikintisi də məhz bu məqsədə qulluq edir. Bir il ərzində Azərbaycanda beş yerdə modul tipli elektrik stansiyalarının tikilməsi təxminən 400 meqavat, bəlkə də ondan da çox elektrik enerjisi verəcəkdir. Bu gün Azərbaycanda enerji çatışmazlığı məhz elə 400 meqavatdır. Yəni 2006-cı ildə bu çatışmazlıq aradan qaldırılacaqdır. Amma o demək deyil ki, bununla bizim işimiz bitəcəkdir. Azərbaycanda yeni sənaye müəssisələri, yeni fabriklər, zavodlar tikiləcək, əhalinin artımı davam edəcək, yeni müəssisələr tikiləcək, yeni evlər tikilir, bütün bunlar enerji tələb edir. Azərbaycanın xoşbəxtliyi bundadır ki, bizdə təbii sərvətlər var. Bildiyiniz kimi, Azərbaycanda neft və qaz hasilatı ildən-ilə artır. Keçən il Azərbaycanda 22 milyon ton neft hasil edilmişdir, bu da bütün dövrlər ərzində Azərbaycan üçün rekorddur. Növbəti illərdə bu, 50–60 milyon tona çatacaqdır. Yəni bu təbii sərvətlər imkan verir ki, biz enerji təhlü- kəsizliyi baxımından heç kimdən asılı olmayaq. İndiki qış ayla- rında bəzi ölkələrdə yaşanan enerji, qaz böhranı onu göstərdi ki, bu çox ağır, sosial və bəzi hallarda, siyasi məsələyə çevrilir. Azərbaycan bu baxımdan sığortalıdır, təbii sərvətlər var. Amma Yüklə 2,85 Mb. Dostları ilə paylaş:
|