İNKİŞaf – MƏQSƏDİMİZDİr otuz iKİNCİ Kİtab
Yüklə 1,85 Mb. Pdf görüntüsü
|
159 AZƏRBAYCAN VƏ ÖZBƏKİSTAN PREZİDENTLƏRİNİN GENİŞ TƏRKİBDƏ GÖRÜŞÜ Prezident sarayı 11 sentyabr 2008-ci il Sentyabrın 11-də Azərbaycan və Özbəkistan nümayəndə heyətlərinin iştirakı ilə prezident İlham Əliyevin və prezident İslam Kərimovun geniş tərkibdə görüşü olmuşdur. Azərbaycan dövlətinin başçısı İlham Əliyev görüş iştirakçılarını salamlayaraq dedi: Hörmətli İslam Abduqəniyeviç! Hörmətli qonaqlar! Sizi Azərbaycan torpağında səmimi salamlamaq istəyirəm. Xoş gəlmisiniz! Biz Sizin səfərinizi gözləyirdik və dəvətimizi qəbul edərək, ölkəmizə səfərə gəldiyinizə görə Sizə çox minnətdarıq. Bizim ölkələr arasında qardaşlıq, dostluq münasibətlərinin tarixi qədimdir və hazırda uğurla inkişaf edir. Əlbəttə, dövlət rəhbərlərinin səfərləri bu münasibətlərin inkişafı üçün yeni zəmin yaradır. Bu gün biz ikitərəfli münasibətlərin bütün aspektlərini, regional məsələləri ətraflı müzakirə etdik. Biz ümumi fikirdəyik ki, inteqrasiya prosesləri, kooperasiya, birgə layihələr ikitərəfli əlaqələri daha da möhkəmləndirəcək və əməkdaşlıq üçün yeni imkanlar yaradacaqdır. Özbəkistan bizə qardaş, dost ölkədir, biz beynəlxalq təş- kilatlarda sizin dəstəyinizi çox yüksək qiymətləndiririk. Biz də öz tərəfimizdən, əvvəllər olduğu kimi, gələcəkdə də həmişə sizin yanınızda olacağıq. 160 Sizin səfəriniz ilk növbədə iqtisadiyyatda və başqa sahələrdə əməkdaşlığın perspektivlərini daha dərindən öyrənmək üçün yaxşı imkanlar yaradır. Əminəm ki, nümayəndə heyətləri üzvlərinin də fikir mübadiləsi etmək imkanı olmuşdur, xüsusən ona görə ki, bu yaxınlarda komissiyanın iclası keçirilmişdir. Bütün bunlar münasibətlərimizin səviyyəsini əks etdirir. Biz həm də ümid edirik ki, bu səfərdən sonra ölkələrimizin daha da yaxınlaşması baxımından yeni əməli addımlar atılacaqdır. Bir daha xoş gəlmisiniz! Özbəkistan prezidenti İslam Kərimov səmimi qəbul üçün təşəkkür edərək dedi: Hörmətli İlham Heydər oğlu! Bərəkətli Azərbaycan torpağında bizi bu qədər səmi- miyyətlə, hərarətlə qəbul etdiyinizə görə şəxsən Sizə və azərbaycanlı dostlarımıza ürəkdən təşəkkür etmək istəyirəm. Mən əminəm ki, Özbəkistan nümayəndə heyətinin hər bir səfəri bizim üçün, ilk növbədə Özbəkistan üçün böyük əhəmiyyət kəsb edir, çünki ikitərəfli və çoxtərəfli münasibətlərimizdə gerçəkləşdirilməli olan məsələləri, böyük imkanları müzakirə etmək üçün yaxşı fürsət yaranır. Azərbaycan bizə qardaş ölkədir. Bizə həm tarixi, həm də mədəni baxımdan yaxın olan ölkədir. Bu mənada bir daha deyirəm ki, biz özümüzə yaxın saydığımız ölkəyə gəlmişik, burada özümüzü qonaq kimi yox, yaxın adamlar arasında olduğu kimi hiss edirik. Başa düşürəm ki, bu cür səmimi qəbul məhz bununla izah edilir. Dünyada bir-birinə öz kökləri ilə bağlı olan iki dövlət, iki xalq tapmaq çətindir. Biz öz ana dilimizdə danışa bilərik və həmişə bir-birimizi başa düşəcəyik. Bu gün Azərbaycanla bağlı nə varsa, mən onları həmişə Heydər Əliyevlə yaxın dostluğumun prizmasından görürəm. O məni özünün yaxın dostu hesab edirdi. Mən də onu özüm üçün ən yaxın insan hesab edirdim. O, Özbəkistanın bütün problemlərini, bizim həll etdiyimiz bütün mürəkkəb məsələləri özünün problemləri kimi qəbul edirdi. O, yaşca məndən böyük 161 idi, lakin müstəqillik əldə ediləndən sonrakı ilk illərdə həm Azərbaycanın, həm də Özbəkistanın yeni, müstəqil inkişaf şəraitində öz ölkəsinin, öz xalqının tab gətirməsi, qorunub saxlanması ilə bağlı ən çətin, deyərdim ki, ən ağır problemləri həll etdiyi vaxtda postsovet məkanında baş verən hadisələrə münasibət məsələsində mən onun şəxsində, sadəcə, həmməslək deyil, bu məsələləri çox dərindən başa düşən bir insan tapırdım. Mən ona, sadəcə, ünsiyyətliliyinə, müdrikliyinə görə deyil, başqaları üçün gözlənilməz olan bütün prosesləri dərindən başa düşdüyünə görə hörmət edirdim. Heydər Əliyev Moskvada ən yüksək vəzifələrdə işlədiyi dövrdə mən hələ o qədər də nəzərə çarpmayan bir adam idim, lakin onun fəaliyyətini çox diqqətlə izləyirdim və bilirəm ki, Azərbaycan üçün nə qədər çox iş görmüşdür. O həqiqətən tarixi simadır. Azərbaycanın tarixində həmişəlik qalacaq şəxsiyyətdir. Bir vaxt biz də dünyamızı dəyişəcəyik, amma onu xatırlayacaqlar. Onu ən müdrik bir insan kimi, Azərbaycanın ən böyük vətənpərvəri kimi, mən deyərdim ki, ölkəni qoruyub saxlamış bir insan kimi xatırlayacaqlar. O, çətin dövrdə nə mümkündürsə etmiş, onun ardınca gələn gənc nəsli gələcək barədə aydın təsəvvürlə, proqramla, modellə silahlandırmışdır. Hörmətli İlham Heydər oğlu, bu gün mən görürəm ki, bütün bunlar artıq Sizin rəhbərliyiniz altında gerçəkləşir. Səmimi sözümdür, bu gün mən yalnız bir şey deyə bilərəm: mən Sizə təşəkkür edirəm ki, atanızın xatirəsini bu cür qayğı ilə qoruyursunuz. Sizin vasitənizlə Sizin komandaya, Sizin əhatənizdəkilərə təlqin edilən münasibətinizə görə Sizə təşəkkür edirəm. Heydər Əliyevin nəzərdə tutduğu bütün işlər şübhəsiz ki, bu gün reallaşır və bundan sonra da reallaşacaqdır. Yüklə 1,85 Mb. Dostları ilə paylaş:
|