İNKİŞaf – MƏQSƏDİMİZDİr otuz iKİNCİ Kİtab
Yüklə 1,85 Mb. Pdf görüntüsü
|
- Bu səhifədəki naviqasiya:
- Özbəkistan prezidenti İslam Kərimovun nitqi
170 iqtisadi potensiallarını möhkəmləndirdiyi, Mərkəzi Asiya və Qafqaz regionunda mühüm rol oynadığı bir vaxtda müna- sibətlərin inkişafı üçün möhkəm bazadır. Beləliklə, əminəm ki, regionumuzdakı inteqrasiya prosesləri, Mərkəzi Asiyada və Qafqazda, Xəzər hövzəsində regional əməkdaşlıqla bağlı proseslər xeyli dərəcədə bizim münasibətlərimizin uğurlu inkişafından asılı olacaqdır. Bizi böyük tarix birləşdirir, lakin gələcəkdə bizi qarşılıqlı əlaqələrin, kooperasiyanın səviyyəsinin yüksəldilməsinə yönəldilmiş yeni layihələr, nəqliyyat layihələrinin birgə həyata keçirilməsi, müştərək iştirak gözləyir. Başqa sözlə, yaşadığımız regionda əməkdaşlığın uğurlu inkişafını xeyli dərəcədə həm də bizim münasibətlərimizin uğurlu olması müəyyənləşdirəcəkdir. Bugünkü səfər və aparılmış danışıqlar bir daha təsdiq edir ki, ölkələrimiz arasında münasibətlər çox yüksək səviyyədədir. Bu gün biz qarşılıqlı maraq doğuran məsələlərin çox geniş dairəsini – ikitərəfli münasibətləri, regional siyasəti, Qafqazda baş verən prosesləri, yeni çağırışları, yeni təhdidləri, bizi narahat edən və həlli tələb olunan məsələləri müzakirə etdik. Belə bir ümumi fikrə gəldik ki, dialoq, işbirliyi və qarşılıqlı surətdə faydalı əməkdaşlığın potensialını artırmaq yolu ilə bir çox problemləri həll edə bilərik. Biz buna köklənmişik. İndi bunun üçün bütün şərait var: Özbə- kistanın artmaqda olan iqtisadi potensialı, maliyyə imkanları, habelə bizim ölkəmizdə gedən və müstəqilliyimizi möhkəm- ləndirən, müstəqil siyasət yeritməyə imkan verən müsbət proseslər. Yəqin ki, ölkələrimizə əminliklə aid edə biləcəyimiz bir çox digər cəhətlər sırasında müstəqil siyasət xəttini, ölkələrimizin və xalqlarımızın milli mənafelərinin qorunmasında, habelə regionda baş verən proseslərə münasibətdə ardıcıl və prinsipial siyasəti də vurğulamaq olar. Mən çox şadam ki, biz bu gün Azərbaycanı çox yaxşı tanıyan, onu sevən və Azərbaycanda sevilən əziz qonağımız İslam Abduqəniyeviç Kərimovu qəbul edirik. Tam məsuliyyətlə deməliyəm ki, ölkələrimiz arasındakı müasir münasibətlərin əsasını xalqlarımızın iki böyük lideri – İslam Kərimov və 171 Heydər Əliyev birgə problemlərin həllində səylərimizin birləşdirilməsi işində fəal əməkdaşlığa başlayanda qoymuşlar. Onlar ölkələrimizin dövlətçiliyinin əsasını qoymuşlar, sabitliyi, davamlı inkişafı təmin etmişlər. Onların rəhbərliyi altında ölkələrimiz sübut etmişlər ki, nəinki müstəqil yaşaya, həm də milli mənafelərini uğurla təmin edə, regional proseslərdə əhəmiyyətli rol oynaya bilərlər. Müasir dövrdə münasibətlərimiz məhz bu müsbət məqam üzərində qurulur və daha da genişləndirilir. Bu gün imzalanmış sənədlər və ən başlıcası, münasibətlərimizin ruhu bunu təsdiq edir. Bütün bunlar – həm forma, həm ruh, həm də qarşılıqlı anlaşma xalqlarımızın yaxınlaşmasına kömək edir. Əlbəttə ki, həm də özbək xalqının böyük oğlu, mütəfəkkir şair Əlişir Nəvainin sabah açılacaq abidəsi. Bu həm özbək xalqının böyük oğlunun xatirəsinə ehtiram əlamətidir, həm də bizim münasibətlərimizin xarakterini göstərir. Mən bu badəni Özbəkistan prezidentinin sağlığına, qardaş özbək xalqının tərəqqisi, ölkələrimiz və xalqlarımız arasında dostluğun şərəfinə qaldırmaq istəyirəm. Özbəkistan prezidenti İslam Kərimovun nitqi Hörmətli İlham Heydər oğlu! Hörmətli azərbaycanlı dostlar! Nümayəndə heyətimizə göstərilən səmimiyyətə, mehri- banlığa və qonaqpərvərliyə görə Azərbaycan Respublikasının Prezidenti İlham Əliyevə, bütün azərbaycanlı dostlarımıza ən dərin minnətdarlıq hisslərimi bildirməkdən böyük zövq və məmnunluq duyuram. Bizim xalqımız haqqında dediyi səmimi və xoş sözlərə görə, bu gün formalaşmaqda olan ikitərəfli və çoxtərəfli münasibətlərin səviyyəsini yüksək qiymətləndirdiyinə görə mən Azərbaycan prezidentinə təşəkkür edirəm. Əminəm ki, qardaş xalqlarımız və ölkələrimiz arasında bu münasibətlər bundan sonra da davam edəcəkdir. Azərbaycan ilə Özbəkistan arasında dərin hörmət və 172 etimadın təcəssümü olan münasibətlər milli dəyərlərimizin, ənənələrimizin, adətlərimizin, dilimizin, mədəniyyətlərimizin yaxınlığına, çox cəhətdən ümumiliyinə, eyni dinimizə əsaslanır və bu münasibətlərin çoxəsrlik tarixi həmişə qarşılıqlı dəstək və kömək mənbəyi olmuşdur. Əcdadlarımızın obrazları, ruhən bir- birinə yaxın olmuş böyük sələflərimiz Nizami Gəncəvi, Əlişir Nəvai və başqalarının haqlı olaraq dünya sivilizasiyasının inci- lərinə aid edilən əsərləri, yaradıcılıq irsi bütün dövrlərdə həm azərbaycanlılar, həm də özbəklər üçün ilham mənbəyi olmuşdur. Bir daha demək istəyirəm ki, sabah Bakıda görkəmli özbək şairi, mütəfəkkiri və dövlət xadimi Əlişir Nəvainin möhtəşəm abidəsinin açılışı və Azərbaycan paytaxtının mərkəzi küçələ- rindən birinə böyük özbək astronomu və maarifçisi Mirzə Uluqbəyin adının verilməsi bizim mənəvi yaxınlığımızın və möhkəm dostluğumuzun rəmzidir. Nizamini tanımayan və sevməyən bir özbək tapmaq çətindir. Zənnimcə, Əlişir Nəvainin əsərlərini oxumayan və ona ehtiram bəsləməyən azərbaycanlı tapmaq da çətindir. Özbəkistanın Xalq şairi, Azərbaycan oğlu, taleyin hökmü ilə Özbəkistan torpağında yazıb-yaratmış Maqsud Şeyxzadə bizim mənəvi yaxınlığımızı çox gözəl və dəqiq ifadə etmişdir. O özünün məşhur rübailərindən birində demişdir: Bakılı qocaya dedim: əmican, Dostluq bu mənanı kəsb edib haçan? Belə cavab verdi o müdrik qoca: «Nizami, Nəvai qardaş olandan». Bunu vurğulamaq mənə xüsusilə xoşdur ki, Maqsud Şeyxzadə milli mədəniyyətimizin inkişafında xidmətlərinə görə ölkəmizin ən yüksək mükafatlarına layiq görülmüşdür və bu gün də xalqımız ona çox böyük ehtiram bəsləyir. Bu il Daşkənddə bu gözəl şairin 100 illik yubileyi qeyd ediləcəkdir və artıq buna hazırlıq görülür. Özbək və Azərbaycan xalqları öz vətənlərində sülhün və əmin-amanlığın qorunub saxlanması naminə əsrlər boyu bir yerdə olmuşlar, biz sevincimizi də, kədərimizi də bir-birimizlə Yüklə 1,85 Mb. Dostları ilə paylaş:
|