ki, bu da şirkətlərin ödəyəcəkləri vergilərin qabaqcadan müəyyən edilməsini çətin-
ləşdirir. Nəticədə, aşağı nominal vergi dərəcələri təcrübəli biznesmenlərə ümumi
vergi yükünə nisbətən daha az təsir bağışlayır. Burada belə bir əsaslı fikir də yaranır
ki, investisiyalarla əlaqədar qərar qəbul edərkən, investorlar vergi dərəcələrindən
daha çox baza infrastruktura, siyasi sabitliyə, həmçinin əmək xərclərinə və əmək
qüvvəsinin mövcudluğuna fikir verirlər. Beləliklə də, vergilərin hər bir investorun
xərclərinin çox əhəmiyyətli və real bir tərkib hissəsi olmasına baxmayaraq, iqti-
sadçılar xəbərdar edir ki, vergi güzəştləri “hər hansı bir ölkənin investisiya
mühitindəki mənfi amilləri kompensasiya etmək üçün zəif vasitədir”. Bundan başqa,
xarici investorları xüsusi imtiyazlarla təmin edən hədsiz dərəcədə səxavətli vergi
güzəştləri kiçik və orta müəssisələrə və yerli investorlara mənfi təsir göstərə,
idarəetmə xərclərini artıra, bazar məkanında saxtalaşdırmalara səbəb ola bilər. Bütün
bunlardan aydın olur ki, mövcud korporativ vergi dərəcələrinin bütün firmalar üçün
azaldılmasını nəzərdə tutan yanaşma uzun müddət üçün daha tarazlaşdırılmış və
məqsədəuyğun bir siyasətdir. Bu siyasətin prioritet istiqamətlərinə vergiqoymanın
təkmilləşdirilmiş (sadələşdirilmiş) üsullarının aşağıdakı formalarını aid etmək olar:
Gəlir vergilərinin sadələşdirilməsi. Sadələşdirilmiş vergilər şirkətlər üçün bərabər
fəaliyyət şəraitinin yaradılmasına, vergilərin könüllü ödənişinin təmin edilməsinə,
şirkətlərin öz xərclərini qabaqcadan daha yaxşı müəyyənləşdirməsinə və daha dəqiq
maliyyə planları qurmasına, o cümlədən, vergi yığımı prosesinin asanlaşdırılmasına
kömək edə bilər. Ümumiyyətlə, şirkətlər arasında ayrı-seçkilik salmayan, aşağı
dərəcələrin tətbiq edildiyi daha sadə və ədalətli vergi sistemi birbaşa xarici in-
vestisiyalar cəlb edilməsi və sahibkarlığın inkişafı üçün ən düzgün zəmindir.
Vahid gəlir vergisi dərəcələri. Vergiqoymanın sadələşdirilməsi üsullarından biri
vergilərin artırılmasını aradan qaldıraraq “vahid gəlir vergiləri”, yəni gəlir və mənfəət
vergiləri üçün vahid tarif tətbiq etməkdir. Bu tədbirdən müəyyən şəraitdə və
müəyyən müddət üçün istifadə edilə bilər və bu, sonralar artan vergilərə potensial
qayıdış üçün bir növ müqəddimə rolunu oynaya bilər. Rusiya və Slovakiya da daxil
olmaqla Şərqi Avropa ölkələrinin bir çoxu vahid gəlir vergisini müvəffəqiyyətlə tət-
biq edir. Bu ölkələrdə qeyri-rəsmi iqtisadiyyatdan vergi ödəyicilərinin rəsmi iqti-
sadiyyata keçməsi və iqtisadi artım nəticəsində vergi gəlirləri faktiki olaraq artmışdır.
Estoniya vahid gəlir vergisi rejiminə 1994-cü ildən keçməklə Şərqi Avropada
Vahid Gəlir Vergiləri Hərəkatını qəbul edən ilk ölkə olmuşdur. Vahid gəlir vergisi
dedikdə, korporasiya gəlirlərinin və şəxsi gəlirlərin üzərinə vahid gəlir vergisi tar-
ifinin qoyulması nəzərdə tutulur. Burada ideya ondan ibarətdir ki, yeni sadələşdirmə
hökumət üçün fırıldaqların üstünün açılmasını və vergi ödənişindən yayınanların
təqib edilməsini asanlaşdırır, həmçinin vergi ödəyicilərinin istehsalat prosesini və
beləliklə də, qazanc əldə edilməsini artırmağa həvəsləndirməklə onların öz vergi
öhdəliklərini qiymətləndirməsinə kömək edir, çünki bu zaman marginal vergi
dərəcələri dəyişməz qalır. Dərəcənin azaldılması, eyni zamanda, vergidənyayınmanın
89
AZƏRBAYCANIN VERGİ JURNALI. 4/2012.
cəlbediciliyini azaldır. Vahid gəlir vergilərini tətbiq etdikdən sonra Estoniya vergi
mədaxilləri, ÜDM və xarici birbaşa investisiyaların artımına nail olmuşdur.
Vahid gəlir vergisi təcrübəsi həmçinin daha böyük ölkələrdə, o cümlədən
Rusiyada uğurlu olmuşdur. Bu ölkədə hökumət korporativ gəlir vergisini 35 faizdən
24 faizə qədər azaltmışdır. Rusiya vahid gəlir vergisi sistemini 2001-ci ildə qəbul
etmiş və elə birinci il ərzində əsas hissəsi keçmiş qanun pozucularından toplanmaqla
dövlətin vergidən əldə etdiyi gəlirlər 26 faiz artmışdır.
Buna bənzər uğurlu təcrübələr Litva, Latviya, Rumıniya və Slovakiyada da
qazanılmışdır. Bu ölkələrin çoxunda vahid gəlir vergisi dərəcələrinin orta göstəricisi
20 faizdir, lakin onlar əlavə gəlir və birbaşa xarici investisiyalar cəlb edə bilmişlər.
Bu isə onu göstərir ki, firmalar onlara öz ümumi vergi öhdəliklərini qabaqcadan
dəqiq müəyyən etmək imkanı verən vergi sistemini formal olaraq aşağı vergi
dərəcələrinin tətbiq edildiyi, lakin nəticələrin əvvəlcədən proqnozlaşdırılmasının
mümkün olmadığı mürəkkəb vergi sistemindən daha üstün tuturlar.
Estoniya hökumətinin xarici birbaşa investisiyaların cəlb edilməsi sahəsində əldə
etdiyi müvəffəqiyyətlər qismən də şirkətə təkrar yatırılan investisiyaların vergiyə
məruz qalmamasını nəzərdə tutan yeni siyasətin tətbiqi ilə əlaqədar olmuşdur.
Ümumi vergi yükünü azaltmaqla yanaşı, bu siyasət şirkətlərin öz bizneslərini
genişləndirməsi və yeni iş yerləri yaratması üçün müsbət motivasiyanı təmin edir
[2, 13].
Qeyd etməliyik ki, respublikamızda Vergi Məcəlləsinin 101.3-cü maddəsinə
əsasən hüquqi şəxs yaratmadan sahibkarlıq fəaliyyətini həyata keçirən fiziki şəxslərin
vergiyə cəlb edilən gəlirlərindən 20%, bu Məcəllənin 105.1-ci maddəsinə əsasən
müəssisələrin mənfəətindən də 20 faiz dərəcəsi ilə vergi tutulur [3, 12].
Əlavə dəyər vergisi ödənişləri. Bir sıra ölkələrin vergi sistemlərində əvvəlcə
xammaldan vergi tutulur, sonra isə bu xammaldan istehsal olunan yekun məhsuldan
yenidən vergi tutulur. Bu isə kaskad effektli çoxqatlı vergilərə gətirib çıxarır. Əlavə
dəyər vergisi (ƏDV) çoxqatlı vergi problemindən qaçmaq imkanı verir. ƏDV sonda
məhsul və ya xidmətlərin son istehlakçısından tutulur. Bu vergi hər alış-satış
mərhələsində toplanır, lakin əvvəlki alışlar zamanı ödənilmiş vergilər üçün təzmi-
natlar təmin edilir. ƏDV üzrə yerli qeydiyyatdan keçmiş şirkətlərin öz təchiza t -
çılarına ödədikləri ƏDV-nin əvəzini tələb etmək hüquqları var. Şirkətlərin vergi
orqanlarına müntəzəm olaraq ödəməli olduğu məbləğ təchizatçılara ödənilən ƏDV
məbləğlərindən (“istehsalat xərclərinə sərf edilən vergi”dən) müştərilərdən tutulan
məbləğlərin (“məhsulun satışı zamanı göstərilən əlavə dəyər vergisi”nin) çıxılmasın-
dan sonra qalan artıq məbləğdir. Xarici şirkətlər ümumiyyətlə alış zamanı ödənilən
ƏDV ödənişlərini geri ala bilər ki, bunlara görə ƏDV üzrə qeydiyyatdan keçmiş
biznes sahələri öz yerli ƏDV gəlirlərindən istehsalat xərclərinə sərf edilən vergi
çıxarışlarını tələb edə bilər. Əgər xarici biznes strukturları üçün bu cür imkanlar ol-
mazsa, ƏDV sistemi ayrı-seçkiliyə yol verən və beləliklə də, beynəlxalq ticarət
90
P.Rzayev. Biznes mühitinin formalaşmasında vergi mexanizmlərinin rolu
Dostları ilə paylaş: |