82
Əsrin şairi IX
qırmızı bir gülə dönmüşdür.
Yaralar cizmi-nazənində
Qızarır, sanki qönçeyi-güldür.
Zəf məşhuddur cəbinində,
Bəncə təsviri-halı müşküldür.
Məhv olur fikr edincə cismü tənim,
Aman Allah! Odur bənim vətənim!
Keçmiş zamanlarda şairin vətəni maarif və mədəniyyətcə
yer üzünün gülşəni sayılırdı. Orada elm və maarif günəş kimi
parlayırdı, böyük mədəniyyət – sivilizasiya var idi.
Ey vətən! Səndə parlayanda ziya
Büsbütün əhli-Qərb cahilimiş...
Bəs sonra nə olmuşdur ki, onun vətəni – türk elləri, Tür-
küstan, Qafqazstan geri qalmış, tənəzzülə uğramışdır? Kəsbi-
qəflət edib, libası qanlı kəfən olmuşdur?
Şimdi bulmuş vüqu əksi-qəza,
Əcəba bu nasıl təğafilimiş?..
Güluyor həp tamam əhli-cihan
Şu əsəfiştimali – halimizə,
Aman Allah! Nə dərdi – bidərman,
Gəliyormiydi hiç xəyalimizə?
Bizi, ey yer! Yarıl da kamına çək!
Eyidir bu həyatdan ölmək.
Vətənin geri qalmasına səbəb – cəhalət, cəhalət, cəhalət!..
Onu bu hala salan – qəflət, qəflət, qəflət!.. Bu səbəbdən vətən get-
gedə “qabili-zəval olmuş, ayaq altında paymal olmuşdu.”
İstibdad zülmünün atəşi canımızı yaxmış, hüququmuz bərbad
olmuşdu.
Daha məhv etdi artıq istibdad,
Yaqdı zülm atəşinə canımızı,
83
İsgəndər Atilla
Oldu hər bir hüququmuz bərbad,
Dinləməz kimsə əlamanımızı.
Bu nə dəhşətli haldır, ya Rəb,
Bilməm ki, nədir bu hala səbəb.
Əslində şair keçirdiyi halın, çəkdiyi ahın və iztirabın sə-
bəbini gözəl bilirdi və buna təəssüflənirdi. Vətəninin gələcəyinə
ümidlə baxan şair, “Bana gəl! Gəl bana zavallı vətən // Hiç
unutmam səni bu halilə bən.” deyərək, milləti, vətən kişilərini
qeyrətə dəvət edirdi. Vətənin səadətini onun ərlərinin əməlində,
himmətində, qeyrətində görürdü.
Mayeyi-iftixarı ər kişinin
Vətən uğrunda fəzli-himmətdir.
Lafə baqmazlar, iştə hər kişinin
İşi ayinəsində müsbətdir.
Qeyrət istər ki, can nisar edəlim,
Mədəniyyətlə iftixar edəlim.
Şair demək istəyirdi ki, dünya ilə ayaqlaşmaq istəyən millət
gərək əməldə, dildə, fikirdə bir olsun. Mədəniyyətə - elmə, təhsilə,
maarifə diqqət yetirsin. Millət yalnız elmin və təhsilin qanadların-
da yüksələ bilər. Bu fikirlər onun məqalə və əsərlərində xüsusi yer
tutur, “İblis” faciəsində təsadüfən demir:
- Turana qılıcdan daha kəskin ulu qüvvət.
Yalnız mədəniyyət, mədəniyyət, mədəniyyət...
2.4. Qəzəlləri
Şair qəzəllərini həm farsca, həm də türkcə yazmışdır. “Bahar
şəbnəmləri” kitabına 5 qəzəlini daxil etmişdir. Bundan başqa, o,
“Şeyx Sənan”, “Şeyda”, “Peyğəmbər” və “Xəyyam” dramalarında
qəzəl janrından və muğamların müxtəlif növlərindən istifadə
etmişdir.
Xaqanidən tutmuş bu günə qədər yüzlərcə şair qəzəl
84
Əsrin şairi IX
janrında gözəl əsərlər yazmış və yazırlar. Sovet ideologiyasının
təsiri altında bu janrı gözdən salmağa cəhd və təşəbbüslər
göstərilsə də, qəzəl müasir Azərbaycan ədəbiyyatında klassik
şeirin bir janrı kimi yaşamış və inkişaf etmişdir. Mən bu
baxımdan Əlağa Vahidin adını xüsusi qeyd etmək istəyirəm.
O qanlı-qadalı illərdə bəzi sovet yazıçıları Cavid həbs edilən
kimi cızmaqaralar yazdılar, qəzet və jurnallarda ona böhtan
atdılar, parlaq sənətinə ləkə yaxmağa çalışdılar. Fəqət yel qayadan
heç bir şey apara bilmədi. Əlağa Vahid Cavidlə kəsdiyi çörəyə xə-
yanət etmədi. O, Sibir torpağında əbədi uyuyarkən, haqqında
danışmaq və yazmaq, əsərlərini çap etmək və tamaşaya qoymaq
qadağan edilərkən, Vahid məşhur bir qəzəlini ona ithaf etdi. Öz
şairlik borcunu yerinə yetirdi. Xanəndələrimiz həmin qəzəli
radioda və məclislərdə oxuyub, Cavidi xatırladılar, ruhunu şad
etdilər.
Cavid həmişə xəlqimizin xatirindədir,
Vahid, o yoxsa, ruhu ilə həmvətənlərik.
Qəzəl klassik şeirin məşhur və geniş yayılmış janrıdır. Daha
çox aşiqanə məzmuna malikdir. Bir çox qəzəl aşiqanə
məzmundan başqa, ictimai məzmun daşıyır və s. Gənc şair Gülçin
və Salik də öz gücünü, öncə bu janrda sınayır. Qəzəllərini həm
müəllimi Məşədi Tağı Sidqinin, həm də klassik qəzəl şairlərinin
təsiri altında yazır.
Verdim o gün ki, zülfi-pərişanə gönlümü,
Saldı nigar o zülfdə zindanə gönlümü.
- beytilə başlayan və türkcə yazılan qəzəl 16 misradır. Lirik
qəhrəman könlünü zülfündə zindana salan sevgilisinə yalvarır ki,
onu bu zindandan azad etsin. Fəqət sevgilisi onun divanə
könlünü saçlarının zəncirinə daha möhkəm bağlayır. O, tərsa
qızının cəmalına nə qədər uyursa, pərvanə könlünü atəşdə
yandırır. Kafər balasına məhəbbəti artdıqca, o, cəfaye-naz ilə
şairin könlünü viran edir. Məstanə könlünü bəlayi-firqətə salır.
Dostları ilə paylaş: |