79
IV BÖLÜM
TELEXƏBƏRİN HAZIRLANMASI /
TAPŞIRIQLAR / ƏDƏBİYYAT
TAPŞIRIQ 7:
İkibölümlü tapşırıqdır. Öncə testi çözür, sonra verilən
tələblərə dayanıb ssenari yazmalısan.
1) Test: Jurnalistləriniz uzunmüddətli araşdırma
ilə məşğuldur. Onlar topladıqları bilgi və dəlilləri
yoxlayıb, azı iki müstəqil qaynaqdan təsdiqləyərək
informasiyanın düzgünlüyünə əmin olublar. Növbəti
addım nöqsanlara yol verdiyi iddia edilən şəxslərin özəl
yaşamına müdaxilə ittihamlarının önünü kəsməkdir.
Danılmaz dəliliniz varsa, bunu polis və başqa rəsmi qu-
rumlar təsdiqləyirsə, hansı halda şəxsin özəl yaşamına
qarışmaq əsaslandırıla bilər?
Həmin şəxs:
a) cinayət əməlinə yol veribsə;
b) korrupsiyaya cəlb olunubsa;
c) səriştəsizlik və etinasızlıqda suçlanıbsa;
d) ictimai sağlamlıq və güvənliyə qorxu yaradıbsa;
e) ictimaiyyəti çaşdıran açıqlamalar edibsə;
f) hökumət rəsmilərinin nüfuzuna zərbə vuran siyasi
bəyanatlar veribsə;
g) yerli biznesə zərbə vuran bəyanatlar veribsə;
h) yuxarıdakıların hamısı.
2) İndi bu mövzunu konkret əhvalat əsasında, üstəlik,
stendap, interküy və xəbər qrafikindən yararlanaraq
ssenari hazırla və dərsdə müzakirəyə çıxar.
TAPŞIRIQ 8:
Qəliz bir mövzu seçib, həmin mövzunu açmaqdan ötrü
özgün baxış bucağı tapmağa çalışın. Öz mövqeyinizi
sizinlə birgə çalışan daha təcrübəli həmkarlarınızla
müzakirə və müdafiə etməyə can atın. Xəbərinizi daha
da dolğunlaşdırmağa, hətta baxış bucağınızı dəyişməyə
hazır olun. Müzakirədən sonra material üzərində işə
başlayın.
1. Oya Tokgöz. Temel gazetecilik.6-cı baskı.Ankara, 2006
2. Erkan Yüksel, Halil İbrahim Gürcan. Habercinin el rehberi. Eskişehir, 2001
3. Erik Meyin seminarları; www.internews.az
4. Məmmədli Z., Əliyev İ., Hacılı R. Media hüququ. Bakı, 2005
5. Məmmədli Z. A-dan Z-yə telexəbər. Bakı, “Yeni Nəsil”, 2009
6. Repkova T., Demokratik cəmiyyətdə peşəkar qəzet buraxmaq yolları. Bakı, “Qanun”, 2006
7. Девид Рендалл. Универсальный журналист. Москва, 2003
8. Справочник по свободе массовой информации в Интернете. Москва, 2007
9. Виктория Маккаллах Кэрролл. Новости на ТВ. Москва, «Мир», 2000
10. Johan Galtung, C. Vincent Richard. Global Glasnost: Toward a New Information and Communication Order?
Hampton Press, 1992
11. Jan Shaffer. Civic journalism: Redefining News. Engaging Readers. Making a Difference. Bax: www. Pewcent-
er.org/doingcj/speeches/s_kobe.html(232001)
12. Wilbur Schramm. Messages and Media: A Look at Human Communication. Harper and Row. New York, 1973
ƏDƏBİYYAT
80
V BÖLÜM
XƏBƏR BURAXILIŞI NƏDİR?
XƏBƏR PROQRAMLARI FORMATLARI
Yayım jurnalisti kimi bizim fəaliyyətin sonucu –
yaratdığımız televiziya məhsulunu seyrçiyə başdan
sona izlətməkdir. Bu gundəlik xəbərlər, yaxud infor-
masiya buraxılışı ola bilər. Jurnalist və telexəbərçilər
komandası öz efir vaxtından maksimum effektli
yararlanmağa çalışmalıdır.
• Ana xəbər və ara xəbərlər
• Xəbər bülleteni
• Fləş xəbərlər
• Həftəsonu bülleteni
• Xəbər buraxılışları
• 24 saatlıq xəbərlər
Xəbər jurnalistikasının əsas hədəfi öz xəbərlərini
izləyiciyə ən uyğun və rahat formada çatdırmaqdır.
Çünki televiziya xəbərləri illər öncəki kimi yeganə,
tək və təkrarolunmaz lider mövqeyində deyil. Artıq
izləyicinin aldığı ilk xəbər qaynağı televiziya xəbərləri
olmaya da bilər. Buna görə də televiziya xəbərçiləri
yeniliklərin çatdırılma üsullarını bir də gözdən
keçirməli, yenidən dəyərləndirməlidir.
İlk baxışda heç nə dəyişməyib – yaxşı, savadlı, diqqətlə
tərtib olunmuş vizual materiala maraq, çatımlı tərzdə
Bu bölümdə siz televiziyada xəbər buraxılışının
istehsalının əsas prinsiplərini öyrənəcəksinız. Ümumi
qaydalara və prinsiplərə bələd olduqdan sonra bunları
işlədiyiniz və ya gələcəkdə işləyəcəyiniz redaksiyanın
fəaliyyətinə uyğunlaşdırmaq asandır.
yazılmış kadrarxası və kadrda səslənən mətnlərə
ehtiyac aradan qalxmayıb. Ona görə də yayımçılar,
televiziya jurnalistləri bu müsbət cəhətləri öz güclü
tərəflərinə çevirməyi bacarmalıdırlar. Və təbii ki,
dünya televiziya jurnalistikasında, daha az isə bizim
yerli televiziyaçılıqda xəbərlərin çatdırılmasının çoxlu
forma və ölçüləri var. Bura çox dinamik, qısa xəbər
başlıqlarından tutmuş, dayanmadan informasiya verən
24 saatlıq xəbər kanallarına qədər müxtəlif formatlar
daxildir.
Xəbər buraxılışları formatları çeşidləməsində iki kate-
qoriya müəyyənləşdirilir - ana xəbər və ara xəbər. Bu
çeşidlənmə zamanı iki prinsip əsas götürülür
1. Buraxılışın vaxtı (buraxılışın hansı zaman kəsiyində
yayımlanmağı)
2. Buraxılışın hədəf auditoriyası (buraxılışın kimlərə
ünvanlanması)
• Xəbər buraxılışı nədir?
• Xəbər proqramları formatları hansılardır?
• Ana xəbər bülleteni nədir?
• Xəbər buraxılışı necə hazırlanır?
• Xəbər buraxılışı hazırlığının texniki elementləri nədir?
• Xəbərin oxunuş sürətini necə ölçməli?
TELEXƏBƏR PROQRAMININ MENECMENTİ
XƏBƏR BURAXILIŞI NƏDİR? / XƏBƏR PROQRAMLARI FORMATLARI
81
V BÖLÜM
ANA XƏBƏR BÜLLETENİ NƏDİR?
XƏBƏR BÜLLETENİ
Televiziya xəbərçiliyində “prime-time”ın (ən çox
televiziya izləyicisinin ekran başında olduğu zaman
kəsimi - 20.00- 23.00 arası) başlanğıcında yayımlanan
axşam xəbər bületeninə ana xəbər bülleteni deyilir.
Ən çox izlənilən seqment olaraq televiziya kanalının
izləyicilərinə təsiri, inamı və gücü ana xəbər bülleteni
ilə ölçülür. Buna görə də: “Ana xəbər telekanalın nüfu-
zudur”, - deyə bilərik.
• Ana xəbər kanalın TV xəbər xidməti (və ya xəbər
mərkəzi) tərəfindən hazırlanır. Ana xəbəri, əsasən,
məşhur bir xəbər aparıcısı, yaxud ankorman, ya da
xəbər mərkəzinin xəbəri təhlil edərək çatdıra biləcək
rəhbərlərindən olan professional jurnalist aparır.
• Unutmayın: ana xəbər bülleteninin xəbərləri,
kontenti bütünlükdə telekanalın yayım siyasəti
çərçivəsinə uyğun olaraq seçilir.
• Ana xəbər bülleteninin həcmi də telekanalın yayım
siyasəti və yayım tərzinə uyğun olaraq, 45- 60 dəqiqə
müddətində olur. Bir ana xəbər bülletenində təxminən
20-25 xəbər olur.
Xəbər bülleteni gün ərzində baş vermiş olayların kiçik,
yığcam, 1-5 dəqiqəlik buraxılışlarıdır. Onun daxilindəki
sujetlər, xəbərlərin hər biri təqribən 10-30 saniyəlik
zaman kəsimində çatdırılmalıdır. Bülletenlər müntəzəm
efirə verilir. Amma xəbər bülletenlərinin daha bir
formatı da var, bunlar xüsusi bülletenlər adlanır.
• Ana xəbər bülleteni öncədən hazırlanmış xəbər
süjetləri (televiziyaçıların slenqində bu material,
reportaj, yayım bantı və s. kimi də adlandırıla bilər)
və süjetlərdən öncə aparıcı, xəbər spikeri və ya
ankormanın xəbərlə əlaqədar qısa təqdimatından
ibarət olur. Ana xəbər bülletenində canlı bağlantılar,
studiyaya xüsusi dəvət olunmuş və canlı yayıma çıxan
qonaqlar da ola bilər.
• Ana xəbər bülleteninin sırası öncədən hazırlanır;
olay yerindən çəkilən kadrların üzərinə mətn oxunur,
olayın təbii səsi və xəbərlə əlaqəsi olan insanlardan
alınan müsahibələr daxil edilir, bütün bunlar məntiqli
bir formada əlaqələndirilərək bant, süjet halında VTR
(Video Tape Recoder)-dən yayımlanır. Onlar öncədən
müəyyən olunmuş sıra ilə xəbər spikerinin lakonik
təqdimatı ilə efirə verilir.
• Xəbər spikeri təqdimatında yardımçı alət kimi xəbər
masası üzərindəki yazılı mətn və ya telesuflyora
yerləşdirilmiş mətndən yararlanır.
Bu sadə və çatımlı prinsipi anladıqdan sonra dünya
jurnalistikasında xəbər buraxılışının digər formatlarını
gözdən keçirək.
QEYD. Böyük Britaniyada xəbərlərin yığcam icmalına
bülleten deyilir. ABŞ-da isə bülleten Britaniyada
nyusfləş adlandırılan, bir olaya həsr olunmuş kiçik
xəbər buraxılışına deyilir (BJ, səh. 137) Yəni xəbərçilık
terminologiyası müxtəlif ölkələrdə fərgli ola bilər.
TELEXƏBƏR PROQRAMININ MENECMENTİ
ANA XƏBƏR BÜLLETENİ NƏDİR? / XƏBƏR BÜLLETENİ
Dostları ilə paylaş: |