Karimova shoira mikrobiologiya va immunologiya, virusologiya

KTYUK ning mikrobiologik diagnostikasi.

Nozokominal yuqumli kasalliklarni erta aniqlash ularning yaxshi prognozidan darak beradi. Qisman yatrogen infeksiyaning belgilari, davolanayotgan bemorning sababsiz tana haroratini ko‘tarilishi bo‘lishi mumkin.
Jadval 21.
KTYUK kelib chiqishiga moyillik qiluvchi holatlar va asosiy ularni etiologik agentlari

Moyillik qiluvchi holatlar	Asosiy qo‘zg‘atuvchilar
Siydik yo‘lida kateter bo‘lishi	Serrata marcescens, Pseudomonas aerugenosa, Proteus sp.
Begona kiritmalar (tanaga, venaga qo‘yilgan kateter, kanyula, protezlar)	Staphylococcus epidermidis, Staphylococcus areus, Propionbacterium acnes, Candida va Aspergillus turlari
Operativ, jarrohlik aralashuvlari	Staphylococcus epidermidis, Staphylococcus areus, Bacteroides turlari, Clostridium perfringens, Pseudomonas aerugenosa va boshqa anaerob, fakultativlar.
Kuyish	Pseudomonas aerugenosa
Splenektomiya (taloqni olib tashlash	Streptococcus pneumoniae
Qandli diabet	Pseudomonas aerugenosa, Staphylococcus areus, Candida albicans va fikomitsitlar
Qon hosil bo‘lishni buzilishi	Creptococcus neoformans, suv chechak virusi, SMV, Listeria monocytogens
Alkogolizm	Streptococcus pneumoniae, Klebsiella pneumoniae, Listeria monocytogens
Glikokortikoidlarni qabul qilish	Staphylococcus epidermidis, Staphylococcus areus, Mycobacterium tuberculosis,turli virus va zamburug‘lar.

Agar KTYUK ga shubha qilinsa mikrobioligik tekshiruv o‘tkaziladi. Nozokominal yuqumli kasalliklarni diagnostikasini qo‘shimcha kasalliklar qiyinlashtirishi mumkin. Tekshirish uchun patologik materiallarni olish va bakteriologik tekshiruv o‘tkazishda quyidagilarga ahamiyat berilishi zarur:

1. 
   Tekshirish materiallari asseptik qoidalarga rioya qilingan holda steril maxsus konteynerlarga olinadi, chunki potensial qo‘zg‘atuvchi har qanday bakteriya bo‘lishi mumkin;
   
2. 
   Olingan patologik materialni maksimal tez laboratoriyaga etkazish;
   
3. 
   Sinama (material) har doim olinishi kerak.
   

Nozokominal yuqumli kasalliklarni diagnostikasida asosan bakteriologik, virusologik, mikologik va serologik usullar qo‘llaniladi. SHu bilan bir qatorda shartli patogen bakteriyalarning diagnostikasida ularning sinamalardagi miqdoriy ko‘rsatkichlariga ham ahamiyat beriladi.