jarayon oxirida, ayniqsa momiq ajratilganda va uni shibbalaganda organik chang
ajraladi. Paxtani pnevmotransport tizimida ishlatilgan havoda 10-20
foizgacha
organik va 80-90 foiz mineral zarralar bo‗ladi.
Linterlash texnologik jarayonining oxirida momiqni zichlash sexiga havo
yordamida uzatilishi sababli lint qoidalaridan chiqarilgan havo tarkibida organik
fraksiya ulushi 90 foizgacha yetadi. Agar bunday zararli iflosliklardan
havoni
tozalamasdan atrof-muhitga chiqaradigan bo‗lsak, unda paxta tozalash zavod hududi
chang bosib qo‗ymasdan atrof-muhiti ekologiyasiga ham katta zarar keltirgan bo‗lar
edi. Shuning uchun paxta tozalash zavodining chang chiqaradigan barcha texnologik
uskunalari va mexanizmlari mahalliy havo so‗rish tizimi bilan ta‘minlanishi kerak.
Paxta tozalash zavodining jami texnologik uskunalari chang ajratadi va
mahalliy chang so‗rish uskuna hamda mexanizmlarni changsizlantirishning
asosiy
usuli bo‗lib hisoblanadi.
Ish joylariga changning chiqishini kamaytirish maqsadida texnologik uskunalar
tirqishlarini biriktirish uchun quyidagilarni bajarish shart:
chigitli paxtani quritish barabani bilan dudburon shaxtasi tutashtirilgan joyni
issiqqa chidamli rezina bilan zichlash kerak;
chigitli paxtani quritkichdan transport vositasiga tushadigan joyini yopgich bilan
jihozlash;
chigitli paxtaning transportyordan transportyorga tushish joyini havo so‗riladigan
yopgich bilan ta‘minlash;
mayda iflosliklardan tozalagich uskunasining chigitli paxtani konveyerga tushish
joyini yopgich bilan jihozlash;
jin va literlardan chigitning chigit konveyeriga tushish joyini zich berkitishdan
iborat.
Sexga chang chiqishini va havo almashuvini kamaytirish maqsadida 1VP yoki
3OVP-M rusumli tola tozalagichlarga jin va linterlar qatorlariga o‗rnatilgan arrali
silindrdan tola hamda lint (momiq) olish uchun ishlatiladigan ventilatorlarga havoni
tashkiliy ravishda berishni tashkil qilish kerak.
Yuqorida aytib o‗tilgan paxta tozalash zavodlarining sexlari ichiga o‗rnatilgan
texnologik uskunalarning ishlash jarayonida ko‗plab zararli mineral hamda organik
iflosliklar va kimyoviy moddalar ajralib chiqadi. Ularni havo quvurlari orqali
ventilator ko‗magida chang tutish qurilmalariga berilib, keyin tozalangan holda atrof-
muhitiga uzatiladi. YA‘ni, paxta tozalash zavodi hududida va uning atrofidagi aholi
joylashgan maskanlarning ekologik xavfsizligini ta‘minlash uchun bajariladi.
Atmosfera havosining 78 foizini azot, 20,95 foizini kislurod, 0,93
foizini
argon, 0,03 foizini karbonat angidrid va boshqa changlar, gazlar, havo bug‗lari tashkil
qiladi.
Bir kishi bir kecha-kunduz (sutka)da o‗rtacha 1 kg ovqat, 2 litr suv iste‘mol
qilsa, nafas olish natijasida esa 25 kg havoni yutadi.
Bundan kelib chiqadigan xulosa atrof-muhit va atmosferani iflos chiqindilardan
himoya qilish paxta sanoati korxonalarining asosiy muammolarining biri bo‗lib
hisoblanadi. Hozirgi kunda atrof-muhitni iflos chiqindilardan qo‗riqlash uchun har xil
chang tutgich (ushlash) qurilmalari va moslamalaridan foydalaniladi. Har bir
changsizlantiradigan qurilma chang tutish samarasi bilan tavsiflanadi u quyidagi
tenglama bilan ifodalanadi:
%
100
*
1
2
G
G
bunda: G
l
— ishlov beriladigan havo changning umumiy vazni, mg;
G
2
— changsizlantirish qurilmasi tomonidan tutilgan chang vazni, mg.
Bir necha ketma-ket o‗rnatilgan chang tutkichlarning
umumiy chang tutish
samaradorligi ushbu formula bo‗yicha aniqlanadi:
%
100
*
)
1
(
*
)...
1
(
*
)
1
(
1
2
1
n
um
bunda: η
1,
η
2
... η
n
- har bir ketma-ket o‗rnatilgan chang tutkichlarning chang
tutish samaradorligi.
Markazdan qochirma chang tutkichlar (siklonlar) changning ajratish uchun
tutqich korpusida havoning aylanma harakati natijasida paydo bo‗ladigan markazdan
qochma kuchdan foydalanadigan quruq inersion tutkichlardir. Chang tutkichning
korpusi silindrsimon, silindrsimon-konusli yoki konussimon shaklda bo‗lishi
mumkin. Havoni tozalash samaradorligi 85-90 foiz.
Keyingi paytlarda paxta tozalash zavodlarida havo bo‗yicha ish unumdorligi 3
va 6 m3/s bo‗lgan girdobli VZP-800 va VZP-1200 rusumli
chang tutkichlar keng
ishlatilmoqda. Uchrashuvchi burama oqimli mazkur chang tutkichlar havoni quruq
markazdan qochma usulidagi tozalovchi chang tutkichlar guruhiga kiradi va chigitli
paxtani qayta ishlashda foydalaniladigan iflos havoni tozalash uchun mo‗ljallangan.
Hozirgi vaqtda bu girdobli chang tutkichlarning VZP-M3 rusumli takomillashtirilgan
turlari ishlab chiqarishga joriy etilmoqda. Havoni tozalash samaradorligi 91-95 foiz.
Respublika ilmiy markazi (RIM) «Paxtasanoat» bilan Moskva to‗qimachilik
instituti (MTI) hamkorligida yuqori samaradorli, uch siklonli chang tutkich qurilma
ishlab chiqildi. Undan chigitli paxta uchun havo yordamida
tashish tizimining
ishlatiladigan havosini tozalash uchun foydalaniladi.
Qurilma ikkita VZP-M3, siklon UVS,-3M, yig‗ma vintli konveyer, ventilator,
ventilatordan chiqishda havo oqimini ajratish uchun ayri quvur diametri 450 mm
havo o‗tkazgich va bog‗lovchi elementlardan iborat. Chang tutish samaradorligi 96-
98 foizgacha bo‗ladi.