.
127
taleyi haqqında nigarançılıq da yaratdı. Bununla belə əx-
laqi dəyərlərin yaranması insanın, həm də cəmiyyətin
humanistləşməsi prosesini sürətləndirdi. İnsan həyatının
başlıca məqsədi insanpərvərlik və yüksək humanizm ide-
yaları oldu. Ruh azadlıqdır; dualizm azadlıq və zərurət
dualizmidir; ruh və mənəviyyat təbii və tarixi dünyanı də-
yişdirir, aydınlaşdırır və s. kimi ideyalar cəmiyyətə yol
tapdı. Berdyayev göstərirdi ki, Hegelin inandığı tərəqqi-
nin, ruh və mənəviyyatın tarixdə inkişaf etdiyinə inanmaq
düzgün deyildir. Ruh tarixdə obyektivləşir, cılızlaşır, bax-
mayaraq ki, o elementar şəkildə öz şüurunu artırır. Onun
əsl inkişafı isə transsendental, Allaha doğru gedən yoldur.
İnsan öz həqiqi, daxili “Mən”i uğrunda, sitezedici birlik
uğrunda mübarizə aparmalıdır.
İnsan haqqında elm antropologiya termini yunanca
"ánthropos" ("insan") və "lógos" ("söz, elm") sözlərinin
birləşməsindən əmələ gəlmişdir. Əgər biz fəlsəfə tarixinə
diqqətlə nəzər yetirsək insan problemi haqqında qədim
yunan filosofların irəli sürdüyü müxtəlif konsepsiyaların
şahidi olarıq. Qeyd edək ki, fəlsəfə tarixində insan proble-
mini ilk dəfə ciddi surətdə araşdıran da elə qədim yunan
filosofu Sokrat olmuşdur. “Antik yunan filosoflarından
biri olan Prataqor yazırdı ki, insan hər şeyin ölçüsüdür.
İnsan bioloji bir varlıq kimi dünyaya gəlir, fərd kimi böyü-
yür, fərdiyyət kimi yetişir, şəxsiyyət kimi formalaşıb so-
sial varlığa çevrilir. Lakin hər insan şəxsiyyət kimi forma-
laşa bilmir. Antik dövrün məşhur yunan filosofu Diogen
gündüz günorta çağı əlində çıraq adam axtararmış. Görü-
nür, əsl insanın mövcudluğu bir tək bizim günlərin prob-
lemi deyilmiş. Akademik V.İ.Vernadski yazır ki, fəlsəfə
elə əbədi problemlərə toxunur ki, onlar haqqında heç vaxt
.
128
son söz söyləmək olmaz. Belə əbədi problemlərdən ən
başlıcası elə məhz insan problemidir. Bu problem özlü-
yündə akademizmi tələb edir, yəni daim öyrənilməsi zəru-
rətini yaradır. İnsana bir neçə prizmadan yanaşmaq müm-
kündür: fiziki cəhətdən; mücərrəd varlıq kimi; tarixi şəx-
siyyət kimi; nəhayət, sosial varlıq kimi və bizim başa düş-
düyümüz mənada, yəni “adam” kimi. Bu cəhətlər tarixən
bütün filosofların insan haqqında rəylərinin əsasını təşkil
etmişdir.”
11
Qeyd edək ki, Fridrix Şlegelin azadlıq haqqında
olan fikirləri XIX yüzilliyin bəşər tarixində özünəməxsus-
luğu ilə seçilrdi. O, hesab edirdi ki, insanın təbiətinə və
mahiyyətinə aid olan ən başlıca keyfiyyət məhz azadlıqdır.
Azadlıq insanın mahiyyətini təşkil edir. Başqa sözlə, bun-
lar dünyanın inkişaf qanunları – məhz azadlıq qanunları-
dır. Bu qanunlar bütövlüyü, vahidliyi və mütəşəkilliyi
təmin edir. Bütövlüyün qanunauyğunluğunu təmin edən
bir ideal vardır. O, ali cəmiyyət təşkilində bütün təsisat və
təşkilatların ümumi tipidir. İnsan azadlığı isə, dünyada ən
ali bəşəri və ülvi hisslərdən biri hesab olunur. Burada əsas
məsələ insanın dünyaya təsir etmək imkanının olub-olma-
masındadır. Əgər dünyanın əsasında idealistcəsinə,
“Mən”in əmələ gəlməsini və formalaşmasını dünyanın
əsası kimi qəbul etsək, onda bu suala müsbət cavab tap-
maq olar. Dünya inkişaf etdikcə o, daima hərəkətdə olur
və burada azadlıq tapmaq isə mütləq və gerçəkdir. Əgər
dünyanın inkişafı bitmiş olsaydı, onda azadlıq tapmaq
mümkün olmazdı. İnsan isə dünyanın şah əsəri və ən ali
varlığıdır ki, o, dünyanın məqsədlərinin həyata keçirilmə-
11
Ə.M. Tağıyev. Fəlsəfə (dərs vəsaiti). Bakı, 2012, s.158
.
129
sinə və dəyişməsinə əsaslı dərəcədə təsir göstərə bilir.
Aydındır ki, insan dünyaya real şəkildə təsir etmək imka-
nını yalnız kollektiv, bəşəriyyət şəklində əldə edə bilir.
Yalnız birləşmiş bəşəriyyət dünyaya təsir göstərməklə onu
formalaşdırıb nizama sala bilər.
Buraya Benedikt Spinozanın (“azadlıq dərk edilmiş
zərurətdir”), Hegelin (insan öz bədənin və ruhunun kamil-
liyinə nail olmaqla, özünüdərk yolu ilə özünün, başqala-
rının mahiyyətini mənimsəməklə azad olur), Karl Marksın
(insanların azad, şüurlu fəaliyyəti onların başlıca əlamətini
təşkil edir, azadlıq tarixi inkişafın zəruri məhsuludur;
mədəni inkişafın hər bir mərhələsi azadlığa doğru olan bir
addımdır), XX və XXI yüzilliyin filosoflarının və polito-
loqların azadlıq haqqındakı olan fikirlərini də nəzərə al-
saq, görərik ki, azadlıq həqiqətən insanın fəal mövqeyə,
özünəməxsus fəaliyyətə, qabiliyyətli olmağa sövq edən
amillərdən biridir. İnsan öz maraqlarına, mənafe və
tələbatlarına uyğun olaraq qarşısına məqsədlər qoyur və
onlara nail olmağa çalışır, imkanları gerçəkləşdirməklə o,
daxili azadlığa olan qabiliyyətini praktiki şəkildə realizə
edir. “Orteqa i Qasset “Don Kixot haqqında düşüncələr”
əsərində yazır ki, insan “mən” ilə onun ətraf mühitinin
məcmusundan ibarətdir. İnsan ona görə şüur və idrak sub-
yektidir ki, şəraitə söykənərək, o, ətraf aləmi müəyyən
fərdi perspektivə çevirir. Orta əsr filosofları insanı “in” və
“san”ın, yəni ruhun və canın məcmusu hesab edirdilər.
Antik yunan filosofları Platon və Aristotel insanı “danışan
heyvan” (speaking animal) “siyasi heyvan” (zoonpoliti-
kon), “alət düzəldən heyvan” (tool making animal) və s.
kimi nəzərdən keçirirdilər. Yeni dövrün filosoflarından
Dekart insanı ağıl və zəkanın daşıyıcısı sayırdı. “Düşünü-
Dostları ilə paylaş: |