.
148
XVIII əsr fransız alimi Helvetsi insana bütöv və
hərtərəfli yanaşmağın zəruriliyini göstərərək yazırdı: “İn-
san haqqında elm tam mənada götürüldükdə hüdudsuzdur,
onu öyrənmək uzun və çətin işdir. İnsan müxtəlif rəssam-
ların seyr etməsi üçün sərgiyə qoyulmuş modelə bən-
zəyir”.
İnsan varlığı haqqında Şərq və Qərb modellərinin
yaranması sivilizasiya tarixində iki mədəniyyətin və mə-
nəviyyatın mövcudluğundan irəli gəlir. Qərb mənəviyya-
tında istifadə olunan dini prinsip yaradan Allah və insan
arasında münsabətlər müəyyən dualizmə əsaslanır. Şərq
mədəniyyətində də Allah və insan arasında uçurum unu-
dulmur, bununla belə insandakı ölməz, qeyri-cismani baş-
lanğıcların olması ideyası qəbul olunur. Məsələn, hind
mənəviyyatında belə bir təsəvvür var idı ki, Allah və insan
arasında heç bir fərq yoxdur, insandakı ilahi başlanğıc elə
Allahın özüdür; “Eqo” total şəkildə (bütövlükdə), mütləq
“Mən”in (insanda həqiqi Mən olanın) naminə inkar edir.
Qərbdə isə dindən yalnız Axirət günündə, özü də yalnız
peyğəmbərlər imtina edə bilərlər (bu zaman onlar Allaha
qovuşurlar).
Şərqdə insanlar Allahları seçirsə, Qərbdə əksinə,
sanki, Allah insanları seçir.Şərqdə göstərilirdi ki, fövqəl
biliyə nəyinki vəhy, həm də insana xas olan fövqəl-rasio-
nal, intuisiya yolu ilə nail olmaq mümkündür.Qərbdə isə
bu yol qeyri-məqbul hesab edilirdi.Şərqdə əsasən diqqət
idarəetməyə, mənəvi özünüifadəyə (o cümlədən kosmolo-
giyaya) yetirilirsə, Qərbdə daha çox rasional fəallıq gözə
çarpır. Şərqdə ali mənəvi ideal - Allah sifətində qərarlaş-
maq, öz ifadəsini tapmaqdırsa, Qərbdə söhbət yalnız ru-
hun xilasından (o da Axirət günündə) gedir.
.
149
Müasir elmi ədəbiyyatlarda insanın təbiəti və insa-
nın mahiyyəti anlayışları fərqləndirilir.İnsanın təbiəti de-
dikdə - “Homo sapiens” nəslinə xas olan daimi, dəyişil-
məz xüsusiyyətlər, ümumi qabiliyyət və keyfiyyətlər nə-
zərdə tutulur. İnsanın mahiyyətini isə onun zəkası, yaratdı-
ğı maddi və mənəvi sərvətlər, sosial həyatın müxtəlif for-
maları ifadə edir. Bu gün alimlər insanın mahiyyətini
müxtəlif şəkildə izah edir, onun təbiətə, cəmiyyətə, Allaha
və özünə qarşı olan münasibətini öyrənir və insanın əvəz-
olunmaz bir varlq olmasnı bir daha təsdiqləyirlər.
5.3. İnsanın sosial həyat tərzi və mentaliteti
İctimai əlaqələrdə insanin sosial həyat tərzi və
mentaliteti əsas prioritet istiqamətlərdən biri hesab edilir.
İctimai inkişaf nəticəsində insanın bioloji və sosial keyfiy-
yətləri arasında yeni əlaqələr yaranır, insan və təbiət ara-
sındakı münasibətlər sosial-mədəni həyat əsasında qurul-
mağa başlayır. Hər bir dövr isə insanda özünəməxsus iz
buraxır, “yeni insan” tələbi ilə meydana çıxır. Bu isə in-
sanda mentalitetin formalaşdırılmasına şərait yaradır.
Ağıllılıq, mənəviyyat, əxlaqi məsuliyyət - insanın başlıca
keyfiyyətləridir, bu keyfiyyətlər insanın tarixi mahiyyətini
ifadə edir. Fərd azad və universal təbii varlıq olaraq, özün-
də keçmişi, indikini və gələcəyi əks etdirir, bu yolla da
özünü dəyişdirir və mentaliteti və həyat tərzini formalaş-
dırır.
Qloballaşma və inteqrasiya proseslərinin sürətlə in-
kişaf etdiyi müasir dövrdə mentalitet anlayışı elmi ic-
timaiyyətin daim diqqət mərkəzindədir. Müxtəlif tarixi
dövrlərdə yaşayan xalqların,millətlərin,etnosların tarixi in-
kişafı və həyat tərzi zaman-zaman alimləri düşündürmüş
.
150
və onların elmi-tədqiqat obyektinə çevrilmişdir. Mentalitet
insanların ağıl, düşünçə tərzi və əhval-ruhiyyəsi ilə bağlı
olmuşdur. Xalqın və millətin formalaşmasında milli men-
talitetin rolu əvəzsizdir. Milli mentalitet dedikdə, elə dərin
struktur nəzərdə tutulur ki, bunlar uzun dövr ərzində xal-
qın etnik, yaxud da milli xüsusiyyətlərini özündə əks et-
dirir. Deməli, etnik və milli xüsusiyyətlər əbədi olaraq ya-
şayır və xalqın mentaliteti haqqında bütün dövrlərdə fikir
söyləmək imkanı verir. Mentalitet dediyimiz kimi, latın
sözü olub-ağıl, təfəkkür, mənəvi tərz, düşünçə, fikir tərzi
kimi başa düşülür. Bu baxımdan mentalitet xalqın m-ə-
dəniyyəti və psixologiyası ilə sıx şəkildə bağlıdır. O, fər-
din, yaxud sosial qrupun hərəkət etmək, fikirləşmək, dün-
yanı müəyyən tərzdə qavramaq qaydaları ilə şərtləşir. Belə
ki, insanın mentaliteti öz başlanğıçını xalqın tarixi keçmi-
şindən, sosial-ictimai ənənələrindən, mənəvi-əxlaqi dəyər-
lərindən, davranış normalarından, baxışlarından, sosial
həyat tərzindən götürür.
İnsan - ictimai varlıqdır, o yalnız cəmiyyətdə, digər
fərdlərlə ünsiyyətdə yaşaya bilər. İnsanlar öz tarixini öz-
ləri yaradırlar, lakin buradakı şərait, onların əvvəlki inki-
şafı ilə müəyyən olunur. İnsanın mahiyyəti haqqında ən
dərin və ətraflı təsəvvürü real tarix verir, bu prosesdə in-
san öz mahiyyətini bütün rəngarəngliyi və zənginliyi ilə
ifadə edə bilir.
Mentalitet anlayışının meydana gəlməsi tarixi-kul-
turoloji məkanda və dəyişən zamanda insanın təbiətini
müxtəlif çəmiyyətlərin mənəvi həyatını və onunla bağlı
ənənəvi fəaliyyətini öyrənməklə daima bağlı olmuşdur.
Mentalitet böyük şəxsiyyətlərin fərdi yaradıcılıqlarının
məcmusu ilə məhdudlaşmır, çünki insanların mənəvi
Dostları ilə paylaş: |