53
XX əsrin birinci yarısı müstəmləkə və asılı ölkələr altsisteminin
iqtisadi inkişaf tempinin aşağı olması (xüsusilə də Asiya ölkələrində) ilə
səciyyələnir. Bu göstərici ildə 1% hüdudunu aşmır, Çində isə hətta aşağı
düşürdü. Artımın nisbətən yüksək templəri yalnız XIX əsrin birinci
yarısında müstəmləkəçilikdən formal azad olmuş Latın Amerikası
ölkələrində müşahidə olunurdu (1870-1912-ci illərdə - 3,4%, 1913-1950-ci
illərdə 3,4%, 1950-1973-cü illərdə 4,0%). Növbəti onilliklərdə bu göstərici
ildə təqribən 2,9%-dək aşağı düşmüşdür.
Asiya, habelə Afrika ölkələrinin inkişaf templərinin aşağı olmasının
səbəblərindən biri orada sənaye sahəsində fəaliyyətin nisbi və mütləq
göstəricilərinin aşağı düşməsi idi: Cənubda sənayeləşmə prosesi səngimişdi.
1860-1913-cü illərdə inkişaf etməkdə olan ölkələrin dünyada istehsal olunan
sənaye məhsullarının ümumi həcmindəki payı 1/3 hissədən 10%-dən də
aşağıya (7-8%) düşdü. 1913-cü ildə sənaye ölkələrində ÜDM və onun
adambaşına düşən həcmi inkişaf etməkdə olan ölkələrin göstəriciləri ilə
müqayisədə müvafiq olaraq 2 dəfə və 3,5 dəfə yüksək olmuşdur.
Şəhər əhalisinin artımı barədə məlumatlar da bunu dolayı surətdə
sübut edir. Orta əsrlərin sonunda - Yeni dövrün əvvəlində Hindistan, İran,
Misir əhalisinin 20%-ə yaxını şəhərlərdə yaşayırdı. XX əsrin əvvəlində isə
şəhər əhalisinin xüsusi çəkisi Hindistanda 2 dəfəyədək azalaraq 10,8%-ə,
Misirdə 15%-ə düşmüş, İranda isə əvvəlki səviyyədə -21% qalmışdı.
Şərqdə urbanizasiya səviyyəsinin aşağı düşməsi prosesinin ən
mühüm səbəbi malların idxalının təsiri altında ticarət və sənaye sahələrində
fəaliyyətin pozulması və tənəzzülə uğraması olmuşdur. Bu dəyişikliklər
əhalinin aqrar sahəyə axını, xırda istehsalçıların bir hissəsinin ixraca gedən
bitkilərin becərilməsinə keçməsi ilə müşayiət olunmuşdur. Beynəlxalq əmək
bölgüsünə cəlb edilən asılı ölkələr ənənəvi strukturlarının ali formalarından
və sahələrindən (manufaktura-sənətkarlıq fəaliyyəti) məhrum olur və aqrar-
xammal sahələrinin ən aşağı sahələrinə qoşulurdu.
Onların müstəmləkə və asılı vəziyyətdə olması üzündən öz bazarını
müdafiə və yerli istehsalı inkişaf etdirmək üçün tənzimləyici tədbirlər həyata
keçirə bilməməsi bu geriliyin həlledici səbəbi olmuşdur. Bu, Hindistanın
iqtisadi inkişafının nümunəsi ilə təsdiq olunur.
Napoleon müharibələrindən sonrakı dövrdən başlayaraq XIX əsrin
50-ci illərinədək olan dövrdə Hindistanın ixrac strukturu haqqında
məlumatlar onun emal sənayesi olan ölkədən xammal ixrac edən ölkəyə
çevrildiyini göstərir (cədvəl 2.1).
54
Cədvəl 2.1. 1814-1857-ci illərdə Hindistanın ixracının əmtəə
strukturu
İllər
Xam ipək
Xam
pambıq
Tiryək
Şəkər
İndiqo
İplik
parça
1814
13,3
8,0
-
3,0
20,0
14,3
1857
2,9
15,6
32,7
4,3
6,0
2,9
Mənbə: Rostow W. The World Economy: History and Prospeskt. L.,
1978, P. 515
XVIII əsrin sonundan etibarən Hindistanın ixracında tiryək və
pambıq ixracı əsas yer tutmağa başladı. ABŞ-da baş verən Vətəndaş
müharibəsi oradan Britaniya adalarına pambıq axının qarşısını kəsdi. 1860-
cı illərin sonunda İngiltərəyə idxal olunan pambığın 42%-i Hindistandan
gətirilirdi. Xarici ticarətin və istehsalın strukturunun dəyişməsi 1860-1885-ci
illərdə ÜDM-in ildə orta hesabla 0,55% artmasını təmin edirdisə, 1880-
1900-cü illərdə inkişaf dinamikası artıq mənfi rəqəmlərlə ifadə olunurdu. Bu
zamanadək əməyin müstəmləkələr üzrə bölgüsü ətalət xarakteri daşıyırdı.
Siyasi rıçaqlara istinad etməklə aqrar-xammal vəziyyətindən
qurtulmaq cəhdləri müstəmləkə hakimiyyəti tərəfindən bazar qüvvələrinin
təsirinin və istehsal xərclərinin müqayisəsi prinsiplərinin pozulması kimi
qarşılanırdı.
Yığımın daha yüksək səviyyəsi, kapitalın Qərb ölkələrində
mərkəzləşməsi və təmərküzləşməsi ilə əlaqədar olaraq xarici malların və
kapitalın rəqabətinin hüdudsuzluğu bir sıra ənənəvi istehsal sahələrinə
dağıdıcı təsir göstərir, sənaye kapitalının formalaşması qarşısında yüksək
investisiya səddi çəkirdi. Bu isə, kapitalın strukturunun ümumi defor-
masiyasına gətirib çıxarır, komprador, ticarət-sələmçi və möhtəkirlik
kapitalının hipertrofiyasına səbəb olurdu.
______________________________________________________
Ölkələrin mövqeyinin dəyişməsi
İqtisadi inkişaf templərinin qeyri-bərabər olması altsistemlərin dünya
təsərrüfatında tutduğu mövqeyi dəyişdirirdi. Müstəmləkədən azad olanadək
müstəmləkə və asılı ölkələrin mövqeləri zəifləyirdi. 1870-ci ildə
ümumdünya məhsulunun 43%-i onların payına düşürdüsə, 1950-ci ildə bu
göstərici cəmi 27% idi (AQP üzrə qiymətləndirmə). Bu mərhələdə indi
inkişaf etməkdə olan ən iri ölkələrin, Hindistan və Çinin payı xüsusilə
kəskin azalmışdı. Belə ki, 1870-ci ildən 1950-ci ilədək olan dövrdə Çinin