57
1921-ci ildə ABŞ ÜDM-nin 0,2%-ni tədqiqatların aparılması məqsədləri
üçün ayırırdı. Bazarın miqyasının həm strukturunun təkmilləşdirilməsi, həm
də ərazilərinin genişləndirilməsi hesabına artırılması da mühüm rol
oynamışdı. 1818-ci ildə ABŞ Floridanı özünə birləşdirmiş, 1840-1850-ci
illərdə Meksika ərazisinin 1/3 hissəsini zəbt etmiş, 1867-ci ildə Alyaska və
Aleut adalarını ələ keçirmişdi.
XX əsr ABŞ-ın aparıcı mövqelərinin güclənməsi ilə yanaşı, dünya
təsərrüfatında Almaniyanın, Yaponiyanın, Sovet İttifaqının vəziyyətinin
qeyri-bərabər tərzdə möhkəmlənməsi ilə səciyyələnir. İqtisadi inkişafda
qeyri-bərabərliyin ən böyük fərqləri iki dünya müharibəsi ilə bağlıdır. Bu
müharibələrin özləri də qeyri-bərabər iqtisadi inkişafın nəticəsi olmaqla, onu
daha da kəskinləşdirdi. Nəticədə ərazisində hərbi əməliyyatlar aparılmayan,
korporasiyaları milyonlarla öldürülmüş və əlil olmuş insanların qanı
hesabına misli görünməmiş dərəcədə varlanan ABŞ-ın mövqeləri daha da
gücləndi.
XX əsrin birinci yarısında iqtisadi qüdrət baxımından irəli çıxan
ölkələrin öz siyasi rolunu artmış iqtisadi potensiala uyğunlaşdırmaq səyləri
nüfuz dairələrinin yenidən bölüşdürülməsi uğrunda mübarizəni gücləndirdi.
Güclər arasındakı nisbətdə baş verən dəyişikliklər dünyanın mövcud iqtisadi
və ərazi bölgüsü ilə ziddiyyət təşkil etməyə başladı. Ərazilərin yenidən
bölüşdürülməsinin əsas üsulu hərbi gücün tətbiqi idi.
XX əsrin ikinci yarısında inkişaf etmiş dövlətlər altsistemində ABŞ
və sənayecə inkişaf etmiş başqa ölkələrin: Yaponiya və Qərbi Avropa
dövlətlərinin - inkişaf səviyyələrində yaxınlaşma baş verdi (ABŞ
səviyyəsinin 3/4 hissəsi). Ancaq ayrılıqda götürüldükdə, heç bir ölkə ABŞ
iqtisadiyyatının inkişaf səviyyəsinə kifayət qədər yaxınlaşa bilməmişdi.
Dünyanın qalan hissəsində iqtisadi inkişaf prosesinin qeyri-bərabərliyi
güclənirdi. Bununla yanaşı, ABŞ-ın bütün dünya iqtisadiyyatında
dominantlığı çoxqütblü sistemə çevrilir. Çinin yüksəlişi prosesi getsə də,
onun ÜDM-in adambaşına düşən həcmi ABŞ-ın müvafiq göstəricisindən 4,5
dəfə geri qalır (cədvəl 2.4.).
Cədvəl 2.4. Ölkələrin və regionların ÜDM-in adambaşına düşən
həcminin ABŞ-ın səviyyəsinə nisbəti (1990-cı ilin AQP üzrə hesablanmış
qiymətləri üzrə), %
Region
1913
1950
1973
2000
Qərbi Avropa
69,8
53,5
74,0
74,1
Cənubi Avropa
33,0
21,1
36,2
36,1
Şərqi Avropa
31,9
27,5
34,6
15,5
Keçmiş SSRİ
28,0
29,6
36,5
16,6
Latın
27,1
26,0
26,4
20,1
58
Amerikası
Asiya
14,0
8,0
10,8
15,9
Yaponiya
25,1
19,6
66,3
75,6
Çin
13,0
6,4
7,1
23,0
Afrika
10,8
8,7
7,9
4,8
Bütün dünya
29,0
22,3
24,8
21,9
Mənbə: World Economic Outlook, October 2000, IMF.
ABŞ-ın və iqtisadi fəallığın başqa mərkəzlərinin kapitalın hərəkəti,
xarici ticarət, valyuta münasibətləri vasitəsi ilə təsiri bütün dünyaya yayılır.
Onların maraqlarının müxtəlif istiqamətlər üzrə kəsişməsinə baxmayaraq,
müəyyən ehtimalla ABŞ-ın Latın Amerikasına, Qərbi Avropanın aparıcı
ölkələrinin Afrikaya, ABŞ və Yaponiyanın ASEAN ölkələrinə daha üstün
təsir etdiyini söyləmək olar. Qeyd olunmalıdır ki, aparıcı iqtisadi mərkəzlər
dünyada istehsal prosesinə qeyri bərabər təsir göstərir və bu, onların iqtisadi,
siyasi, hərbi nüfuzu ilə izah edilir.
Almaniya və Yaponiya əsasən regional qüvvə kimi çıxış edirlər.
Onların özləri də müəyyən hərbi-siyasi razılaşmalar sistemində Amerika
kapitalının maraqları dairəsindədir. Dünyada böyük hərbi üstünlüyə, Qərbi
Avropanın və Yaponiyanın əraziləri də daxil olmaqla, qlobal hərbi bazalara
və obyektlərə malik olan ABŞ-ın hərbi hegemonluğu isə mübahisəsizdir.
________________________________________
İnkişafın dalğavari xarakteri
Dünya təsərrüfatında kapitalist, bazar münasibətləri gücləndikcə,
təsərrüfat sənayeləşdikcə, iqtisadi inkişaf aydın ifadə olunan dalğavari
xarakter alır və bu cəhət istehsalda mütəmadi baş verən böhranlarda (istehsal
həcminin mütləq göstəricilərinin azalması) təzahür olunur.
Bu proses üstün mövqe tutduğuna görə, dünyada məhsul istehsalının
dinamikasına təsir göstərən inkişaf etmiş ölkələr üçün ilk növbədə
səciyyəvidir. İstehsal prosesinin dalğavari xarakteri ilk dəfə 1825-ci ildə
Britaniyada özünü biruzə vermiş, 1857-ci ildən isə böhranlar bir çox
ölkələrə, bəzi hallarda bütün inkişaf etmiş ölkələrə yayılmışdır.
Ümumilikdə, sənayecə inkişaf etmiş ölkələr qrupunda istehsal həcminin
artım tempi göstəricisinin ən əhəmiyyətli azalmaları 1930-1932-ci və 1945-
1946-cı illərdə baş vermişdir. Bu dövrlərdə ÜDM həcmi müvafiq olaraq
1930-cu ilin göstəricisinə nisbətən 5,7%, 1945-ci ilin göstəricisinə nisbətən
11% həcmində azalmışdı.
XX əsrin ikinci yarısında (1954-cü, 1960-cı, 1975-ci, 1982-ci və
1991-ci illərdə) dünya təsərrüfatının inkişafında ÜDM-in artımının mütləq
göstəricilərinin aşağı düşdüyü beş iri böhran baş vermişdir. Bu böhranlardan
ən böyüyü 1960-cı ildə, ÜDM-in həcmi 2,4% azaldıqda yaranmışdır.