74
fəaliyyətinə təsir göstərən xarici və daxili amilləri nəzərə almaqla
planlaşdırmaq mümkündür. Bu cür əsas amillər aşağıdakılardır:
(1) dünyanın iqtisadi inkişafının ümumi meyilləri;
(2) ayrı-ayrı sahə və regional bazarlarının inkişafı;
(3) ayrı-ayrı bazarlarda, yaxud müxtəlif ölkələrdə sosial-iqtisadi
vəziyyət;
(4) siyasi-hüquqi şərait;
(5) təbii mühit.
Bu amillərin nəzərə alınması beynəlxalq marketinq metodları
vasitəsilə təmin olunur. Marketinq - bazarın və istehsalın firma, təsərrüfat
birlikləri səviyyəsində tənzimlənməsinin müasir formasıdır. Buraya bazar,
tələbatın strukturu və dinamikası, alıcıların zövqləri və istəkləri, yəni şirkətin
fəaliyyətinin xarici şəraiti haqqında dürüst məlumatlar daxildir. Marketinq
rəqiblərin bazara buraxdıqlarından daha yaxşı əmtəənin yaradılmasına,
onların satışına mümkün qədər güclü nəzarət etməklə istehlakçıya, tələbata
lazımi təsir göstərilməsinə yönəlmişdir.
Məqsəd müəyyən vaxt çərçivəsində mənfəətin qarşıya qoyulmuş
səviyyəsinə nail olmaqdır. Buna görə də marketinq fəaliyyəti uzunmüddətli
proqnozlaşdırmaya yönəlmişdir. Müasir dövrdə ən iri TMK öz fəaliyyətini
nəinki regional, həm də dünya miqyasında planlaşdırır. Bu cür yanaşmaya
əsaslanan qlobal marketinq iqtisadi, sosial və siyasi strukturların beynəlxalq
səviyyədə çarpazlaşmasının güclənməsinə gətirib çıxarır.
Bu proseslər bazarı deformasiyaya uğratmaqla, şirkətlərin beynəlxalq
fəaliyyətinin şərtlərini dəyişir. İstehsalın qlobal şəkildə genişlənməsində,
dünya bazarlarında mövqelərinin güclənməsində marağı olan TMK müxtəlif
ölkələrdə və regionlarda sahibkarlıq şəraitinin, sosial-siyasi mühitin
dəyişməsindən asılı olaraq, bütün dünya təsərrüfatı miqyasında istehsal və
maliyyə resursları ilə manevrlər həyata keçirir, böyük həcmdə kapitalları bir
ölkədən digərinə köçürür. Dünya ticarətinin 35%-dən çoxu TMK-nın firma
daxilində beynəlxalq qiymətlərlə deyil, firmadaxili, transfert qiymətləri ilə
apardığı əməliyyatların payına düşür. Beləliklə, TMK öz maraqlarını təmin
edərək, bazarların qapalı və açıq seqmentlərə bölünməsinə səbəb olur.
_____________________________________________________
Dövlətlərarası və beynəlxalq təşkilatlar
Mikro və makro səviyyələrdə bazar və plan elementlərinin birləş-
dirilməsi təsərrüfat münasibətlərində disproporsiyaların və pozuntuların
yaranmasının qarşısını almır. Təsərrüfatın beynəlxalq və qlobal səviyyədə
fəaliyyəti nisbətlərin qeyri-sabit inkişafı, tarazlığın pozulması, sistemin bir
elementinin başqasına birmənalı reaksiya verməməsi, əlaqələrdə qırılmaların
baş verməsi ilə səciyyələnir. İstehsalın özünütəşkilinin bu xüsusiyyətləri
təsərrüfat prosesinə müdaxilə etmək, orada təshihlər aparmağa imkan verir.
75
Bazar mexanizmində kök salaraq yeni elementlər əlavə etmək yolu
ilə onu dəyişdirən dövlətlərarası və beynəlxalq təşkilatlar belə qüvvə kimi
çıxış edir. Bu müdaxilənin əsasında perspektiv hesablama, yaxud planla
müəyyən olunan və yönəldilən, lakin dünya təsərrüfatının özünütəşkilinin
mahiyyətini qoruyub saxlayan məqsədyönlü fəaliyyət dayanır.
Dünya
təsərrüfatında
gedən
proseslərin
əlaqələndirilməsi
strukturunun çoxtərəfli komponenti ikipilləli sistemə malikdir.
Birinci pillə - ticarət, gömrük və başqa birliklər çərçivəsində regional
əlaqələndirmədir. Bu səviyyədə iqtisadi siyasət, birgə deflyasiya, dalğa əleyhinə
və başqa aksiyalar əlaqələndirilir, sosial-iqtisadi inkişafın ortamüddətli
proqnozları və indikativ proqramları işlənib hazırlanır. Təsərrüfat strukturunun
və qruplaşmaların üzvləri arasında, habelə üçüncü ölkələrlə xarici iqtisadi
əlaqələrin yenidən qurulması üzrə tədbirlər həyata keçirilir.
Bu proses Avropada daha irəli getmişdir. Aİ çərçivəsində iqtisadi
siyasətin əlaqələndirilməsi məqsədilə dövlət və hökumət başçılarının
görüşlərinin (ildə 3 dəfə), xarici siyasət və başqa idarələrin rəhbərlərinin
daxil olduğu nazirlər şurasının hər il 60-dan çox sessiyasının keçirilməsini,
Avropa Komissiyasının və çoxsaylı komissiyaların daimi fəaliyyət
göstərməsini nəzərdə tutan şaxələnmiş mexanizm yaradılmışdır. Qarşıya
qoyulan məqsədlərə çatmağın alətləri qismində iqtisadi siyasətlərin
əlaqələndirilməsi, bazarların tənzimlənməsinin ümumi prinsiplərinin
müəyyənləşdirilməsi və s. çıxış edir.
Dünya təsərrüfatının bütün zonalarının və sahələrinin bir-biri ilə
qarşılıqlı əlaqələrinin dərinləşməsi, bir sıra iqtisadi problemlərin planetar
miqyasda yayılması onların regional səviyyədə həyata keçirilən tədbirlər
vasitəsilə həllini qeyri-mümkün edir. Aşağı mərtəbələrdə ikitərəfli və
regional
səviyyələrdə
əlaqələndirmə cəhdləri ümumilikdə dünya
təsərrüfatını səfərbər etməkdənsə, mövcud əlaqələrin pozulmasına səbəb
olur. Ölkələrin, ayrı-ayrı koalisiyaların bir-biri ilə rəqabət apardığı dünya
iqtisadiyyatı sisteminin obyektiv ehtiyacları baxımından bu cür cəhdlərin
göstərilməsi əksər hallarda neqativ nəticələrə gətirib çıxarır.
İkinci pillə - əksəriyyəti İkinci dünya müharibəsindən sonra yaranan
beynəlxalq təşkilatlarla təmsil olunan ümumdünya pilləsidir. Müharibədən
sonrakı illərdə dünyada iqtisadi siyasət konsepsiyası C.Keynsin ideyalarına
istinadən işlənib hazırlanmışdı və bu öz praktiki ifadəsini BMT-nin
ixtisaslaşmış təşkilatlarının - BVF və BYİB GATT yaradılmasında tapmışdı.
1980-1990-cı illərdə iqtisadi proseslərin ümumdünya səviyyəsində
tənzimlənməsi buradakı təsərrüfat əlaqələri formalarının təkamülü ilə
səciyyələnmiş və dünya təsərrüfatının ölkələr qrupları arasında qüvvələrin
bölgüsünü nümayiş etdirmişdir. Bu, beynəlxalq tənzimləmə qurumlarının
rolunun dəyişməsində də əks olunmuşdur.