80
___________________________________________________
Sahibkarların beynəlxalq təşkilatları
Dünya təsərrüfatı sisteminin fəaliyyətinə dövlətlərarası təşkilatlar və
regional inteqrasiya birliklərindən başqa, özəl səviyyədə fəaliyyət göstərən
təşkilatlar da təsir göstərir. Onların sayı bir neçə mindir. Onlar həm regional,
həm də qlobal səviyyələri əhatə edir. Dünya səviyyəsində belə orqan kimi
1973-cü ildə "Çeyz Manhattan Bank"ın sədri D.Rokfellerin iştirakı ilə
yaradılmış Üçtərəfli Komissiya fəaliyyət göstərir. 300-dən çox üzvü olan bu
təşkilat özündə ABŞ-ın, Qərbi Avropanın, Yaponiyanın iri TMK-nı, siyasi
dairələrinin nümayəndələrini, iqtisadçıları birləşdirir. Onun idarəetmə orqanı
35 nəfərdən ibarət İcra Komitəsidir. Üçtərəfli Komissiyanın rəsmi məqsəd-
ləri inkişaf etmiş ölkələrin əməkdaşlığının güclənməsinə yardım etməkdir.
Komissiyanın fəaliyyətinin istiqamətlərindən biri - Qərb ölkələrinin
qarşısına çıxan iqtisadi və siyasi problemlərin təhlil edildiyi məruzələrin
hazırlanmasıdır. Bu məruzələrdə həmin ölkələrin hakim dairələrinə müraciət
olunaraq, problemlərin həllinə dair tövsiyələr işlənib hazırlanır.
Bəzi xarici tədqiqatçılar Qərb aləminin ən qüdrətli nümayəndələrinin
Üçtərəfli Komissiya ilə əlaqədə olduqlarını təsdiq edirlər. Adi qeyri-
hökumət qurumlarından heç biri bu Komissiyaya sənayecə inkişaf etmiş
ölkələr sistemində unikal yer tutmağa imkan verən nüfuzetmə vasitələrinə,
müasir dünyanın hakim dairələri ilə qarşılıqlı əlaqələrə malik deyil.
Qiymətləndirmələrə görə, bu orqanın siyasətə göstərdiyi təsir onu ABŞ,
Qərbi Avropa, Yaponiya və bütün dünya üçbucağının "kölgə kabineti"
hesab etməyə əsas verir.
Regional səviyyədə bir neçə təşkilat fəaliyyət göstərir. 1954-cü ildən
Avropa və Amerika korporasiyalarının rəhbərlərinin və siyasi rəhbərlərinin
Davos, Bilderberq görüşləri keçirilir. Şimali və Cənubi Amerikanın,
Asiyanın, Okeaniyanın 1000 ən iri korporasiyalarının nümayəndələrinin
təmsil olunduğu Sakit Okean İqtisadi Şurası 1967-ci ildən Sakit okean
hövzəsində aparıcı təşkilat kimi çıxış edir. Bu təşkilatlar vasitəsilə regional
sahibkarlığın liderləri öz regionlarının və bütün dünyanın gündəmdə olan ən
vacib məsələlərini həll edirlər.
_____________________________________________________
Dünya təsərrüfatı mexanizminin fəaliyyətinin xarakteri
Təsərrüfat mexanizminin təşkilati strukturunun təhlili göstərir ki,
tələbin əhəmiyyətli hissəsi TMK-nın firmadaxili ticarəti, dövlətin
proteksionizm tədbirləri, dövlət və dövlətlərarası sifarişlər və proqramlar,
hökumətlərarası təşkilatların məqsədyönlü hərəkətləri əsasında formalaş-
dığına görə, dünya təsərrüfatı müəyyən dərəcədə idarə olunandır. Amma
dünya sistemində sahibkarlıq fəaliyyətini tənzimləyən strategiyalar,
81
qurumlar əsasən milli xarakterdə olması, qlobal mexanizmlər isə yüksək
dərəcədə fraqmentarlığı, dağınıqlığı ilə fərqlənir.
Müasir təsərrüfatda tənzimlənən rəqabətin tənzimlənməyən, sərbəst
rəqabətlə yanaşı mövcud olması səciyyəvidir. Rəqabətin hər iki növü çox
zaman eyni agentlərin təsərrüfat formaları olmaqla, bir-biri ilə sıx
əlaqədədir. Tənzimlənən sistemin qeyri-müəyyənliyi tənzimləmə prosesində
də şərti hala salır. Qlobal iqtisadi sistemin müxtəlif təsirlərə qarşı reaksiyası
birmənalı olmadığına görə, tənzimləmə tədbirlərinin səmərəliliyi sistemin
həssaslığından və onun obyektiv ehtiyaclarına uyğunluğundan asılıdır.
Qlobal təsərrüfat sistemi tarazlığa meyil göstərsə də, qeyri-mütənasiblikləri
inkar etməyərək, onlarla qonşuluqdadır.
ETT və istehsalın beynəlmiləlləşməsi dünya təsərrüfatında təkrar
istehsal prosesinin qeyri-müəyyənliyin artmasına səbəb olur. Ehtimal edilir
ki, dünya təsərrüfatı mexanizminin yeni şəraitə uyğunlaşması
tənzimləmənin inkişafı, onun rolunun yüksəldilməsi yolu ilə baş verməlidir.
Bu cür inkişaf təkcə beynəlxalq deyil, planetar miqyasda getməlidir. Roma
klubunun 1991-ci ildəki "Birinci qlobal inqilab" adlı məruzəsində
göstərilirdi ki, bazar qüvvələri qısamüddətli planda bir çox insani və sosial
ehtiyacları ödəmək qabiliyyətinə malik deyil. Dünya üçün ümumi olan bir
çox problemlər bazar qüvvələrinə ümumiyyətlə tabe deyil və buna görə də
düzəlişlərin aparılması vacibdir. B.Şnayder və A.Kinq (Roma klubu) belə
hesab edirlər ki, əsas məqsəd, bir tərəfdən həddən artıq avtoritar və
sistematik planlaşdırma, digər tərəfdən isə, kapitalizmin bizə məlum olan
bütün qəddarlıqları və azğınlığı arasında tarazlığa nail olmaqdır.
İqtisadi sistemin möhkəmlənmə meyillərini meydana çıxaran amillər
hansılardır? Bu, ilk növbədə, istehsalın və kapitalın beynəlmiləlləşməsinin
çox irəli getmiş prosesi, milli iqtisadiyyatların açıqlığıdır. Göstərilən amil
milli iqtisadiyyatların, sahələrin və ayrı-ayrı korporasiyaların qarşılıqlı
asılılığını gücləndirir və buna müvafiq olaraq məhsuldar qüvvələrin idarə
edilməsinin beynəlmiləlləşməsinə obyektiv ehtiyac yaradır. Bu ehtiyac
dünya təsərrüfatının inkişafının qeyri-sabit, münaqişəli xarakterini şiddətlən-
dirən qlobal problemlərin ümumiliyindən və kəskinliyindən də irəli gəlir.
Sənaye ölkələri ilə inkişaf etməkdə olan ölkələrin iqtisadi inkişaf səviyyələri
arasındakı fərqlərin, struktur böhranlarının aradan qaldırılması, dünya
miqyasında yayılmış inflyasiya və işsizliklə mübarizə vəzifələri də birgə
qərarların qəbul olunmasını tələb edir. İqtisadi siyasətin əlaqələndirilməsi
zərurəti dünyada istehsal proseslərinin sinxronlaşdırılması meyillərinin
güclənməsi ilə də bağlıdır. Dövlətlərin böhrana qarşı və dalğa əleyhinə
siyasətinin uyğunlaşdırılması, onların iqtisadi inkişaf proqramlarında
müvafiq düzəlişlərin aparılması, başqa ölkələrin iqtisadiyyatına və
ümumilikdə dünya təsərrüfatına mənfi təsir göstərə biləcək hərəkətlərinin
qarşısının mümkün qədər alınması zərurəti də məhz bundan irəli gəlir.