72
sahələrində qəbul etdikləri qərarlara, qiymətlərin dinamikasına, son nəticədə
isə ayrı-ayrı ölkələrin və dünya təsərrüfatının perspektivlərinə güclü təsir
göstərir.
Dünya təsərrüfatı mexanizminin alətləri nəzərdən keçirilənlərlə
məhdudlaşmır. Xarici borc da təsərrüfat mexanizminin aləti kimi çıxış edə
bilər.
Dünya iqtisadiyyatının tənzimlənməsi mexanizminə daxil olan
konkret təsərrüfat formaları sahibkarlıq subyektlərini iqtisadi maraqlar
vasitəsilə müəyyən hərəkətlərə sövq edən qüvvələr kimi çıxış edir. Bazarın
tələb və təklif, qiymətlər, ssuda faizi vasitəsilə göstərdiyi təsir dünya təkrar
istehsal prosesi iştirakçılarının düşüncəsinə təsir göstərir və iqtisadi həyatın
müəyyən tərzdə təşkilinə səbəb olur. Bu zaman sahibkarlığın konkret
formalarındakı dəyişikliklər dünya təsərrüfatının ayrı-ayrı altsistemlərinin və
sahələrinin fəaliyyətində baş verən nasazlıqlara reaksiya kimi çıxış edir.
3.2. Dünya təsərrüfatı mexanizminin strukturu
Hər bir sosial-iqtisadi hadisə onu təşkil edən qurumlar və altsistemlər
tərəfindən müəyyən olunan institusional struktura malikdir. Dünya
təsərrüfatı mexanizminin strukturuna ikitərəfli və çoxtərəfli əsasda, regional
və dünya, xüsusi və beynəlxalq səviyyədə çıxış edən agentlər daxildir.
Bunlar dövlətlər, inteqrasiya birlikləri, TMK və TMB, beynəlxalq kartellər,
dövlətlərarası təşkilatlar, sahibkarlar birlikləridir.
____________________________________________
Dövlət
Dövlət dünyada xüsusi yer tutaraq, milli və beynəlxalq səviyyələrdə
spesifik funksiyaları həyata keçirir. Dövlət hakimiyyətin təmsilçisi, böyük
maliyyə resurslarına malik olmaqla, onların sahibi və sərəncamçısı kimi çıxış
edir, həm adi, həm də xüsusi "ictimai" sahibkarlıq fəaliyyətini həyata keçirir.
Dövlət təsərrüfatın daxili və xarici sektorlarına: büdcə, kredit, pul, valyuta
siyasətlərinə - təsir göstərmək üçün geniş spektrli təsir imkanlarına malikdir.
Dövlət iqtisadiyyata qısamüddətli təsir metodları ilə bərabər, uzunmüddətli
tənzimləmənin müxtəlif formalarından istifadə edir, istehsalda irəliləyişləri,
regional fərqlərin aradan qaldırılmasını, milli şirkətlərin rəqabət qabiliyyətinin
yüksəldilməsini stimullaşdırmaqla, müvafiq struktur siyasətini həyata keçirir.
Dövlətin elmi-texniki siyasəti də mühüm əhəmiyyət kəsb edir.
Hər bir dövlət ölkə daxilində geniş təkrar istehsal üçün əlverişli
xarici mühit yaratmağa çalışır. Bu istiqamət "özünün" və "yad" TMK-nın
müqaviməti ilə qarşılaşır. Göstərilən iki amilin təsiri iki meylin: liberallaşma
və proteksionizmin - bir-biri ilə daimi qarşılıqlı əlaqədə olmasına gətirib
çıxarır. Bu meyillər təkcə daxili bazarın iştirakçılarının maraqlarını deyil,
73
həmçinin beynəlxalq əmək bölgüsündə baş verən hadisələrə dövlətin
reaksiyasını da əks etdirir. Dövlətlər "sərbəst ticarət" və onun müdafiə
olunması şüarlarından çox vaxt ümumi faydanın əldə olunması üçün deyil,
öz mövqelərinin möhkəmləndirilməsi, qüdrətinin artırılması üçün istifadə
edirlər.
Xarici sahənin dövlət tərəfindən tənzimlənməsi genişmiqyaslı
tədbirlər vasitəsi ilə həyata keçirilir. Buraya öz təsir xarakterinə görə xarici
ticarətin tənzimləyicilərinə aid edilən gömrük tarifləri; ticarət və iqtisadi
siyasətlərinin bir sıra, o cümlədən lisenziyalaşdırmanın, dempinq əleyhinə
və
kompensasiya
rüsumlarının,
xarici
depozitlərin,
"könüllü
məhdudiyyətlərin", gömrük rəsmiləşdirmələrinin, texniki standart və
normaların, sanitariya və baytarlıq normalarının daxil olduğu qeyri-tarif
tənzimləmə tədbirləri daxildir.
Ticarət siyasətinin tarif və qeyri-tarif metodlarından istifadə etməklə
daxili bazarın xarici rəqabətdən qorunması üzrə dövlətin həyata keçirdiyi
siyasət proteksionizm adlanır.
Sahibkarlıq fəaliyyətinin beynəlmiləlləşməsinə və ETT-nin yeni
mərhələsinə uyğunlaşaraq, müasir dövrdə dövlət tənzimləməni daha geniş
miqyasda və çevik surətdə həyata keçirir. Tənzimləmə rəqabətin qarşısının
alınmasına deyil, ona daha məharətlə təsir göstərilməsinə yönəlmişdir. 1980-
1990-cı illərdə bir çox ölkələrdə baş vermiş özəlləşdirmə prosesləri dövlət
tərəfindən bilavasitə xüsusi bölməyə kömək göstərilməsinə, habelə
iqtisadiyyatın xüsusi və ictimai əsasları arasında daha əlverişli nisbətlərin
axtarılmasına yönəldiyini göstərirdi.
_________________________________________________
Transmilli korporasiyalar
Təsərrüfat subyektlərinə qərarların qəbul edilməsində və hərəkətlərdə
tam, yaxud müəyyən hüdudlar daxilində tam sərbəstlik xasdır. Onların hər
birinin məqsədi mənfəəti mümkün qədər artırmaq və bunun üçün
sahibkarlıq fəaliyyətinin miqyasını genişləndirməkdir. Bu isə sahibkarlıq
subyektləri arasında daha əlverişli şərait və istehsalın artırılması uğrunda
mübarizəyə gətirib çıxarır. Sahibkarlıq subyektləri bir-birinə qarşı
münasibətdə rəqib kimi çıxış edirlər. Onların arasındakı təsərrüfat
münasibətləri, habelə sahibkarlıq fəaliyyəti çərçivəsində saxlanılan
münasibətlər, bəzi hallar istisna edilməklə, rəqabətlidir.
Eyni zamanda, şirkətlər səviyyəsində (mikro-səviyyə) istehsalın
planauyğun təşkili həyata keçirilir, firmadaxili planlaşdırma şəbəkəsi inkişaf
etmişdir. Sahibkarların məhsulu istehsal etdikdən sonra onun istehlakçısını
tapmasına əsaslanan "kor" rəqabət elementləri ancaq xırda və orta
müəssisələrin fəaliyyət göstərdiyi məhdud sayda təsərrüfat sahələrində
qalmışdır. Malların və xidmətlərin istehsalını yalnız şirkətlərin sahibkarlıq