87
1990-cı illərdə və əsrimizin birinci onilliyində XBKQ kəskin surətdə
artmışdır. 2000-2009-cu illərdə onun illik həcmi 1 trilyon dollara yaxın
olmuşdur. Dünya təsərrüfatında toplanmış XBKQ-nin həcmi 2000-ci illə
müqayisədə 2,2 dəfə artaraq, 2009-cu ildə 17,8 trilyon dollara çatmışdır
(2000-ci ildə - 8 trilyon, 1990-cı ildə - 2,1 trilyon). Milli bazarların tədricən
açılması birbaşa kapital qoyuluşlarının ölkədən çıxarılması üçün imkanlar
açmışdır. Nəqliyyat və rabitədə texniki irəliləyişlər, informasiyanın
yayılması şirkətlərin beynəlxalq miqyasda fəaliyyətinə yeni imkanlar açır.
Bu genişlənmə orta şirkətlərin də beynəlxalq istehsalı təşkil etməsinə şərait
yaradır. Nəticədə XBKQ-nin həcmi və TMK-nın sayı nəzərəçarpan
dərəcədə artmışdır. Toplanan XBKQ-nin həcminin artması təkcə birbaşa
kapital qoyuluşlarının hərəkətini deyil, həm də bir sıra ölkələrdə onun
hesablanması metodikasının dəyişməsini əks etdirirdi.
İnkişaf etmiş ölkələrin TMK-nı məhsuldar kapitalın əsas
ixracatçıları kimi çıxış edir. XBKQ-nin ixracının 48-55%-i cəmi beş
ölkənin - ABŞ, Yaponiya, Britaniya, Almaniya və Fransanın payına düşür.
Kapital ixracı təkcə inkişaf etmiş aparıcı dövlətlər tərəfindən deyil,
həm də Asiya və Latın Amerikasının iqtisadi baxımdan irəli getmiş ölkələri
(Braziliya, Çin, Hindistan, Meksika), RF tərəfindən həyata keçirilir. Bu
ölkələrin ən iri şirkətləri kapital ixracını öz fəaliyyət dairələrini
genişləndirmək, daha böyük məbləğdə mənfəətin əldə olunması üçün onları
qəbul
edən
ölkənin əmək resurslarından, yaxud elmi-texniki
nailiyyətlərindən istifadə etmək məqsədi ilə həyata keçirir. 1970-ci illərin
ortalarından kapital iri neft ixracatçıları olan Yaxın və Orta Şərq ölkə-
lərindən çıxarılır. Bütövlükdə, çıxarılan birbaşa kapital qoyuluşlarının
ümumi həcminin 8-13%-i periferiya ölkələrinin payına düşür.
____________________________________________________
Beynəlxalq istehsalın sahələr və regionlar üzrə təmərküzləşməsi
ETT-nin təsiri altında beynəlxalq istehsalın sahələrinin və
sektorlarının inkişaf priopitetləri dəyişir. Son onilliklərdə TMK-nın
xidmətlər sektorunda fəallığı artmış və 2007-2008-ci illərdə birbaşa kapital
qoyuluşlarının 60,5%-i buraya yönəldilmişdir (1970-ci ildə - 31%).
TMK-nın ticarətdə və yardımçı əməliyyatlarda xidmətləri daha
sürətlə artırdı. Sahibkarlara xidmətlərin göstərilməsi, maliyyə sahəsi və
ticarət XBKQ-nin əsas istiqamətləridir. Emal sənayesi ikinci mövqeyə
çəkilmişdir (XBKQ-nin ümumi həcminin 24,6%-i). Sənaye aktivlərinin əsas
hissəsi sahələrin dörd qrupunda: yeyinti, kimya, elektrik maşınqayırması və
elektronika, metallurgiya sənayelərində cəmləşmişdir.
Şirkətlərin ilkin sektorda beynəlxalq fəallığı kəskin surətdə aşağı
düşmüşdür (1970-ci ildəki 23%-dən 6,8%-dək). Bu dəyişiklik əsasən inkişaf
etmiş ölkələrə kapital qoyuluşlarının hesabına baş vermişdir. İnkişaf
88
etməkdə olan ölkələrdə xarici investisiyaların sahə strukturu da kökündən
dəyişmişdir. Burada emal sənayesinin payı 23,4%, hasilat sahələrinin payı
isə 7,0%-dək təşkil edir.
Regional baxımından sahibkarlıq kapitalının hərəkəti əsasən inkişaf
etmiş ölkələr arasında baş vermişdir. XBKQ-nin 90%-i məhz bu ölkələrdə
cəmləşir (cədvəl 4.1).
Cədvəl 4.1. XBKQ-nin məcmu həcmi (trilyon dollar)
1990
2000
2009
Dünya
2,1
7,4
17,7
İnkişaf etmiş ölkələr
1,8
5,6
12,6
Mənbə: UNCTAD. World Investment 2010.
Kapitalın intensiv surətdə qovuşması beynəlxalq istehsalın ilk növbədə
inkişaf etmiş ölkələrdə təmərküzləşməsinə, bu ölkələrin sahibkarlıq
strukturlarının, şirkətlərinin fəaliyyətinin çarpazlaşmasına gətirib çıxarır.
Təsərrüfatında xarici kapitalın rolu cüzi olan Yaponiya istisna edilməklə,
başqa ölkələrin iqtisadiyyatında yerli və "yad" şirkətlər sıx qarşılıqlı əlaqədə
fəaliyyət göstərir və rəqabət aparırlar. Bunlar ilk növbədə Şimali Amerika
ölkələri - ABŞ və Kanada, Aİ dövlətləridir. XBKQ-nin dünya üzrə ümumi
həcminin təqribən 29%-i inkişaf etmiş ölkələrə investisiya kimi yatırılmışdır.
_____________________________________________
Beynəlxalq istehsalın miqyası
Miqyası çıxarılmış kapital üzərində mülkiyyətlə müəyyən olunan
xarici istehsal təkcə ayrı-ayrı ölkələrin deyil, bütövlükdə dünya
iqtisadiyyatının təsərrüfat strukturunun ən mühüm komponentlərindən birinə
çevrilmişdir. Qiymətləndirmələrə görə, 2008-ci ildə xarici şirkətlərin
istehsalı MDM-in 10%-i (1980-ci ildə 5%-i), o cümlədən emal sənayesinin
18%-i, xidmətlər sektorunun 4%-i həcmində olmuşdur.
Dünyada işçi qüvvəsinin təqribən 3-4%-i TMK-nın xarici
müəssisələrində çalışır, lakin kənd təsərrüfatında məşğul olanlar nəzərə
alınmasa, bu rəqəm 10%-dək artar. Məşğulluğa dolayı təsirlər (xammal,
komponentlərin və s. alınması) nəzərə alınmaqla, bu ümumi rəqəm ən azı 2
dəfə artacaqdır.
Beynəlxalq istehsalın inkişafı yığımların dünya təsərrüfatı
çərçivəsində yenidən bölgüsünə gətirib çıxarır. XBKQ-nin əsas kapitala
yönəldilən vəsaitlərin ümumi həcminə nisbətinin onilliklər ərzində
yüksəlməsi bu prosesi dolayısı ilə sübut edir: 1970-ci ildə bu nisbət 2,2%,
1980-ci ildə - 3,8%, 1990-cı ildə - 7,5%, 2000-2009-cu illərdə - 10,3% ol-
muşdur.