91
tutduğu real mövqelər haqqında təsəvvürlərdə nəzərəçarpan düzəlişlərə
səbəb olur.
Aydındır ki, iqtisadi qüdrətinə görə aparıcı ölkələr özlərinin
inkişafını iqtisadi baxımdan nisbətən zəif olan ölkələrdə qeyri-sabit
vəziyyətin yaradılması və saxlanılması hesabına təmin edə bilər.
4.2. Mübadilənin beynəlmiləlləşməsi
Tarixən dünya təsərrüfatının formalaşmasının ilkin şərtləri mübadilə
sahəsində meydana çıxmağa başlamışdır. İnkişaf ticarət mübadiləsindən
lokal beynəlxalq bazarların yaranmasına doğru getmişdir. Sənaye inqilabı
dövründə çoxsahəli ticarətin lokal mərkəzlərinin genişlənərək, beynəlxalq
bazarlara çevrilməsi başlandı.
____________________________________________________
Beynəlxalq Əmək Bölgüsü - beynəlxalq mübadilənin əsasıdır
Ölkələr arasında gedən rəqabət prosesində öz təcəssümünü ayrı-ayrı
ölkələrdə müəyyən malların və xidmətlərin beynəlxalq bazarlara çıxarmaq
üçün mütəmadi olaraq daxili ehtiyaclardan artıq həcmdə istehsalında və
əmək fəaliyyətinin müxtəlif növlərinin məkan baxımından xüsusiləşməsində
tapan beynəlxalq əmək bölgüsü (BƏB) sistemi yaranmışdır.
BƏB istehsalın müxtəlif mərhələləri, yaxud istehsalla istehlak
arasında məkan baxımından beynəlxalq miqyasda aralanma olduğunu
nəzərdə tutan beynəlxalq ixtisaslaşmaya əsaslanır. Hazırda xüsusi (sahələr
və yardımçı sahələr arasında) və vahidlər, yaxud mallar, detallar və
texnologiyalar üzrə (sahələr və yardımçı sahələr daxilində) ixtisaslaşma
beynəlxalq ixtisaslaşmanın əsas növləridir. Vahidlər üzrə ixtisaslaşma,
əməyin bölgüsü istehsal prosesinin ayrı-ayrı mərhələlərinin (detallar,
qovşaqlar, dəstləşdirici komponentlər) və istifadə olunan texnologiyaların
məkan baxımından cəmləşdirilməsini nəzərdə tutur.
Beynəlxalq ixtisaslaşma istehsalın beynəlxalq kooperasiyasının ilkin
şərti kimi çıxış edir. Onun mövcudluğu kooperasiya olmadan mümkün
deyil. Beynəlxalq kooperasiya öz təzahürünü daimi əsaslarla birgə
əməkdaşlıqda, yaxud müxtəlif sahibkarlıq subyektlərinin beynəlxalq
məkanda sıx əlaqələndirilmiş və aralarında razılaşdırılmış tərzdə istehsal
proseslərində iştirak etməsində tapır. Beynəlxalq ixtisaslaşma ilk növbədə
TMK tərəfindən həyata keçirilir və iyerarxiya əlaqələri sistemi ilə
xarakterizə olunan bütöv istehsal zəncirinin, şəbəkəsinin formalaşması ilə
nəticələnir. Bu iyerarxiyanın yuxarı mərtəbəsi bütün zəncirin, şəbəkənin
fəaliyyət göstərmə qaydasını müəyyənləşdirir. Formal sistemdən kənarda
fəaliyyət göstərən yerli subpodratçılar da beynəlxalq kooperasiya əlaqələrinə
daxil edilir.
92
Kooperasiya şəraitində beynəlxalq ticarət kooperasiya üzvləri
arasında malların və xidmətlərin əvvəlcədən razılaşdırılmış göndərişləri ilə
məhdudlaşır. Bu halda "ticarət müstəqil müəssisələr arasında həyata
keçirilən və izafi məhsulların mübadiləsinə xidmət edən fəaliyyət kimi deyil,
istehsalın özünün mühüm, hərtərəfli ilkin şərti və məqamı kimi çıxış edir"
(K.Marks).
İnkişaf etmiş ölkələrin şirkətləri arasında mal dövriyyəsinin 30%-dən
çoxu beynəlxalq kooperasiya üzrə göndərişlərin payına düşür. Bəzi inkişaf
etməkdə olan ölkələrin beynəlxalq istehsalın payı yüksək olan ayrı-ayrı
sahələrində kooperasiya üzrə göndərişlər mühüm rol oynayır. Sahədaxili
ticarət əmsalı 0,15% təşkil edir.
_____________________________________________
BƏB-in səbəbləri və inkişaf səviyyələri
Məhsuldar qüvvələrin inkişafının səviyyəsi ölkələrin BƏB-də
iştirakının intensivliyini müəyyən edən mühüm amildir. Təbii-coğrafi şərait,
milli təsərrüfatların istehsal miqyasındakı fərqlər, əməyin məkan daxilində
bölgüsünün əldə olunmuş səviyyəsi və mövcud imkanları da buna təsir
göstərir. Belə ki, daxili bazarın nisbi darısqallığı, milli təsərrüfatlar
çərçivəsində əməyin bölgüsünü aparmaq imkanlarının məhdudluğu kiçik
ölkələrin və onların şirkətlərinin BƏB-də fəal iştirak etməsini stimullaşdırır,
milli istehsalın dünya bazarlarına yönələrək, ixtisaslaşmasının əhəmiyyətini
artırırdı.
Müasir dövrdə ixtisaslaşmanın və kooperasiyanın artmasına ilk
növbədə ETT-nin inkişafı ilə bağlı olan amillər və şərtlər təsir göstərir.
Bunların arasında sənaye məmulatlarının mənəvi aşınmasının sürətlənməsi
ilə bağlı olaraq nomenklaturunun dəyişdirilməsi, yeni məhsulların
yaradılmasının vacibliyi daha güclü təsir göstərir. Müasir texnika və istehsal
bir ölkənin mallara və xidmətlərə olan ehtiyaclarının beynəlxalq əmək
bölgüsü aparılmadan, öz qüvvəsi ilə təmin olunmasını mümkünsüz edir. Heç
bir ölkə beynəlxalq mübadilədə dərinləşmiş ixtisaslaşma olmadan, istehsalın
bütün sahələrini iqtisadi baxımdan səmərəli təşkil etmək iqtidarında deyil.
Beynəlxalq ixtisaslaşma istehsalda və elmi-texniki tərəqqidə sürətlənmənin
ümumi şərtinə çevrilmişdir.
Ümumilikdə, ixtisaslaşmanın xarakteri üstünlüklərin müqayisə
olunmasından asılıdır. İstehsalında yerli işçi qüvvəsindən daha səmərəli
istifadə edilən mallar və xidmətlər ixrac olunur, buraxılması üçün nisbətən
az əmək sərf olunan mallar isə idxal edilir.
Beynəlxalq ixtisaslaşmanın inkişafı ayrı-ayrı şirkətlərin, ölkələrin,
ölkələr qruplarının beynəlxalq ticarətdə iştirakı ilə müəyyən olunur. Xarici
ticarət həcminin ümumi məhsula nisbəti, istehsalın ümumi həcmində ixrac
və idxal edilən məhsulların payı (ixrac və idxal kvotaları), beynəlxalq